Предизборен митинг на Нова демократија во Атина, поддржувачите очекуваат убедлива победа - Канал 5

Балкан

Предизборен митинг на Нова демократија во Атина, поддржувачите очекуваат убедлива победа

Повторување на резултатот од изборите во мај, но и победа со уште поголема разлика во однос на СИРИЗА, очекуваат поддржувачите на Нова демократија.

Предизборен митинг на Нова демократија во Атина, поддржувачите очекуваат убедлива победа

Повторување на резултатот од изборите во мај, но и победа со уште поголема разлика во однос на СИРИЗА, очекуваат поддржувачите на Нова демократија со кои поразговара дописничката на МИА од Атина за време на синоќешниот централен партиски предизборен митинг на кој се обрати Кирјакос Мицотакис.

Лидерот на партијата и веројатно следен премиер на Грција, на последниот ден од предизборната кампања во Грција, одржа митинг пред грчкиот Парламент, каде што токму над фонтаната во центарот на плоштадот Синтагма беше специјално поставена шестоаголна бина, а Мицотакис беше опкружен од неговите поддржувачи.

Паралелно, оние кои беа малку подалеку од бината, говорот го следеа на видеобим.

Мицотакис беше пречекан и поздравен со овации, аплаузи, вувузели и развиорени грчки и партиски знамиња кои на присутните им се делеа пред почетокот на собирот.

Поддржувачите на Нова демократија со кои поразговара дописничката на МИА од Атина, на утрешните избори очекуваат сигурна победа и коментираа дека не станува збор за митинг во пресрет на изборите, туку прослава на следната голема победа на партијата.

-Во атмосферата се чувствува победничкиот дух. Гледате, сите се позитивни, оптимисти, се собравме и за да ја поддржиме партијата и да го слушнеме нашиот претседател, но и за да испратиме порака дека Нова демократија повторно ќе биде големиот победник на изборите в недела, вели повозрасен Грк.

Прогнозите на поддржувачите на партијата се дека на утрешните избори сигурно ќе добијат над 40 отсто од гласовите.

-Очекувам да добиеме над 43 отсто, но основен предуслов е народот да излезе и да гласа, а не луѓето да сметаат дека се е завршено и да останат дома, коментира млада Гркинка.

На изборите минатиот месец, Нова демократија освои 40,79 отсто од гласовите, двојно повеќе од СИРИЗА, а Мицотакис синоќа порача дека „на 21 мај гласавме и победивме заедно, на 25 јуни гласаме за да владееме заедно, сите обединети“.

-На 25 јуни одлучуваме и гласаме, на 26 ги засукуваме ракавите, продолжуваме да ја градиме новата Грција храбро, стабилно и само напред, порача лидерот на Нова демократија.

Во неговиот говор се осврна на четирите цели поставени за вториот мандат: подобри плати, квалитетно бесплатно државно здравство, ефикасна и праведна држава и силна Грција.

На митингот присутни беа поранешните премиери Костас Караманлис и Андонис Самарас, поранешни министри од Владата, дел од кои повторно ќе добијат министерски позиции, поранешни пратеници и кандидати за пратеници.

Синоќа, на последниот ден од предизборната кампања во пресрет на утрешните избори, лидерот на опозициската СИРИЗА Алексис Ципрас одржа митинг во Солун, а претседателот на ПАСОК – Движење на промена Никос Андрулакис говореше на Крит./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По девет дена спасени двајца работници заробени во тунел во Непал

Две лица беа спасени од тунел од хидроцентрала, девет дена по катастрофалните поплави што го погодија Непал, додека повеќе од 4.000 луѓе сè уште се водат како исчезнати.

По девет дена спасени двајца работници заробени во тунел во Непал

Спасувачките екипи, со помош на повеќе од 500 инженери, сè уште трагаат по исчезнати, а властите се надеваат дека дел од околу илјада лица кои се водат како исчезнати во шест хидроцентрали преживеале, бидејќи се засолниле во тунелите или работеле во нив за време на поплавата.. Потрагата е отежната од фактот дека поплавите го промениле теренот околу тунелите, донесувајќи големи количини кал и камења. Бројот на жртви во Непал и Тибет надмина три илјади.

Тагови: Непал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Марта Кос ја откажа посетата на Србија за величењето на Младиќ – поради истата политика на Мицкоски и Стоилковиќ

Европската комесарка за проширување Марта Кос денеска ја откажа планираната посета на Србија поради величењето на осудениот воен злосторник Ратко Младиќ.

СДСМ: Марта Кос ја откажа посетата на Србија за величењето на Младиќ – поради истата политика на Мицкоски и Стоилковиќ

Пораката од Европската Унија и од Кос е повеќе од јасна.

„Величењето што ја придружува неговата смрт е неспоиво со вредностите врз кои се гради патот кон ЕУ. Тој пат бара соочување со минатото, вистинско помирување и почитување на жртвите на воените злосторства“, напиша Марта Кос на X.

Тоа што денеска го кажува Европската Унија е токму она за што СДСМ рeагираше и се случи во Македонија.

Величењето на воен злосторник е неспоиво со европските вредности.

Но, Христијан Мицкоски ги заштити Иван Стоилковиќ и Далибор Китановиќ по нивните ставови и величењето на Младиќ.

Нема оставки. Нема разрешувања. Нема одговорност.

Мицкоски свесно одлучи да ги заштити.

Сега уште појасно се гледа каде ја води Македонија оваа политика на Мицкоски по рецептот на Вучиќ.

Намерна изолација, далеку од ЕУ, антиевропска кампања и одработување за руската агенда, се нмаведува во партиското сопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Руски дрон го погоди седиштето на безбедносната служба на Украина (SBU) во центарот на Киев, а официјални лица изјавија дека нападот бил директно насочен кон канцеларијата на нејзиниот шеф.

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Украинскиот претседател Володимир Зеленски изјави дека дронот ја погодил централната зграда на SBU на улицата Володимирска, спроти историската катедрала „Света Софија“ во градот, објави „Дејли меил“.

„Дронот бил насочен директно кон канцеларијата на шефот на безбедносната служба во таа зграда“, рече Зеленски по разговорите со вршителот на должноста шеф на SBU, Олександр Поклад.

Во нападот се повредени пет лица, според градоначалникот на Киев, додека густ црн чад се издигаше од местото на настанот. Зеленски рече дека службите за итни случаи се на местото на настанот.

Директниот удар се случил по неколкудневни речиси постојани руски воздушни напади врз украинскиот главен град. Снимки од последиците од нападот беа објавени и на социјалните медиуми.

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер