Македонија

Преку камерите на „Безбеден град“ пишани 120.000 казни за пет месеци, странците може да возат како сакаат

Камерите на МВР за пет месеци санкционирале 120.000 прекршоци, но системот и натаму нема можност да ги казнува возилата со странски таблички, чија фрекфенција е зголемена со почетокот на летната сезона...

120 илјади прекршоци се регистрирани преку камерите од системот Сејф сити од неговото ставање во функција, најголем дел се за пречекорување на дозволената брзина. Податоците ги сподели министерот Панче Тошковски во отчетот за сработеното во изминатите две години откако е на челната позиција во МВР.

Статистиките покажале и намален број на сообраќајни несреќи за 40%, во првите пет месеци бројот на загинати е 34 а за истиот период лани имало 55 загинати лица. Според најавите проектот до крајот на годината треба да биде имплементиран на териоторија на целата земја. Сепак и понатаму проблем останува санкционирањето на сообраќајните прекршоци сторени од возачи со странски регистарски таблички. Сејф сити системот ги препознава, но не можат да се идентификуваат сопствениците за да им се достави казна бидејќи нашата матична евиденција не е поврзана со сопственици на странски возила. Тошковски вели дека се работи на проблемот и најави дека ќе се постави пункт во близина на граничниот премин Табановце кој ќе биде специјализиран за детекција и спроведување на сообраќајни прекршоци спрема странски возила.

-Странските регистарски таблички се препознаваат од првиот ден, проблем е процесот на спроведување, идентификување и достава во однос на сопствениците на странските возила. Заради тоа што, сопствениците на македонските возила ги имаме во систем со целокупно ажурирање на базата на податоци којашто ја имавме којашто отпочна година дена пред официјално да започне имплементацијата на системот Сејф сити. За жал таква можност за ставање на сопственици на странски возила сме немале којашто би можело ефективно да го даде резултатот. Но тоа не значи дека не се евидентирани во системот, возачите со странски регистарски таблици, и дека нема да биде процесуиран за истиот соодветен сообраќаен прекршок.

Во досегашниот мандат Тошковски се соочи со три неуспешни интерпелации а во отчетот заклучи дека Македонија денес има најниско ниво на криминалитет во последните 20 години.

Постигната е вкупна ефикасност од 69 проценти во намалување на криминалитетот кажа минстерот. Откриени се повеќе од 30 организирани криминални групи. Во областа на корупцијата, сузбиени се шест такви групи, при што кривични пријави добиле 146 лица.

Прашан околу преговорите за владина реконструкција и шпекулации за евентулаен трансфер во Министерството за правда, Тошковски не даде конкретен одговор.

-Мислам дека има уште многу работа што треба да се сработи во ова министерство и мислам дека треба максимално да се вложиме тие кои сме посветени овие години во МВР да ги унапредиме подобриме процесите во рамки на МВР.

Во отчетот Тошковски се осврна и на реформите но и условите за работа на припадниците на МВР за кои тврдеше дека се подобрени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полскиот претседател со вето го запре законот за истополово партнерство

Полскиот претседател денеска стави вето на два закона со кои ќе се воведеа таканаречени договори за соживот.

Таа одлука го запре обидот за подобрување на положбата на истополовите парови во Полска, една од ретките членки на Европската унија која сè уште не гарантира речиси никакви права на ЛГБТ лицата, пишува Ројтерс.

Премиерот Доналд Туск ја презеде функцијата во 2023 година со ветување за реформирање на законите за абортус и правата на ЛГБТ заедницата. Сепак, поделбите во неговата проевропска коалиција, како и правото на вето што го користи националистичкиот претседател Карол Навроцки, му го отежнуваат спроведувањето на тие цели.

Предложените закони за статусот на најблиското лице и договорот за соживот ќе им овозможат на двајца возрасни да го регулираат заедничкиот имот, пристапот до медицински информации или организирањето погреб по договор.

Предлозите беа поддржани од целата владејачка коалиција, вклучително и конзервативната партија ПСЛ. Тие претходно ги отфрлија сличните иницијативи од страв дека тоа ќе ја загрози институцијата брак. Сепак, Навроцки, сојузник на опозициската националистичка партија Право и правда (ПиС), рече дека предлозите одат предалеку.

