Преку Министерство за финансии се реконструира Поликлиниката „Идадија“ - Канал 5

Македонија

Преку Министерство за финансии се реконструира Поликлиниката „Идадија“

Преку Министерство за финансии се реконструира Поликлиниката „Идадија“ -  инвестиција вредна над 31 милион денари.

Преку Министерство за финансии се реконструира Поликлиниката „Идадија“

Започна реконструкцијата на ЈЗУ Здравствен дом Скопје – Поликлиника „Идадија“, инвестиција вредна над 31 милион денари. Проектот „Реконструкција на ЈЗУ Здравствен дом Скопје – Поликлиника Идадија со мерки за зголемување на енергетската ефикасност“ се реализира преку Проектот за енергетска ефикасност во јавниот сектор (ПСЕЕП), кој го имплементира Проектната единица при Министерството за финансии, во соработка со Меѓународната банка за обнова и развој – Светска банка и Инвестициската рамка за Западен Балкан (WBIF).

Договорот за грант помеѓу Здравствен Дом Скопје и Министерство за Финансии беше потпишан во декември 2025 година по што беше спроведена постапка за јавна набавка и во март оваа година беше потпишан договорот со избраниот изведувач во вредност од 31.028.850 денари, по што започна реализацијата на градежните работи.

Со реконструкцијата објектот ќе добие современи енергетски ефикасни решенија, подобри услови за работа на медицинскиот персонал и поквалитетни услови за престој на пациентите.

Поликлиниката „Идадија“, изградена во 1975 година, повеќе од четири децении функционираше со застарена инфраструктура – без соодветна термоизолација, со дотраена фасадна столарија, неефикасен систем за греење и застарено осветлување. Таквата состојба резултираше со висока потрошувачка на енергија и зголемени трошоци за функционирање и одржување на објектот.

Реконструкцијата се спроведува врз основа на претходно изработена енергетска контрола и основен проект која опфаќа поставување нова термоизолациска фасада и кровна изолација, целосна замена на фасадната столарија, модернизација на системот за централно греење, поставување енергетски ефикасно ЛЕД осветлување, како и реконструкција на електроинсталацијата.

Со реализацијата на проектот се очекува значително намалување на потрошувачката на електрична и топлинска енергија, пониски оперативни трошоци за функционирање на установата, подобри услови за работа на здравствените работници и поквалитетна, побезбедна и поефикасна здравствена средина за илјадниците граѓани кои секојдневно ги користат услугите на Поликлиниката „Идадија“.

Реконструкцијата на Поликлиниката „Идадија“ претставува уште една значајна инвестиција во модернизацијата на јавното здравство и е дел од пошироките

заложби за унапредување на јавната инфраструктура преку енергетски ефикасни и одржливи објекти, кои обезбедуваат поквалитетни услуги за граѓаните и поефикасно користење на јавните средства.

Тагови: Министерство за финансии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Хуман гест на КК ТФТ - Скопје -Донирана хуманитарна помош за Гостивар

Македонскиот кошаркарски прволигаш ТФТ Скопје со голем хуман гест се вклучи во акција за помош на загрозените граѓани по прогласената епидемија во Гостивар.

Хуман гест на КК ТФТ - Скопје -Донирана хуманитарна помош за Гостивар

Од ТФТ Скопје, преку својата новоформирана фондација, донираа вода за граѓаните на Гостивар како знак на поддршка и солидарност.

-Не секоја победа се освојува со кош. Некои победи се освојуваат со срце. [❤️] [💧]Во текот на вчерашниот ден, Кошаркарскиот клуб ТФТ Скопје, преку својата фондација TFT Cares, беше рамо до рамо со граѓаните на Гостивар и донираше вода како знак на поддршка и солидарност. Кога е најпотребно — стоиме заедно.
Заедно за Гостивар. [🤝] Повеќе од кошарка.
Повеќе од победа. [🏀] [❤️] #TFTCares #WeComeOne, истакнуваат од ТФТ -Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Гори француски туристички бисер, туристите бегаат во паника

Француските власти наредија евакуација на целиот полуостров Кап Фере (Леж-Кап-Фере) – едно од најпознатите крајбрежни одморалишта на југозападниот брег на Франција 

Гори француски туристички бисер, туристите бегаат во паника

Француските власти наредија евакуација на целиот полуостров Кап Фере (Леж-Кап-Фере) – едно од најпознатите крајбрежни одморалишта на југозападниот брег на Франција – додека стотици луѓе го напуштаат подрачјето со чамци поради пожар што се шири.

Станува збор за популарна туристичка дестинација. Софи Брокас, претставничката на француската влада за департманот Жиронд, рано утринава ја нареди финалната фаза од евакуацијата.

На жителите им било наложено да го напуштат подрачјето преку главниот пат кон Бордо, додека на другите им беа ставени на располагање чамци на четири пристаништа, во периодот од 07:00 до 10:00 часот по локално време.

По одлуката за евакуација на целиот полуостров – кој вообичаено е многу популарна туристичка дестинација – илјадници луѓе беа принудени да заминат.

Пожарот што избувна во вторникот во градот Саумос, во југозападна Франција, продолжи да се шири во текот на изминатите неколку дена, при што пламените јазици зафатија 8.700 хектари.

Двајца пожарникари загинаа во вторникот додека се бореа со огнената стихија во близина на аеродромот во Бордо, а надлежните утрово соопштија дека нема нови повредени.

Францускиот претседател Емануел Макрон синоќа изјави дека ситуацијата со шумските пожари во земјата е „многу напната“, при што посебно го спомена регионот Жиронд. Макрон наведе дека побарал помош од Европската унија, додавајќи дека наскоро ќе пристигнат авиони од Хрватска, Португалија, Чешка и Словачка за да ѝ помогнат на земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Тинејџер изел колбас и починал, мајката во шок: „Не знаев дека може да биде толку сериозно“

Животот на австралијката Мифанви Веб се променил засекогаш откако нејзиниот 15-годишен син Џереми починал поради ретка алергија на месо, предизвикана од каснување од крлеж.

Тинејџер изел колбас и починал, мајката во шок: „Не знаев дека може да биде толку сериозно“

Сè започнало по семејна прослава во ресторан, кога момчето добило проблеми со дишењето и почнало да повраќа. Лекарите се посомневале на алергија на месо, но случајот на крајот го поврзале со неговата астма и го пуштиле дома.

Повеќе од една година подоцна, во јуни 2022 година, Џереми починал откако на кампување со пријатели изел говедска колбасица. Првично, причината за смртта повторно била заведена како астма, но по дополнителна истрага било утврдено дека доживеал смртоносен анафилактички шок предизвикан од алфа-гал синдром – ретка алергија на месо од цицачи.

Ова е првиот познат смртен случај во светот поврзан со оваа алергија.

Според експертите, алфа-гал синдромот може да се појави по каснување од одредени видови крлежи. Кај заболените, организмот реагира на шеќерна молекула која се наоѓа во месото од цицачи, а симптомите можат да бидат различни – од осип и стомачни проблеми, па сè до опасен анафилактички шок.

Мајката на Џереми вели дека долго се сомневала дека нејзиниот син има проблем со месото, но семејството не знаело дека состојбата може да биде опасна по живот.

„Мислев дека станува збор само за нетолеранција на храна, не знаев дека може да биде толку сериозно“, изјавила таа.

Лекарите предупредуваат дека бројот на случаи со оваа алергија расте, а многу луѓе можеби имаат антитела без да знаат дека се изложени на ризик.

Извор: Новости

Тагови: алергија крлежи смрт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер