Македонија

Прекуграничен успех во обновување на шумите во Македонија и Албанија

Иницијативата за шуми го одбележа својот успешен завршеток со регионален настан посветен на обновувањето на шумите во Албанија и Македонија.

Овој значаен собир ги прослави постигнувањата на проектот во намалување на деградацијата на шумите и зајакнување на одржливото управување со шумите низ Западен Балкан.

Настанот собра над 40 засегнати страни – меѓу кои владини претставници, локални власти, партнери во спроведувањето и експерти за заштита на природата – и ја истакна клучната улога на обновувањето за природата и заедниците. Дискусиите нагласија како решенијата засновани на природата придонесуваат за зачувување на биодиверзитетот, зголемување на климатската отпорност и поддршка на локалното население.

Проектот „Иницијатива за северни шуми - Обнова на шумите во Албанија и Македонија“, започнат во 2023 година, се фокусираше на намалување на загубата на шуми преку обновување на приоритетни предели, градење институционален капацитет и промовирање одржливо управување со шумите во двете земји. Проектот беше спроведен од Регионалната канцеларија на Меѓународната унија за заштита на природата (IUCN-ECARO) во партнерство со организациите ППНЕА (Заштита и зачувување на природната средина во Албанија) и МЕД (Македонско еколошко друштво), а поддржан од Фондацијата на Шведската поштенска лотарија. Иницијативата постави пример за прекугранична соработка во обновување на шумските предели.

„Горди сме што ги поддржавме овие напори за обновување како дел од нашата глобална Иницијатива за шуми, која покажа дека локално водените активности за обновување, можат да донесат трајни придобивки за природата и заедниците. Резултатите постигнати во Албанија и Македонија го одразуваат потенцијалот на соработката и моќта на решенијата засновани на природата, во справување со загубата на биодиверзитет и климатските предизвици. Со нетрпение го очекуваме напредокот на IUCN во унапредување на еколошкото обновување и зајакнување на отпорноста на заедниците на Западен Балкан,“ изјави Андреас Ериксон, генерален секретар на Фондацијата на Шведската поштенска лотарија.

Активностите за обновување беа насочени кон два клучни биодиверзитетни предели: Буковиќ во Македонија и Паштрик-Морина во Албанија. Овие области се клучни за зачувување на критично загрозениот балкански рис (според Црвената листа на загрозени видови на IUCN) и претставуваат витални еколошки коридори кои овозможуваат движење на видовите и одржување на поврзаноста на екосистемите. Преку насочени интервенции за обновување на шумските предели, проектот ги подобри условите на живеалиштата, ја зајакна отпорноста на шумите и придонесе кон ублажување на климатските промени.

„Иницијативата за шуми ја покажа моќта на регионалната соработка и решенијата засновани на природата во обновување на шумските предели и зајакнување на климатската отпорност. Искрено сме благодарни на Фондацијата на Шведската поштенска лотарија за нивната непроценлива поддршка и партнерство во текот на целиот процес. Иако оваа фаза завршува, остануваме посветени на напредокот во обновување на шумите и одржливо управување со земјиштето во Западен Балкан, градејќи врз темелите што ги постави оваа иницијатива,“ истакна Оливер Аврамоски, регионален директор на IUCN ECARO.

Меѓу клучните постигнувања на Иницијативата за шуми се обновувањето на 40 хектари деградирани предели во Албанија и Македонија преку комбинација на мерки како пошумување, проредување на шуми, подобрување на пасишта и контрола на ерозија. Овие активности не само што го подобрија квалитетот на живеалиштата, туку ја зајакнаа и прекуграничната соработка во заштитата на шумите. Проектот ги унапреди локалните капацитети преку обуки за одржливо управување со шумите за заедниците и властите, додека стратешката примена на решенија засновани на природата придонесе за зголемување на биодиверзитетот, апсорпција на јаглерод и подобрување на климатската отпорност.

