Познат гуру од Индија дојде на гости кај Ѓоковиќ во Австралија (ФОТО) - Канал 5

Тенис

Познат гуру од Индија дојде на гости кај Ѓоковиќ во Австралија (ФОТО)

Новак Ѓоковиќ се квалификуваше во полуфиналето на Австралија опен откако ден претходно го совлада Тејлор Фриц и доби два дена одмор до полуфиналниот дуел со Јаник Синер.

Познат гуру од Индија дојде на гости кај Ѓоковиќ во Австралија (ФОТО)

Ден по пласманот во своето 11-то полуфинале, Ноле имаше можност да се сретне со познатиот гуру од Индија - Садгуру.

- Прекрасна средба со Новак Ѓоковиќ. Извонредно е да се остане на врвот на своите способности повеќе од две децении во неверојатно конкурентен спорт како тенис. Вашата посветеност и разбирање на телото и умот претставува извонреден пример за другите што треба да го следат. Сѐ најдобро на претстојните натпревари - изјави Седгуру.

Гуру на Новак му ја подари и својата книга „Карма“, а како спомен беа направени фотографии кои Садгуру ги објави на својот Инстаграм.

И Новак се огласи на својот Инстаграм и му се заблагодари на индискиот гуру што беше на неговиот натпревар.

- Ти благодарам Садгуру за посетата и што го гледаше мојот натпревар - рече Новак со споделената објава на индискиот гуру.

Садгуру на Инстаграм го следат 11,5 милиони луѓе, а претходно го запознала сопругата на Новак, Јелена, кога со мотор патувал од Индија, каде за 100 дена поминал низ 100 различни земји, а потоа ги посетил и Србија и Белград.

- Садгуру денеска помина низ Белград и зборуваше за важноста од зачувување на земјата бидејќи таа сѐ повеќе осиромашува. Нашите овошја, зеленчук и житарки кои ги одгледуваме и јадеме веќе ја немаат истата хранлива вредност како порано... денес ни требаат 8 портокали за да го замениме оној сочен од пред само 10 години.

- Затоа нè повикува да му се придружиме во неговата кампања за подигнување на свеста за важноста на зачувувањето на земјиштето и, секако, нѐ повикува да ги промениме нашите навики заради нашето здравје, како и здравјето на нашите деца и планетата. Со задоволство одговорив на поканата и со голема благодарност го видов... му остануваат уште 75 дена возење на мотор за да стигне до Индија - напиша Јелена во април 2022 година заедно со фотографијата со индискиот гуру.

Садгуру е роден како Јаги Васудев во 1957 година во градот Мајсор, Индија. Тој е индиски инструктор по јога кој во Индија е ценет и почитуван како најважен гуру, а во 1992 година ја основал Фондацијата Иша, која се занимавала со различни активности на полето на духовноста, образованието и животната средина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Магазин

Дали е во ред сончањето топлес на плажа? Се јавија жените, но и мажите

Дали сончањето топлес е табу?

Дали е во ред сончањето топлес на плажа? Се јавија жените, но и мажите

Ваква расправа е отворена на Редит, каде една Хрватка ги прашува корисниците дали е прифатливо да се сонча без горен дел од костумот за капење.

„Мислам дека жените ме осудуваат“

„Колку е табу жена во нашата земја да биде гола на плажа? Го практикував тоа последните трипати кога бев на плажа. Во една прилика, друга жена беше топлес, па ми беше полесно, додека во другите два наврати забележав погледи со презир, претежно од жени. Не можам да кажам дека забележав мажи да зјапаат несоодветно, повеќе ми се чинеше дека жените ме осудуваат“, напишала таа.

Таа додала дека не била на преполни плажи или места со многу деца, па ја интересира дали други жени кои се сончале топлес доживеале непријатни коментари.

„Само напред“

Одговорите брзо почнаа да се нижат, а многумина истакнале дека немаат ништо против овој начин на сончање. „Јас сум либерална и ако некому му е удобно да се сонча така, само напред“, напишала една корисничка.

Сепак, таа прашала како заклучила дека ја осудуваат. „Само ме интересира како заклучивте од погледот дека жените ве осудуваат. Факт е дека голите гради на плажа, каде што повеќето луѓе носат костими за капење, ќе привлечат внимание. Без оглед дали ви се допаѓа или не, погледот ќе биде насочен во таму.“

Мажите признаваат: „Тешко е да не погледнеш“

На нејзиниот коментар се јавиле и мажи кои признаа дека ги забележуваат жените што се сончаат топлес, но дека се обидуваат да не бидат непристојни. „Јас сум маж и, за жал, не можам а да не фрлам поглед, но се обидувам да не зјапам.“

„Немам потреба да зјапам и искрено се обидувам да бидам пристоен за жената да не се чувствува непријатно, но речиси е невозможно да не погледнеш барем секунда“, напишал друг корисник.

Некои заклучиле дека повеќето жени кои одлучуваат да се соблечат топлес веројатно не ни очекуваат дека никој нема да ги забележи. „Мислам дека ниедна жена која е топлес на плажа не очекува дека баш никој нема да погледне.“

„Зошто жените се сончаат топлес?“

Дел од корисниците не разбираат зошто некој би избрал да се сонча без горен дел на плажа полна со луѓе, па жените ги објаснија своите причини.

„Поентата е дека немаш траги од сончањето, а исто така ми е поудобно да пливам без горен дел од костим за капење. Кога ќе излезете од морето, нема влажни потполнки што ве ладат, сонцето ве грее. За мене, тоа е најдоброто чувство.“

Многу жени истакнаа дека тие лично можеби немаат храброст да го соблечат горниот дел, но дека немаат ништо против тие што го прават тоа. „Не би се соблекла затоа што сум срамежлива, но генерално немам проблем со тоа жените што се топлес“, „Тоа е тема за која ретко се зборува, но е сосема нормална. Жено, уживај и не грижи се, не правиш ништо лошо“, „Не можам да замислам колку се фрустрирани луѓето кога им пречат олку банални работи“.

Други сметаа дека погледите не мора да значат осуда. „Можеби воопшто не те осудуваале, само си им паднала во очи. Реално, тоа не е многу честа појава“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мексиканска водителка предизвика возбуда со облеката на Светското првенство (ВИДЕО)

Популарната водителка на временска прогноза и ѕвезда на социјалните медиуми, Јанет Гарсија, повторно ги привлече насловните страници, овој пат со објава за Светското првенство.

Мексиканска водителка предизвика возбуда со облеката на Светското првенство (ВИДЕО)

Гарсија, која се здоби со слава како водителка на временска прогноза за мексиканската телевизија „Телевиса Монтереј“, а подоцна и за „Унивижн“, изгради онлајн империја со повеќе од 13,2 милиони следбеници на Инстаграм.

Објавата што стана вирална

Додека возбудата околу Светското првенство во фудбал во 2026 година растеше, Гарсија се придружи на прославата со видео на Инстаграм. Во видеото, таа жонглира со фудбалска топка носејќи провокативен фустан инспириран од турнирот. Објавата стана вирална на социјалните медиуми и доби поплава од позитивни реакции. Нејзината објава дојде во совршено време додека фудбалските навивачи во Мексико го слават успешниот почеток на нивната национална репрезентација на турнирот. Помеѓу настаните на теренот и виралното видео на Јанет Гарсија, на навивачите не им недостасуваше возбуда.

Навивачите ги преплавија коментарите

Многу од нејзините следбеници го исполнија делот за коментари со пофалби. „Толку си убава, Јанет“, напиша еден обожавател. „Прекрасна фудбалска божица“, коментираше друг, додека трет додаде: „О, Боже, толку си убава“.

Иако објавата на Гарсија предизвика онлајн дебата, фокусот во Мексико остана на победата на тимот на првиот натпревар од турнирот. Мексико го започна своето патување до Светското првенство во фудбал во 2026 година со победа од 2-0 над Јужна Африка на стадионот „Естадио Ацтека“, каде што публиката создаде гласна и незаборавна атмосфера.

„Сон што стана реалност“

Дефанзивецот Израел Рејес зборуваше за искуството по победата. „Беше искуство како ниедно друго“, рече Рејес. „Не мислам дека некогаш сум почувствувал вакво нешто. Тоа беше кулминација на нешто за кое се надевав и на кое работев со години во мојата кариера. Сè помина точно како што очекував и замислував - за мене, ова е сон што стана реалност“. Мексико сега се подготвува за својот следен предизвик во групната фаза против Јужна Кореја. Натпреварот е закажан за четврток во 21 часот по источно време, а навивачите продолжуваат да ја покажуваат својата поддршка за земјата домаќин во раните фази од турнирот.

Тагови: Мексико Светско првенство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Овој часовник се претвора во робот (ФОТО)

Швајцарската компанија „MB&F“ претстави необичен луксузен производ кој комбинира врвна хорологија и роботика.

Овој часовник се претвора во робот (ФОТО)

Новиот модел „HM12 The Guardian“ се состои од комплексен механички часовник и хуманоидна фигура што служи како еден вид чувар и држач за часовникот кога не се носи на зглобот.

Часовникот всушност се наоѓа во главата на робот, што ѝ дава на целата структура уникатен изглед инспириран од научнофантастични филмови и серии од седумдесеттите и осумдесеттите години на минатиот век.

Основачот на компанијата Макс Бизер и дизајнерот Максимилијан Мертенс нагласија дека култните дела од научната фантастика биле главен извор на инспирација за време на развојот на овој модел.

Резултатот е комбинација од луксуз, уметност и машинско инженерство што ретко се гледа дури и во светот на скапите часовници.

Извор: Б92

Тагови: Робот часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер