ПП, ГЕРБ, ДПС и ДБ се за прифаќање на францускиот предлог, ИТН и Преродба против, БСП воздражан

Поддржувачите на француската иницијатива ја опишаа како најдобриот предлог што Бугарија досега го добила и предупредија дека временскиот прозорец за нејзино усвојување наскоро ќе се затвори.

„Промената продолжува“ (ПП), ГЕРБ-СДС, ДПС и „Демократска Бугарија“ (ДБ) денеска побараа Народното собрание на Бугарија да го поддржи францускиот предлог за Република Македонија. „Има таков народ“ (ИТН) и „Преродба“ се против, а од „БСП за Бугарија“ предупредија да не се брза.

Поддржувачите на француската иницијатива ја опишаа како најдобриот предлог што Бугарија досега го добила и предупредија дека временскиот прозорец за нејзино усвојување наскоро ќе се затвори.

Противниците за кревање на ветото за Скопје, пак, во денешната дебата употребија изрази како „национални предавници“, а ИТН побара од претседателот Румен Радев да ги декласифицира документите од последната седница на Национален советодавен совет на тема Република Северна Македонија.

Според БСП, францускиот предлог кој е одбиен од Скопје, не треба набрзина да се прифаќа од парламентот, пренесе БТА.

Бранајќи го својот предлог, кој вчера доби зелено светло од парламентарната Комисија за надворешна политика, лидерот на ДП Христо Иванов, пред пратениците кажа дека со предложена одлука Бугарија не го укинува ветото, туку ја зголемува силата на ветото.

Тој нагласи дека францускиот предлог е добар за Бугарија.

– Ако не им верувате на експертите, на политичарите кај нас, слушајте што велат во Скопје за него – сметаат дека е неприфатливо за нив. Сите европски институции се зад нас, тие се гарант, рече Иванов.

Тој предупреди дека по завршувањето на француското претседателство со ЕУ може да се изгуби можноста која сега е понудена.

– Во моментот кога завршува француското претседателство, исчезнуваат политичките услови под кои можеме да поставуваме такви барања, истакна Христо Иванов.

Украина до Турција: Задржете го рускиот брод со нашето украдено жито и уапсете го екипажот

Украина вчера побара од Турција да го заплени товарниот брод со руско знаме Жибек Џоли, кој превезувал украинско жито запленето од окупираното пристаниште Бердјанск, и да го уапси неговиот екипаж.

Официјален претставник на украинското Министерство за надворешни работи, повикувајќи се на информации од Украинската поморска управа, соопшти дека бродот Жибек Џоли превезувал приближно 4.500 тони жито, натоварено во Бердјанск, за кое службеникот тврди дека ѝ припаѓа на Украина.

Во одвоено писмо до турското Министерство за правда, украинското државно обвинителство на 30 јуни соопшти дека Жибек Џоли бил вклучен во „нелегалниот извоз на украинско жито“ од Бердјанск, дека неговата дестинација е градот Карасу во Турција и дека превезувал 7.000 тони товар, што е поголема бројка од онаа наведена од службеното лице.

Турското Министерство за надворешни работи не било веднаш достапно за коментар во врска со доаѓањето на бродот.

Од казахстанската транспортна компанија КТЗ Експрес потврдиле дека Жибек Џоли е во нивна сопственост, но велат дека е ангажиран од руската компанија Грин Лајн, која не е на ниту една листа за санкции.

Украина ја обвинува Русија дека краде жито од областите окупирани од руските сили од почетокот на инвазијата на крајот на февруари.

Ковачевски во телефонски разговор со Шолет: Високо ја ценам поддршката на Стејт департментот

Претседателот на Владата Димитар Ковачевски вечерва телефонски разговараше со Советникот на Стејт департментот, Дерек Шолет во присуство на амбасадорката на САД, Кејт Мери Брнз.

Премиерот Ковачевски изрази огромна благодарност до Стејт департментот и рече дека високо ја цени поддршка и интересот за нашата земја во овие клучни моменти за државата.

Исто така го информираше советникот Шолет за процесот на широка консултација со сите чинители во општеството кој Владата најодговорно го започна веднаш по добивањето на европскиот предлог. Премиерот во разговорот уште еднаш ги потврди и посочи на јасните определби на Владата кои се темелат на демократските вредности и припадност кон прогресивниот свет кои за нас немаат алтернатива, бидејќи тоа е единствениот пат кој води кон напредок и просперитет, се наведува во соопштението од Владата..

САД ѝ праќаат на Украина ракетни системи, со кои ги бранат Белата куќа и Конгресот (ВИДЕО)

САД денеска официјално објавија дека на Украина ќе ѝ испратат нов пакет воена помош. Станува збор за оружје вредно 820 милиони долари.

Новиот пакет воена помош ќе вклучува ракети земја-воздух и противартилериски радари, кои би требало да ѝ помогнат на Украина поуспешно да се справи со руските удари со долг дострел, кои во последно време стануваат сѐ почести.

Пентагон објави и дека во Украина ќе испрати околу 150.000 парчиња артилериска муниција.

Ова е 14-ти американски пакет воена помош за Украина од август 2021 година. Севкупно, Америка за Украина обезбедила оружје и обука во вредност од 8,8 милијарди долари.

Како дел од новиот пакет воена помош, САД ќе купат два системи од типот НАСАМС од Норвешка. Станува збор за системи за противвоздушна одбрана кои се користат за заштита на воздушниот простор околу Белата куќа и зградата на Конгресот во Вашингтон.

Пентагон, исто така, најави дека ќе испрати повеќе муниција во Украина за модерните повеќецевни ракетни фрлачи HIMARS, кои првпат беа испратени минатиот месец.

притисни ентер