Посвоиле дете од Африка – Ова е нивната прва средба, а реакцијата на девојчето е неверојатна! - Канал 5

Живот

Посвоиле дете од Африка – Ова е нивната прва средба, а реакцијата на девојчето е неверојатна!

Посвојувањето деца е уште еден начин паровите да се реализираат како родители. 

Посвоиле дете од Африка – Ова е нивната прва средба, а реакцијата на девојчето е неверојатна!

Процесот воопшто не е лесен и е предмет на сложена процедура низ која поминуваат паровите за да се изврши проценка колку тие ги исполнуваат условите за идни родители.

Кај Американците е широко распространет трендот на посвојување деца од Африка, првите средби со детето и целиот процес на посвојувањето се одвиваат во Африка, па идните родители се принудени честопати да одат таму за да утврдат дали е сè во ред. На Интернет кружи видео од трогателната средба на пар со нивното посвоено дете, кое брачниот пар го споделил на социјалните мрежи.

Нивното заминување во Буранда, Африка, за нив било емотивно искуство кое никогаш нема да го заборават.

Процесот на посвојување парот го започнал во 2019 г. но поради пандемијата, тој доста се одолжил.

Првата средба со девојчето ја чекале три години, и конечно, на крајот од минатата година овој пар добил повик дека успеале да ги поврзат и дека токму тие се избрани за родители на девојчето.

@this.is.me368 ♬ original sound - this is me🥰😎💃

На емотивното видео се гледа како социјалната работничка ја доведува малата Африканка да ги запознае своите идни родители. Девојчето не ги крие своите симпатии кон нив и ги прегрнува како да израснала со нив, а родителите се пресреќни.

- Ми треба некој да ме посвои мене и моите деца.

- Толку слатко трча кон својата мајка.

- Замислете колку прекрасна иднина ќе има!

-Автоматското поврзување со девојчето е неверојатно, добро грижете се за неа!

- Детето веќе почувствувало дека ќе има подобар живот - беа дел од коментарите.

Многумина признаа дека ова е едно од најубавите нешта што ги виделе. А, повеќето од корисниците беа сигурни дека девојчето ќе добие вистински дом и дека овие родители ќе ѝ ја пружат неопходната љубов и поддршка, како и тоа дека се вистинскиот избор за неа.

Некои од корисниците на Тикток го поздравија овој потег на младиот брачен пар, порачувајќи им дека направиле многу хуман чин и дека девојчето сигурно ќе знае да го цени тоа кога ќе порасне.

Извор: www.srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Актерка облече бикини и го истакна задникот

Актерка облече бикини го покажа задникот и ги воодушеви фановите .

Фото: Актерка облече бикини и го истакна задникот

Откако ја раскина свршувачката со Шон Вајт, американската олимписка шампионка во сноубординг, актерката Нина Добрев ужива во животот.

Често се појавува на големи настани и во друштво на славни ѕвезди, што и доликува на нејзиниот актерски статус, а не е тајна ниту тоа дека неодамна беше фотографирана во страсна прегратка со своето ново момче.

Иако потенцијалниот пар не ги рекламираше провокативните фотографии, тоа не ја спречи убавата Нина да објави компилација од своите провокативни фотографии на Инстаграм.

Како што можете да видите, таа ги поминува жешките летни денови во Италија, а слободното време го искористи за да сподели дел од атмосферата од патувањето со своите фанови на социјалните мрежи.

Вниманието на јавноста го привлекоа фотографиите во бикини, на кои таа покажа прекрасна фигура и со тоа воодушеви многумина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Да ги вратиме дебатите во партиските простори, СДСМ мора да се обедини и да се врати на терен

Градоначалникот на Општина Центар и претседател на ОО СДСМ Центар, Горан Герасимовски, во гостувањето во „Вести плус“ на Канал 5 порача дека клучниот чекор за СДСМ е обединување на членството, враќање на терен.

Герасимовски: Да ги вратиме дебатите во партиските простори, СДСМ мора да се обедини и да се врати на терен


Градоначалникот на Општина Центар и претседател на ОО СДСМ Центар, Горан Герасимовски, во гостувањето во „Вести плус“ на Канал 5 порача дека клучниот чекор за СДСМ е обединување на членството, враќање на терен и градење политики заедно со граѓаните.

„Пред нас има многу работа. Потребно е повторно да ја екипираме партијата, да ги вклучиме сите луѓе кои со години придонесувале за СДСМ, без разлика дали извршувале партиски или институционални функции. Денес повеќе од кога било ни е потребно единство, искуство и меѓусебна доверба“, истакна Герасимовски.

Тој нагласи дека политиката не смее да се води зад затворени врати, туку таму каде што се граѓаните.

„Во Општина Центар секојдневно сме на терен. Организираме маалски средби, буџетски форуми и ги слушаме потребите на граѓаните пред да донесеме одлуки. Истиот принцип треба да го применува и партијата – да го слушне секој член, секој предлог и секое мислење. Само така може повторно да ја изградиме довербата“, рече Герасимовски.

Тој порача дека сите различни ставови треба да бидат повод за дијалог и дебата, внатре во партијата, а не по кафеани и кулоари.

„Предизвиците со кои моментално се соочува партијата е недозволиво и нездраво да се дебатираат надвор од неа. Сите оние различности, сите ставови и размислувања, треба да се дебатираат во партиските простории“, заклучи Герасимовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен поранешниот градоначалник на Сплит, Жељко Керум

 Поранешниот градоначалник на Сплит, Жељко Керум, е уапсен по налог на УСКОК, потврди хрватскиот портал „Индекс“.

Уапсен поранешниот градоначалник на Сплит, Жељко Керум

Како што наведува тој портал, Керум бил уапсен синоќа, а неговото приведување е поврзано со истрагата за таканаречената афера „Таверна Пршут“, која се однесува на ресторан во сопственост на Керум во Каштела.

„Слободна Далмација“ пренесува дека во моментот на апсењето, Керум се наоѓал во Вела Лука, каде што се одржувал настан посветен на Оливер Драгојевиќ.

Според неофицијални информации, во случајот се опфатени и неколку други лица блиски до Керум, а „Индекс“ наведува дека е уапсен и внукот на Керум, како и Андрија Полиќ, поранешен виш стручен соработник за просторно планирање и изградба во градот Каштела.

Засега не е познато за кои конкретни кривични дела се товарат осомничените, ниту дали во текот на денот ќе има нови апсења или официјални информации за текот на истрагата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер