Премиерот на Сингапур призна дека ѝ платил на Тејлор Свифт за да не пее во други земји - Канал 5

Шоу биз

Премиерот на Сингапур призна дека ѝ платил на Тејлор Свифт за да не пее во други земји

Премиерот на Сингапур, Ли Хсиен Лунг денеска призна дека на моментално најголемата глобална поп ѕвезда Тејлор Свифт ѝ платил да свири во Сингапур и никаде на друго место во Југоисточна Азија.

Премиерот на Сингапур призна дека ѝ платил на Тејлор Свифт за да не пее во други земји

Свифт моментално е среде серијата од шест распродадени концерти во Сингапур, единствениот град од Југоисточна Азија вклучен во нејзината распродадена светска турнеја Ерас.

Ваквиот распоред предизвика контроверзии во регионот, при што Сингапур е обвинет дека фрлил пари за да ја спречи Свифт да настапи на други локации. Покрај тоа, соседните земји го прогласија ваквото однесување на Сингапур за „непријателски чин“.

Прашањето неочекувано излезе на виделина на самитот на Асоцијацијата на нациите од Југоисточна Азија (АСЕАН)-Австралија во Мелбурн, собир кој обично е повеќе преокупиран со прашањата за безбедноста и економскиот раст.

„Нашите агенции се договорија со неа да настапи во Сингапур и во договорот е вклучено дека тоа ќе биде нејзината единствена станица во Југоисточна Азија“, рече премиерот Ли Хсиен Лунг на заедничката прес-конференција со неговиот австралиски колега.

„Постигнат е договор. И испадна дека е многу успешен договор. Не го гледам тоа како чин на непријателство кон другите. Дали би настапувала во други азиски градови ако немаше договор? Можеби да, можеби не“, рече Ли.

Сингапур постојано одбива да даде детали за финансиските услови на договорот.

Тајландскиот премиер Сретта Тависин минатиот месец изјави дека Сингапур ѝ плаќал на Тејлор Свифт 3 милиони долари по настап, под услов таа да настапува само таму. Раководството на Тејлор Свифт не ја коментира контроверзноста.

Турнејата Ерас е на пат да стане најпрофитабилната турнеја на сите времиња, што ќе ѝ донесе многу пари на Свифт и Сингапур.

Таа ќе настапи на шест распродадени вечери пред 300.000 обожаватели, а 70 отсто од посетителите на концертите доаѓаат од странство и трошат до 370 милиони долари во градот, според економистите на Мајбанк.

Помеѓу 1 и 9 март, кога Свифт е во градот-држава, бројот на летови до Сингапур се зголеми за 186%, а резервациите за сместување речиси петкратно. По Сингапур, концертната турнеја на Тејлор Свифт доаѓа во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нема трета економија во Европа кога 73% од граѓаните имаат платa под просечната

Каква„трета економија во Европа“ на Мицкоски кога над 73% од граѓаните земаат плата под просечната?

СДСМ: Нема трета економија во Европа кога 73% од граѓаните имаат платa под просечната

Податоците на УЈП ја разобличуваат владината пропаганда. Нема трета економија во Европа. Има 73% од граѓаните со плата под просечната и власт која душмански го ограбува народот.

Половина од вработените, односно 50%, заработуваат меѓу 24.000 и 36.000 денари месечно.

По две години власт на Мицкоски и ВМРО-ДПМНЕ, животниот стандард е целосно урнисан. Граѓаните осиромашуваат, платите се меѓу најниските во Европа, а народот живее многу полошо отколку пред две години.

Минималната синдикална кошничка веќе изнесува околу 70.000 денари. Тоа значи дека на половина од вработените не им се доволни ниту две плати за да ги покријат основните животни трошоци на едно семејство.

Тоа е реалноста зад приказните на Мицкоски за наводни економски успеси: најголемиот дел од работниците едвај врзуваат крај со крај.

Животот стана прескап. Платите не го следат растот на цените, храната станува луксуз, а сметките се сè повисоки.

Прекинувањето на растот на платите и одбивањето на Владата на Мицкоски да ја зголеми минималната плата на 600 евра директно ги турка работниците и нивните семејства во сиромаштија.

Кризата не стивнува. Поскапувањето на горивата е нов тежок удар врз семејните буџети, кој ќе предизвика дополнително зголемување на цените на храната, транспортот и другите основни производи.

Додека народот осиромашува, финансиски добро живеат само Мицкоски и ВМРО, кои се богатат на грбот на граѓаните преку криминални тендери.

Скопје, 18.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со заменик-државниот секретар на САД, Кристофер Ландау

Во рамките на работната посета на Вашингтон, министерот за надворешни работи и надворешна трговија, Тимчо Муцунски, оствари средба со заменик-државниот секретар на Соединетите Американски Држави, Кристофер Ландау.

Средба на министерот Муцунски со заменик-државниот секретар на САД, Кристофер Ландау

Во разговорот соговорниците ја потврдија заедничката определба за натамошно зајакнување на стратешкото партнерство и билатералната соработка, во интерес на граѓаните на двете земји.

Фокусот на средбата беше ставен на унапредувањето на соработката во областа на одбраната и сојузништвото во НАТО, економијата, енергетиката и регионалната поврзаност.

Беа разменети мислења и за состојбите во регионот, како и за значењето на континуираниот ангажман на САД за мирот, безбедноста и просперитетот на Западниот Балкан.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Мајкл Рубин, американски бизнисмен чие богатство се проценува на 12 милијарди долари, објави селфи на кое е во друштво на голем број ѕвезди од светот на спортот и шоу-бизнисот.

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Фотографијата, која веднаш привлече светско внимание по објавувањето, е направена за време на фестивалот Фанатикс, глобалната дигитална спортска платформа на Рубин.

За селфи да ја опфати оваа поголема група, потребен беше некој со долги раце...

Изборот беше лесен: Кевин Дурант, еден од најголемите кошаркари на НБА во последната деценија, со телефонот во рака (стапчето за селфи беше излишно), го овековечи овој навистина незаборавен момент.

Дурант се „улови“ себеси, најтрофејниот свтески тенисер Новак Ѓоковиќ, капитенот на Шпанија Родри, легендата на американскиот фудбал Том Брејди, аргентинскиот голман Емилијано Мартинез, раперот Тревис Скот, екс фудбалерот на Манчестер Јунајтед и на англиската репрезентација Рио Фердинанд, волшебникот со буба мара Лионел Меси, Рубин и комичарот Кевин Харт.

На втората фотографија, која е направена од друг агол и го прикажува моментот на правење на селфито, во кадарот се и селекторите на Аргентина и Шпанија, Лионел Скалони и Луис де ла Фуенте.

Тагови: Кевин Дурант Лионел Меси Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер