Повеќе излекувани пациенти отколку активни случаи на Ковид-19, Филипче тврди дека е избран идеалниот модел

Досега во земјава се регистрирани 1.465 позитивни случаи на Ковид-19, од нив се оздравени 738 лица, а починати 77 лица. 

Извршени се вкупно 16.436 тестирања. Во мометов се активни 650 случаи. Министерот за здравство Венко Филипче тврди дека е избран идеалниот модел за нашата земја и нашиот здравствен систем, за справување со пандемијата, истакнувајќи оти сега се гледаат резултатите од тоа, односно дека постепено се намалува бројот на дијагностицирани пациенти и бројот на тестови.

– Пристапот да се тестираат симптоматски пациенти, да се изолираат нивните контакти мислам дека даде резултат. Секоја земја избра свој автентичен систем, секоја земја има свои карактеристики на здравствениот систем. Во однос на препораките на СЗО што е тоа што сега како резултат доаѓа во Шведска. Смртноста во Шведска е многу поголема. Таа е некаде околу 12 проценти, ми се чини дека е во првите пет земји во светот според просекот на починати лица. И во таа смисла дискутабилно е дали може да се препорача како добар модел, посочи Филипче, додавајќи дека немањето рестрикции со цел да се создаде имунитет според него е исклучително ризично да се препорача и направи.

За процентот за факторот на трансмисија, министерот посочи дека тој е под единица на национално ниво, но чекаат да поминат уште неколку денови, го проценуваат добро бројот на пациенти, и сакаат повеќе денови да се осигураат дека ќе биде вака мал бројот на дијагностицирани пациенти за со сигурност да кажат дека епидемијата полека стивнува.

Прашан во однос на вчерашната изјава на д-р Вело Марковски од каде се сигурни дека вирусот ќе се врати наесен, Филипче рече дека има неколку работи што ги тера да размислуваат во таа насока.

– Прво, станува збор за вирус што е респираторен, а сите респираторни вируси се враќаат во есенските месеци. Втората работа е во однос на тоа што се уште е сега претпоставка, веројатно следат испитувања, студии итн., сепак има еден тренд на помалку случаи во земјите каде што е задолжителна БСЖ вакцината, што е исто така пулмонален вирус. Значи, има некоја поврзаност, точно не се знае, но дури и покрај тоа што точно не се знае и не е потврдено, ние апсолутно мора да бидеме подготвени и во таа насока одиме. Со овој предизвик со кој сега се соочувме, не само ние туку целиот свет, искуството не научи и не прави поподготвени за некои следни предизвици. Можно е да имаме следен пик на пациенти во есенските месеци и тогаш дополнително уште повеќе комплицирано со некоја бројка, вообичаена бројка или зголемена како што беше и минатата сезона. Не можеме да претпоставиме со сезонски грип. Во таа смисла одат предвидувањата и подготовките кои ги преземаме, додаде Филипче.

Министерот истакна дека се намалуваат индикациите за тестирања, како преку пунктовите, така и во приватните лаборатории и тоа води кон насока на стивнување на епидемијата со коронавирусот, што било очекувано за овој период.

Тој рече дека веќе се изготвени сите протоколи за функционирање на многу други сегменти, општествени и економски оператори, фабрики и јавен превоз итн.

– Во текот на следната недела тие ќе бидат официјализирани после финалните консултации со сите кои ги засегаат, со цел да се слушнат евентуални сугестии, после што ќе ги презентираме јавно исто како и временскиот период во кој ги очекуваме овие да ги наречам попуштања на рестрикциите. Сето тоа ќе биде постепено со цел да не се создадат гужви, ниту да се создадат услови за масивни собири, истакна Филипче.

Во однос на тоа дали кај нас е регистрирано заболување со Ковид-19 кај деца со атипични симптоми, Филипче рече дека нема некое изненадување со специфика на децата кои што досега беа дијагностицирани кај нас во однос на другите дијагностицирани заболени со Ковид-19.

– Во однос на децата кои што досега беа дијагностицирани кај нас немаше некое изненадување со специфика во однос на другите дијагностицирани. Во таа смисла и наодот на белите дробови, пореметувањето на крвта беа во рамки на тоа што се движи манифестацијата кај возрасните. Значи некоја специфика посебна немаше, рече Филипче.

Здравствените власти во Франција и Велика Британија информираа дека се обидуваат да утврдат дали постои врска со пандемијата на коронавирусот и десетина деца кои неодамна биле примени на интензивна нега во Велика Британија и петнаесетина во Франција, откако развиле атипична форма на болест на крвните садови, што наликува на болеста Кавасаки.

Министерот информираше дека на двајца пациенти кои се ковалесцентни, односно се во фаза во која се носители на антителата против коронавирусот, вчера првпат им била земена крвна плазма со која треба да се лекуваат заболени.

– Во следните денови, исто како и терапијата со озон која се применува во Градската општа болница „8 Септември", крвната плазма ќе биде аплицирана на пациенти за кои експертите ќе оценат дека е соодветна за нив, наведе Филипче. /МИА

Фото: Британска манекенка ужива на одмор во Дубровник

Британската манекенка Ферне МекКан веќе одлучила да замине на одмор. Деновиве таа ги покажа своите фотографии од Хрватска. Како што откри таа е на одмор во Дубровник и околината.

„Верувајте си дека ќе го изберете она што е соодветно за вас. Најубавиот ресторан на островот. Каков прекрасен, посебен ден во Хрватска“, напиша таа во описот на фотографијата на која позира во црн костим за капење.

Дејли мејл известуваше за нејзиниот летен одмор во Хрватска. „Ферне МекКан ја истакнува својата неверојатна фигура во црно бикини додека се сонча во Хрватска“, гласи насловот на нивната статија.

Ферне неодамна изјави дека ослабела многу откако ја родила ќерката Финти, а многумина ја фалат затоа што покажала реален поглед на нејзиното тело. „Сакам да гледам реални фотографии, сите имаме целулит и маани кои попрво би ги немале, но добро е да ги славиме. Благодарам Ферне за искрената објава“, гласи пофалбата на еден следбеник.

Од 2022 година, Ферне е во врска со бизнисменот Лори Хејнс, со кој ја има ќерката Финти. Тој има уште една ќерка, од претходната врска.

Бајден настапи пред дипломците на Морхаус колеџот во Џорџија

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

Претседателот на САД, Џо Бајден во денешното обраќање пред дипломците во Морхаус, високообразовна установа од Џорџија каде мнозинството студенти се афроамериканци, прати пораки од неговата предизборна кампања за зацврстување на врските со младите од етничките малцинства.

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

- Сакам сите да запаметите, кога не избраа први ни велеа дека нема да направиме ништо значајно. Но ние направивме се. Благодарејќи вам … Мошне многу ценам што ми дадовте можност за повторен настап тука, изјави претседателот во обраќањето до дипломците на Морхаус.

Тој говореше и за својот соперник на претстојните избор – поранешниот претседател Доналд Трамп.

- На овие избори многу е ставено на коцка, мошне многу. Станува збор не за мене, туку за алтернативата … Работата е во тоа што тој (Трамп) изложи што имено планира да прави (ако биде избран). И републиканците во Претставничкиот дом ќе кажат и моите колеги ќе кажат, што тие имено ќе прават ако победат, рече Бајден.

Колеџот Морхаус е основан во 1867 година како машки колеџ за школување на црномурести кои скоро биле ослободени од ропство. Еден од они кои дипломирале тука е и Мартин Лутер Кинг помладиот.

Морхаоус е голем град во Џорџија со има значајна улога во претседателската трка во 2024 година. Бајден овде во 2020 година стана првиот кандидат за претседател од Демократската партија кој доби поддршка од оваа држава по Бил Клинтон во 1992 година.

Бајден денеска попладне патува во посета на Мичиген, каде ќе учествува на настан организиран од Детроитски фонд за борба за слобода. /МИА

Алкалоид го освои трофејот во ракометниот Куп на Македонија

Ракометарите на Алкалоид се победници во Купот на Македонија, откако вечерва во финалето одиграно во СРЦ „Борис Трајковски“ во Скопје го совладаа фаворитот Еурофарм Пелистер со 25:23 по изведувањето пенали.

Ова е прв трофеј во својата куса историја за младиот тим на Алкалоид кој на завршниот турнир ги совлада најголемите две имиња во македонскиот ракомет, Вардар и Еурофарм Пелистер.

Во финалето двете екипи во повеќе наврати се менуваа во водство, највисокото беше четири голови разлика, за на крај победникот да биде решен по пенал-рулетот во кој се истакна голманот на скопскиот тим Иван Галевски.

Токму Галевски беше прогласен за најдобар голман на завршниот турнир, наградата за најдобар стрелец отиде кај Богдан Радивојевиќ, а за МВП Филип Кузмановски (двајцата од Еурофарм Пелистер).

Претходно во текот на денот, во женското финале, Ѓорче Петров го победи Чаир со 36:24. /МИА

притисни ентер