Одбрана на „специјалниот статус на бракот“

„Овие предлози создаваат нова, формализирана институција во рамките на семејното право, која нуди широк спектар на права слични на оние на бракот“, рече претседателот во видео порака. „Како чувар на Уставот, не можам да прифатам решение што би довело до губење на посебниот статус на бракот. Тој е дефиниран во член 18 од Уставот како заедница на маж и жена под заштита и грижа на Република Полска.“

Туск остро реагираше на одлуката на претседателот. На платформата X тој објави: „Претседателското вето е израз на презир кон луѓето и нивното право на среќа и нормален живот.“

За да го поништи ветото, на Владата ѝ е потребно мнозинство од три петтини, со присуство на најмалку половина од претставниците во парламентот. Со оглед на тоа што националистичката опозиција се спротивставува на законите, таков исход во пракса е речиси невозможен.

Катаржина Котула, владина комесарка за рамноправност, рече дека одлуката на Навроцки ги игнорирала двата милиони луѓе што живеат во неформални врски во Полска.

Котула објави дека сега ќе се фокусира на обезбедување на сите достапни права и привилегии за истополовите бракови склучени во странство. Имено, Полска мораше да ги признае по пресудата на Судот на Европската Унија.

Кампањата против хомофобијата (KPH) соопшти дека законите на кои претседателот стави вето се само „скелетот на првата верзија на законот за граѓанско партнерство“. „Денешното вето на овој предлог покажува дека дури и апсолутниот минимум права што законот требаше да ги обезбеди е премногу за претседателот“, се вели во соопштението за медиумите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мохамед Салах ќе игра во Турција, неговиот агент слета во Истанбул

Агентот на Мохамед Салах, Рами Абас, пристигна во Истанбул, а според најдоверливите турски медиуми, еден од најдобрите фудбалери во историјата на Ливерпул е многу блиску до преселба во Бешикташ.

Според новинарот Јагиз Сабункуглу, Салах првично барал плата од 15 милиони евра по сезона, но по преговорите се согласил на 12 милиони. Се очекува Египќанецот да потпише едногодишен договор со опција за продолжување на соработката за уште една сезона.

Рами Абас, агентот на Салах, пристигна во Истанбул за да ги договори последните детали за трансферот со челниците на Бешикташ. Доколку нема непредвидени проблеми, Салах наскоро би требало да стане новото големо засилување на истанбулскиот гигант.

Салах имаше профитабилни понуди од Саудиска Арабија и МЛС ова лето, но, според турските медиуми, тој одлучи да остане во европскиот фудбал. Бешикташ претходно го доведе Леандро Тросар, па доаѓањето на Египќанецот би претставувало уште еден голем трансфер.

Црно-белите се чини дека не планираат да застанат тука. Турските медиуми објавуваат дека Бешикташ е сериозно заинтересиран и за Ромелу Лукаку, кој е исто така меѓу главните цели на клубот во овој преоден рок.

Тагови: Мохамед Салах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нема крај на лагите на ВМРО-ОКГ, жртва е Македонија и нејзината европска иднина

ВМРО-ОКГ повторно зборува за „празен лист“ и „виктимизација“ на опозицијата околу Изборниот законик.

Нема крај на нивните лаги.

Нивниот „празен лист“ воопшто не е празен. На него веќе се заокружени броеви и имиња. Тоа не е понуда за консензус, туку обид да се наметне модел кој ќе овозможи контрола и кражба на гласовите од дијаспората.

Препораките на ОБСЕ и ОДИХР СДСМ ги прифаќа. Она што не се прифаќа се предлозите на организираната криминална група ВМРО на чело со Христијан Мицкоски – предлози создадени за манипулација, а не за фер избори.

ВМРО-ОКГ не сака да ги заврши реформите.

Прво ветија 1.јуни. Потоа јули. Сега намерно создаваат проблем за да имаат изговор зошто агендата повторно не е исполнета.

Тие не сакаат ЕУ.

Во Европската унија нема ослободување на криминалци како што сега се ослободуваат Никола Груевски и Драган Павловиќ Латас. Во ЕУ тие би одговарале.

Во ЕУ, ВМРО-ОКГ не би можела да враќа имот стекнат со криминал.

Жртва не е опозицијата. Жртва е Македонија и нејзината европска иднина,се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.