Потпишан договор за соработка меѓу Кошаркарската федерација на Македонија и „Natura Therapy“ - Канал 5

Потпишан договор за соработка меѓу Кошаркарската федерација на Македонија и „Natura Therapy“

Денес, во присуство на медиуми, партнери и претставници на двете институции, беше потпишан договор за стратешка соработка меѓу Кошаркарската федерација на Македонија (КФСМ) и „Natura Therapy“.

Потпишан договор за соработка меѓу Кошаркарската федерација на Македонија и „Natura Therapy“

Договорот беше официјално потпишан од страна на претставниците на двете институции, односно потпретседателот на КФМ, г. Младен Ѓуровски и претставник на „Natura Therapy“ г. Сашко Дрвошански. Со овој договор, „Ad Аstra“ – потбренд на компанијата Натура Терапи како синоним за спортот, фитнесот и рекреацијата, станува генерален спонзор на младинската кошаркарска лига, која од денес гордо ќе го носи името „Ad Аstra младинска кошаркарска лига“.

Ова партнерство заедно со финансиската поддршка ќе овозможи и реализација на серија долгорочни активности, кампањи и едукативни иницијативи кои ќе ја поддржат физичката активност, менталната стабилност и здравиот развој на децата и младите низ целата држава.

Фото: Natura Therapy

„Natura Therapy“ како општествено одговорна компанија ја проширува својата мисија со поддршка на развојот на спортот кај младите и создавање на млади генерации со здрави навики за здрав живот од најрана возраст. Преку ова партнерство, „Natura Therapy“ ја засилува својата улога во заедницата, вложувајќи во иднината на децата и промовирајќи вредности како дисциплина, упорност и тимска работа.

За „Natura Therapy“

„Natura Therapy“ е македонска компанија специјализирана за развој, производство и дистрибуција на висококвалитетни и иновативни природни додатоци во исхраната, создадени за подобрување и одржување на здравјето на човекот. Основана во 2019 година, „Natura Therapy“ преку јасна стратегија и постојан развој создаде повеќе од 80 производи, воспоставувајќи бренд кој денес е синоним за доверба и квалитет.

Компанијата располага со сопствена современа производствена база во градот Штип сертифицирана со ISO 22000 (со HACCP) и GMP стандарти за квалитет и безбедност. Постојано вложуваме во најнови технологии и модерни производствени линии, обезбедувајќи производи од сите форми и типови.

Фото: Natura Therapy

Користиме стандардизирани, патентирани и брендови на состојки со загарантирано потекло, квалитет, безбедност и клиничка ефикасност. Произедуваме додатоци на исхраната во форма на сирупи, таблети и капсули, медицински креми и козметика за нега и функционални напитоци. Продажната палета ја сочинуваат линиите на: „Natura Therapy“ – за превенција и природна поддршка на заболувањата, „Adastra“ – за активен и фит живот и регулирање на тежината, „Elixy“ – ексклузивна козметика.

Имаме сопствена дистрибуитивна мрежа во 22 продажни центри, производите се достапни и во аптеките, како и во голем дел од Балканските земји: Србија, Косово, Албанија, Босна и Херцеговина, Црна Гора, Турција, како и во членките од ЕУ: Италија, Грција и Бугарија. Грижата за нашите корисници е во срцето на сè што правиме. Од разбирање на корените на здравствените проблеми, преку соодветно советување и едукација, до обезбедување на производи со докажана ефикасност и супериорен квалитет, „Natura Therapy“ ги води клиентите на патот кон подобро здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Најдобрите фудбалери против Кипар за опстанок во Б дивизијата од Лигата на нации

Македонија оспатанокот во Б сегментот од Лигата на нации ќе се обиде да го избори во два меча против селекцијата на Кипар. 

Најдобрите фудбалери против Кипар за опстанок во Б дивизијата од Лигата на нации

Најдобрата фудбалска репрезентација на Македонија попладнево денешната ждрепка во седиштето на УЕФА во Нион го дозна противникот во баражот за опстанок во Б-Лигата на нации.

„Црвено-жолтите“ по катастрофалниот настап и шесте порази на исто толку натпревари, за опстанок во овој сегмент за противник ќе ја имаат репрезентацијата на Кипар.

Нашите најдобри фудбалери осптанокот во Б дизивијата ќе се обидат да го изборат на домашен терен, бидејќи првиот натпревар избраниците на Седлоски го играат на 25 март следната година на Кипар, а реваншот е закажан за 28 истиот месец во Скопје.

БАРАЖ ПАРОВИ:

КИПАР – МАКЕДОНИЈА

ЕСТОНИЈА – РОМАНИЈА

ФАРСКИ ОСТРОВИ – ГРУЗИЈА

БЕЛОРУСИЈА – ИЗРАЕЛ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Министерот за здравство Сашо Клековски и ректорот на Универзитетот Тракија од Едрене, проф. д-р Мустафа Хатиплер, денеска во Скопје потпишаа протокол за соработка во областа на здравството, со важност од пет години.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Протоколот е потпишан во рамки на проектот „Мостови на братството“ — балканска соработка во здравството и обука во текот на работата, што Универзитетот Тракија го спроведува со поддршка на Министерството за здравство на Република Турција. Македонија е третата земја вклучена во проектот, по Косово и Бугарија.

Соработката предвидува:

стручни престои и практична обука на македонски здравствени работници на Медицинскиот факултет и во Универзитетската болница во Едрене;

размена на знаење и клиничко искуство меѓу стручните тимови;

заеднички научни истражувања и стручни настани;

институционална соработка што, покрај медицината, ги опфаќа и стоматологијата, фармацијата и здравствените науки.

Протоколот е продолжение на меморандумот за разбирање во областа на здравството што министерот Клековски го потпиша со министерот за здравство на Република Турција, проф. д-р Кемал Мемишоглу, во октомври годинава во Истанбул, каде што стручната размена и специјалистичката едукација беа определени како приоритетни области.

Во делегацијата на Универзитетот Тракија беа и проректорот и декан на Медицинскиот факултет проф. д-р Седат Устундаг, деканот на Факултетот за стоматологија проф. д-р Али Јилмаз и директорот на Универзитетската болница проф. д-р Алкин Чолак.

„Договорите вредат онолку колку што од нив ќе почувствува корист еден пациент. Со овој протокол нашите здравствени работници добиваат место каде ќе се доусовршуваат, а знаењето што ќе го донесат останува тука“, изјави министерот Клековски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пожар на ортопедија во ГОБ 8 Септември

Пожар избувнал утрово во Градската општа болница „8-ми Септември“ во Скопје, на Одделот за ортопедија, поради што дел од пациетите морале да бидат евакуирани.

Пожар на ортопедија во ГОБ 8 Септември

Засега нема официјални информации каде точно избувнал пожарот, ниту која е причината за неговото настанување.

Пожарот е локализиран и, според информациите од надлежните служби, нема опасност од негово понатамошно ширење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер