Никола Мицевски, член на ИК на ВМРО-ДПМНЕ, во изјава за Канал 5 телевизија, а по повод 36-тиот роденден на ВМРО-ДПМНЕ под мотото „Македонија забрзува, наша обврска“, истакна дека Македонија во изминатиот период бележи значителен напредок во спроведувањето на реформите, особено во областa на дигиталната трансформација, образованието и енергетскиот пазар. Според него, позитивните оценки од Европската комисија и Европскиот совет, како и добиените средства од планот за раст, се потврда за успешноста на реформските процеси во земјата.

„Македонија напредува во изминатиот период во повеќе области, oна за што можам директно да кажам и што е видливо е делот на Реформската агенда, односно законите и областите коишто произлегуваат од планот за раст. Македонија напредува во делот на дигиталната трансформација, во делот на образованието, во делот на енергетскиот пазар, во делот на дигитализацијата, што е видливо и од извештаите кои што ги добиваме од Европската комисија и од претседателот на Европскиот совет којшто рече дека Македонија бележи опипливи резултати. Македонија на последната поделба на одредени средства доби 65,7 милиони евра, повеќе од сите во околината, кој што се средства да кажеме како лидери во областа на реформите од планот за раст“, рече Мицевски.

Мицевски посочи дека Владата останува цврсто определена на европскиот пат и спроведува реформи што се бараат од Европската комисија, но истовремено внимателно ги штити македонските национални и државни интереси. Тој нагласи дека, по искуствата од минатото и неисполнетите ветувања по направените уставни измени, земјата нема да избрзува со нови чекори без јасни гаранции и видлив напредок на патот кон Европската Унија.

„Македонија ја води проевропска Влада, Влада којашто работи на измените, односно на реформите коишто Европската комисија ги бара, меѓутоа, Македонија во моментов има Влада којашто се грижи за македонските национални и државни интереси. Поучени од минатото коешто го имавме, направени уставни измени со промена на уставно име, а не испорачани резултати коишто беа ветувани, сега разговараме, меѓутоа внимателно со цел да добиеме некој видлив патоказ, којшто ќе ни даде за право да веруваме доколку дојде до одредени измени. Не брзаме, не сме наивни, меѓутоа работиме на Реформската агенда и реформскиот пат, затоа што тоа е иднината на оваа држава“, дециден е Мицевски.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Доколку го стореше тоа двапати, веројатно ќе имаше репутација дека е неверојатно среќна. Но, Џоан Гинтер освои милиони четири пати, што ја прави еден од најмистериозните случаи во историјата на американската лотарија.

Вкупно, таа освои повеќе од 20 милиони долари, а она што ја прави нејзината приказна необична не е само количината на пари, туку и фактот дека била математичарка со докторат од Универзитетот Стенфорд.

Затоа истото прашање се поставува со децении: дали Џоан Гинтер имаla неверојатно среќна или разбира нешто што другите играчи не го разбраа?

- Првата голема добивка дојде во 1993 година кога освои 5,4 милиони долари на лотаријата Лото Тексас. Ваквите добивки не се невообичаени. Она што следеше е необично.

Тринаесет години подоцна, таа освои два милиони долари на греб-лотарија. Две години потоа, уште три милиони. Потоа, во 2010 година, дојде уште еден шок - добивка од десет милиони долари.

Математичарите брзо пресметаа дека шансите едно лице да постигне таква низа се астрономски мали.

Бидејќи Џоан Гинтер била математичарка, речиси веднаш се појавиле теории дека таа внимателно го проучила системот.

Некои истражувачи тврдеа дека е можно да се анализира дистрибуцијата на греб-ливчиња и со тоа да се зголеми веројатноста за наоѓање добитни тикети.

Други веруваа дека таа купила огромни количини ливчиња и трпеливо чекала вистинскиот момент. Сепак, ниту една од овие теории никогаш не била потврдена.

Комисијата за лотарија на Тексас никогаш не пронашла докази за измама, ниту пак било утврдено дека користела некакви нелегални методи. Со други зборови, на јавноста ѝ биле дадени многу теории, но немало одговори. Жената која не сакала слава Можеби затоа мистеријата траела толку долго.

Можеби затоа мистеријата трае толку долго. За разлика од повеќето луѓе кои стануваат медиумски ѕвезди по голема победа, Џоан Гинтер речиси ништо не ѝ проговори на јавноста.

Таа не држеше предавања за стратегија, не пишуваше книги и не се обидуваше да профитира од својата слава. Колку помалку зборуваше, толку поголем беше интересот.

Неодговореното прашање Џоан Гинтер почина во 2024 година. Со неа, веројатно исчезна и одговорот на прашањето што ги интригира љубителите на статистика, коцкање и необични животни приказни низ целиот свет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Претседателката на Република Македонија, Гордана Сиљановска-Давкова, денеска во претседателската резиденција ги прими машката и женската кадетска училишна ракометна репрезентација, кои освоија медали на Светското училишно ракометно првенство што се одржа во Скопје.

Младите ракометари и ракометарки уште еднаш покажаа дека македонскиот спорт има иднина, а нивните успеси беа препознаени и од највисоко државно ниво.

Претседателката на Македонија, Гордана Сиљановска-Давкова, им го честиташе успехот и им се заблагодари за витешката борба и достојното претставување на Македонија на светската ракометна сцена.

„Освоените медали се резултат на истрајна работа, темелна посветеност и исклучителен талент, како и награда за манифестираната способност за рамноправен натпревар со најдобрите училишни селекции во светот, што ве прави најдобри македонски спортски амбасадори.

Ракометот е повеќе од игра – тој е животна филозофија во која се спојуваат дисциплината и страста, умот, вештината и храброста, личниот напор и колективниот дух“, истакна претседателката на Македонија, Гордана Сиљановска-Давкова.

Претседателката на Федерацијата на училишен спорт на Македонија, Елена Мицковска, ја истакна важноста на поканата, нагласувајќи дека за младите нема поголема инспирација кога честитките доаѓаат од врвот на државата.

„Неизмерно сме благодарни за укажаната покана и чест. Вашето внимание и присуство што им го посветивте на младите спортисти претставуваат силна потврда дека тие се движат по вистинскиот пат.

Вашите инспиративни и искрени зборови се дополнителен мотив за нив и во иднина да продолжат со посветена работа, да останат верни на спортот и на вредностите што тој ги гради. Спортот е универзален јазик кој обединува и создава мостови меѓу младите.

За нас претставува особена чест што токму Вие го отворивте Светското училишно првенство во ракомет – настан кој доби највисоки оценки од сите учесници, како и од пошироката јавност. Ова признание беше потврдено и од претседателот на Светската училишна федерација, Жељко Танасковиќ, што дополнително ја нагласува успешноста на организацијата и значењето на овој настан за нашата држава.

Ова се моменти кои младите спортисти ќе ги паметат цел живот – моменти што ги обликуваат нивните соништа и ја зацврстуваат нивната љубов кон татковината.“

Федерацијата на училишен спорт на Македонија изразува искрена благодарност до претседателката Сиљановска-Давкова за укажаната чест и поддршката што ја дава на младите спортисти. Ваквите средби претставуваат силен поттик за понатамошен развој на училишниот спорт и дополнителна мотивација за нови успеси на меѓународната сцена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.