Автомобилизам

Потврдено: Се враќа легендарниот Спачак!

„Citroen“ ги откри првите детали за својот нов електричен модел и го потврди враќањето на „Citroen 2CV“ (на овие простори познат како Спачак).

За време на презентацијата во „Stellantis“ во Мичиген, извршниот директор на „Citroen“, Ксавиер Шардон, изјави дека „2CV се враќа“. Новиот модел ќе се произведува во Италија од 2028 година, заедно со новата генерација на „Fiat Panda“.

Потврдата доаѓа по претходните извештаи дека „Citroen“ планира враќање на иконскиот модел за да го искористи растечкиот потенцијал на европскиот пазар на буџетски автомобили. Шардон претходно изјави дека новиот модел ќе ја игра истата улога како и оригиналниот „2CV“ кон крајот на 1940-тите, со цел да ги направи автомобилите подостапни за европските купувачи.

Првиот тизер покажува дека новиот градски автомобил ќе ја задржи препознатливата силуета на оригиналниот „2CV“, но со модернизиран дизајн инспириран од концептот „ELO“, кој го претставува идниот дизајнерски правец на брендот „Citroen“. „Stellantis“ неодамна потврди дека ќе произведува електрични градски автомобили со цена под 15.000 евра во својата фабрика во Помиљано во Италија од 2028 година, објави „Автоблог“.

„Fiat“ ќе користи дизајнерски елементи од оригиналната „Panda“ од 1980 година за својот модел, а се очекува името да се врати. Шардон рече дека новиот „2CV“ ќе биде еден од седумте нови модели планирани од „ Citroen “ до 2030 година. Пет од моделите ќе бидат замена за постојните возила, додека „2CV“ и уште еден електричен супермини ќе отворат нови извори на приходи за компанијата.

Новиот модел ефикасно ќе го наследи поранешниот „Ситроен C1“ со бензински мотор. Затемнетата силуета на возилото беше прикажана за време на презентацијата, со најава дека целиот изглед ќе биде откриен на Саемот за автомобили во Париз во октомври. Шардон потсети дека оригиналниот „2CV“ „донел слобода на мобилност на милиони луѓе“ по Втората светска војна и изјави дека новиот модел „ќе има задача да ја популаризира електричната мобилност“.

Извор: Б92

Тагови: Спачак

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По повод 11 Октомври делегација на СДСМ положи цвеќе и оддаде почит на борците од НОБ на Спомен-костурницата во Куманово

Темелите на македонската државност почиваат на антифашистичката борба чии идеали обезбедија денес да живееме во слободна, модерна и демократска држава.

По повод 11 Октомври - Денот на народното востание, партиска делегација на СДСМ, предводена од генералниот секретар Александар Саша Димитријевиќ, заедно со координаторот на пратеничката група на СДСМ, Оливер Спасовски, и членката на Извршниот одбор, Наташа Поповиќ и преставници од општинската организација на СДСМ Куманово, оддадоа почит и положија свежо цвеќе на Спомен-костурницата во Куманово.

Темелите на македонската државност почиваат на антифашистичката борба чии идеали обезбедија денес да живееме во слободна, модерна и демократска држава.

СДСМ како наследник на државотворните политики на нашите предци, партизаните, и на вредносните политики на антифашистичката борба, ја продолжува борбата за слобода, правда и достоинствен живот на сите граѓани.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полската полиција доби дојава за можен обид за атентат врз премиерот Туск

Полската полиција добила информации за можен напад врз премиерот Доналд Туск и министерот за одбрана Владислав Кошнјак-Камиш, соопшти портпаролката на Министерството за внатрешни работи на социјалната мрежа „Икс“ (X).

Оваа информација е објавена откако полските власти го подигнаа нивото на тревога поради бранот на насилство во училиштата, кој заврши во четвртокот со смртта на еден училиштен домар.

„Откако полската полиција доби информации за можен напад врз премиерот Доналд Туск, како и врз вицепремиерот и министер за одбрана Владислав Кошињак-Камиш, министерот за внатрешни работи Марчин Кервињски и министерот-координатор за специјални служби Томаш Семоњак наложија преземање соодветни мерки во овој случај“, напиша портпаролката Каролина Галецка.

Како што таа најави, во недела во 11 часот ќе се одржи состанок на претставници на Агенцијата за внатрешна безбедност (ABW), како и на службите што работат во рамките на Министерството за внатрешни работи и администрација – полицијата и Службата за државна заштита (SOP).

Јацек Добжињски, портпарол на министерот и координатор на специјалните служби, исто така извести за заканите на социјалната мрежа „Икс“ (X).

Тагови: Полска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Босанец „летал“ со 164 км/ч на автопатот Куманово – Скопје

Полициски службеници од Полициската станица за граничен премин Табановце го лишиле од слобода С.О.(39) од Босна и Херцеговина, поради сомнение за сторено кривично дело „безобѕирно управување со моторно возило“ по член 297-а од Кривичниот законик.

Вчера (10.10.2026) во 15:20 часот, полициски службеници од Полициската станица за граничен премин Табановце го лишиле од слобода С.О.(39) од Босна и Херцеговина, поради сомнение за сторено кривично дело „безобѕирно управување со моторно возило“ по член 297-а од Кривичниот законик.

Лицето, на патниот правец Катланово – Скопје, управувал патничко возило со брзина од 164 километри на час, на место каде што максимално дозволената брзина е 80 километри на час.

По целосно документирање на случајот, против лицето ќе биде поднесена соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.