„Обновувањето и одржувањето на еколошката поврзаност е суштинско, не само за опстанокот на видови како балканскиот рис, туку и за зајакнување на отпорноста на нашите предели и заедници. Остануваме посветени на заштитата на овие коридори на живот, каде биодиверзитетот и човечкото благосостојба одат рака под рака,“ изјави Александер Трајче, извршен директор на ППНЕА.

Примената на „мозаичен“ пристап – кој интегрира повеќе техники за обновување – ги засили еколошките и социјалните придобивки, поставувајќи основа за долготрајни и стабилни живеалишта.

„И покрај предизвиците со институционалниот капацитет, проектот постави силен пример за решенија засновани на природата и нуди модел што може да се повтори за обновување на шумите и соработка во заштита на големите ѕверови низ регионот на Западен Балкан,“ изјави Робертина Брајаноска, извршна директорка на МЕД.

Она што ги прави овие интервенции посебни е нивната интегрирана и координирана примена, создавајќи ефект што ги засилува придобивките за зачувување и обезбедува конкретни резултати за локалните заедници. Овој холистички пристап гарантира дека напорите за обновување одат подалеку од изолирани акции, создавајќи отпорни екосистеми, кои носат позитивни резултати за сите нивни корисници, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

ЕУ наскоро го укинува роамингот за земјите на Западен Балкан

Европската комисија започна преговори за укинување на роамингот меѓу Европската Унија и земјите од Западен Балкан.

Целта е регионот да се вклучи во системот „Roam Like at Home“, што би им овозможило на граѓаните да користат мобилни услуги во ЕУ без дополнителни такси, пишува N1 Info.

Покрај Босна и Херцеговина, во преговорите се вклучени и Албанија, Косово, Црна Гора, Македонија и Србија. Вклучувањето во единствената роаминг зона би значело дека граѓаните од Западен Балкан можат да телефонираат, да испраќаат пораки и да користат интернет додека патуваат во Европската Унија по исти цени како и дома. Истите правила би важеле за граѓаните на ЕУ што патуваат во регионот.

Преговорите се во тек

Иницијативата дојде откако претседателката на Европската комисија, Урсула фон дер Лајен, ја објави оваа можност за време на нејзината посета на Западен Балкан во октомври оваа година. Комисијата потврди дека билатералните преговори со партнерите од регионот сега се официјално отворени.

За да се спроведе укинувањето на роамингот, земјите-партнери мора целосно да го усогласат своето законодавство со правилата на ЕУ. Откако ќе бидат склучени договорите, Европската комисија ќе му предложи на Советот на Европската Унија да донесе конечна одлука за проширување на системот. Советот на ЕУ го одобри почетокот на преговорите уште во јуни 2026 година.

Идните договори за роаминг ќе бидат поврзани со постојните договори за стабилизација и асоцијација, чија цел е да се поддржи стабилноста, економската интеграција и зајакнувањето на соработката на регионот со Европската Унија. Европската комисија сè уште не го објави точниот датум од кој новите правила би можеле да стапат во сила.

Шоу биз

Силвестер Сталоне за децениската кавга со Арнолд Шварценегер, со кого сега се побратими: Јас сум идиот

Кога во Холивуд се спомнуваат вистински опасни момци, првата асоцијација се Силвестер Сталоне и Арнолд Шварценегер.

Сепак, она што со години се случуваше зад сцената на нивните славни кариери наликува на вистинска серија на расправии и ривалства. Познатиот Рамбо сега реши да си ја отвори душата и да признае дека двете најголеми акциони ѕвезди со децении биле во кавга.

Во една епизода од подкастот The Rest Is Entertainment, Силвестер Сталоне (80) искрено зборуваше за тоа како била неговата врска со Арнолд Шварценегер (79) од самиот почеток. Ривалството се роди од едноставна желба - и двајцата по секоја цена сакаа титула апсолутен владетел на акциониот жанр.

Прва средба и веднаш летаат саксии!

Фанатизмот можеше да се почувствува во воздухот штом влегоа во истата просторија. Сталоне се присети на моментот кога сфати дека корпулентниот Австриец ќе му направи проблем во кариерата. На едно од наградите Златен глобус, Шварценегер му упати некои непријателски погледи. Уште на следната средба Сталоне не сакаше да биде во долгови, па направи потег за кој се прераскажува и денеска. Без многу размислување, посегна по сад со цвеќе и го фрли кон Шварценегер.

- Се преправав дека славам, како: „Да! И ракавицата беше фрлена, тепачката почна - призна Сталоне во споменатиот подкаст, а потоа објасни дека неговиот ривал природно бил склон кон провокации и дека и двајцата сакале да се физички и постојано да провоцираат.

Додека тие се бореа на благајните со хитови како „Рамбо“ и „Командос“, безмилосната војна се прошири надвор од екранот.

- Беше многу бурно, верувајте, во што уживав. Затоа што колку повеќе го нервирав, толку повеќе тој ме нервираше, па уште посилно се боревме да го направиме следниот акционен филм - поголем нож, погласен пиштол, повеќе жртви, ова и она, подобра локација. Тоа само се искачи на повисоко ниво – изјави легендарниот актер.

Големата нетрпеливост отиде дотаму што во 1991 година, кога како познати инвеститори го лансираа познатиот ланец на ресторани Планет Холивуд, не можеа да се видат очи в очи, а камоли да застанат заедно на иста сцена за време на промоцијата.

Пура на помирување по две децении

Секирите биле закопани дури по 20 години. Пресвртот на судбината се случи во 2003 година, кога Шварценегер одлучи да влезе во политиката и да се кандидира за гувернер на Калифорнија, што на крајот го освои.

Сталоне се присети како налетал на Шварценегер во продавница за пури и сфатил дека е време да ја фрли топката, бидејќи тие веќе не биле директни конкуренти во филмскиот бизнис. Седнаа, запалија пура и од тој ден станаа исклучително добри пријатели.

- Секогаш ќе бидеме конкурентни. Тоа е природата на ѕверот и јас уживам во тоа. Веќе не сме финансиски конкурентни... тоа е одамна. Тоа е нешто што никогаш повеќе нема да се повтори, што имаш двајца актери во ист жанр кои буквално се борат за тоа - на екранот и надвор од него - заклучи славниот Слав.

„Не сум горд што се распаднав на парчиња“

Сепак, децениите докажување на големото платно го направија својот данок. Додека ја промовираше четвртата сезона на „Кралот Tulse“ во интервју за Fox News Digital, Сталоне се осврна на ужасните физички последици што ги трпи од акционите улоги.

Многу го чинеше снимањето на „Платениците“ од 2010 година, каде што инсистираше самиот да изведува опасни каскадерски сцени.

- Се повредив многу, многу пати, но по „Платеник“ завршив со девет операции на грбот и три спојувања на вратните пршлени. И двете рамена ми беа скинати. Беше брутално - искрено призна актерот и без двоумење се охрабри за ваквите одлуки:

- Мислам дека сум идиот што го правам тоа. Да бидам горд што се распаднав на парчиња? Како, ајде, нема шанси.

Тагови: Силвестер Сталоне

Македонија

Петрушевски: Филипче и партнерите од СДС треба да одговараат кривично за саботажа на банкарскиот систем во државата

Филипче и партнерите од СДС треба да одговараат кривично за саботажа на банкарскиот систем во државата.

Филипче и неговите партнери, свесно шират лаги и манипулации за случајот со Алта банка, случај кој постои во друга држава, но не и Македонија.

Филипче и неговите партнери, од петни жили се обидуваат сликите од немирите во другите држави да ги пренесат во Македонија, нешто што не им успева, бидејќи граѓаните ја препознаваат стабилноста во државата.

Зошто Филипче и СДС се толку гласни за Алта банка? Чека ли спремен бизнисмен близок до Заев за багателна цена да ја откупи банката? Инаку, зошто би сакале СДС да пропадне некоја банка, по стилот на Еуростандард?

Го повикуваме ЈО да постапи по допрен глас и да ги повика на информативен разговор сите оние коишто пробуваат да го урнисаат уставниот поредок на државата, рече Бране Петрушевски, заменик генерален секретар на ВМРО-ДПМНЕ и пратеник.