Постигнат договор за државната матура: 2 екстерни и 2 интерени предмет - Канал 5

Македонија

Постигнат договор за државната матура: 2 екстерни и 2 интерени предмет

Постигнат договор за државната матура: Два екстерни и два интерени предмет ќе се полагаат од 5 јуни .

Постигнат договор за државната матура: 2 екстерни и 2 интерени предмет

Два екстерни испита, а третиот да се трансформира во интерен испит, формирање на работна група меѓу Бирото за развој во образование во надлежност на Министесртвото за образование и наука и Сојузот на средношколци, која ќе одлучува за кратење на програмите за екстерни испити, како и матурата да започне една недела подоцна, односно наместо од 29 мај, како што беше предвидено, да започне од 5 јуни, се дел од решенијата за кои се согласни и Владата и Сојузот на средношколци.

Работната група ќе биде составена од претставници на Бирото и од Сојузот и наставници номинирани од Сојузот на средношколците. Со неа ќе претседава претставник од канцеларијата на претседателот на Владата, а целиот овој процес треба да заврши некаде до средина на март.

Премиерот Зоран Заев денеска во изјава за медиумите по средбата со претставници на Сојузот на средниошколци, рече дека низ дијалог е најдено квалитетно копромисно решение со кое се гарантира квалитет на матурскиот испит со кој се овозможува секој матурант да може да се запише на факултет овде во државата и надвор од неа.

– Потребно беше прилагодување на концептот на државната матура заради влијанието на пандемијата врз образованиот процес и врз основа на заедничката размена на аргументи и за нас е прифатливо се што е во нивна полза. Беше потребно да излеземе во пресрет и да го најдеме најдоброто можно решение, рече Заев, додавајќи дека нужно било државната матура да претпри измени.

Претседателот на Сојузот на средношколци, Бленди Ходаи ги сподели останатите детали од компромисното решение, односно „банките" да содржат најмалку 60, а најмногу 100 прашања, зголемување на коефициентот кај соодветниот екстерен испит од 0,5 на 0,9, односно од 5 на 9 поени. Државниот испитен центар да го врати испитот по естетика и филозофија како втор екстерен испит во средните уметнички училишта. Униврзитетите да објават кои од листата на наставни предмети се соодветни за нивните студиски програми.

– Со цел учениците да имаат опција да ги променат своите испити, учениците кои ќе полагаат државна матура треба повторно да ги регистрираат своите испити. Краен рок за ова предлагаме да биде петок 5 март. Во нашите разговори со Владата изнајдовме решение за промена во начинот на добивање на поените за интерните испити. Предвид сега ќе се зема оценката од испитот и просекот по предметот како основа за добивање на поените, рече Ходаи.

Ова, според него, е едно залужено олеснување кое соодвестува на вонредните услови во кои се одвива наставата. Со компромисот што го простигнаа верува дека ќе има реално кратење на испитните програми за екстерните испити, а другите елементи, како што рече, дополнително ќе го олеснат полагањето на државна матура, при што никој нема да биде оштетен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се огласи за посетата на шефот на ЦИА на Москва: Од тоа би можело нешто да произлезе

Американскиот претседател Доналд Трамп ја опиша ненајавената средба на директорот на ЦИА, Џон Ратклиф, со руските разузнавачи во Москва како „полурутинска“. 

Трамп се огласи за посетата на шефот на ЦИА на Москва: Од тоа би можело нешто да произлезе

Ратклиф пристигна во руската престолнина вчера со воен авион, каде што учествуваше во разговорите, а замина само неколку часа подоцна, што ги поттикна шпекулациите за причините за посетата.

Трамп не ги откри деталите од разговорите, но рече дека нешто може да произлезе од средбата и додаде дека Вашингтон би сакал да види крај на војната во Украина. Кремљ потврди дека имало контакти на ниво на разузнавачките служби, но негираше дека директорот на ЦИА се сретнал со рускиот претседател Владимир Путин, пишува Би-Би-Си.

„Имаше контакти со разузнавачките служби“, рече портпаролот на Кремљ, Дмитриј Песков. „Немаше средба со претседателот на Русија. Тоа е сè што можам да кажам на таа тема. Секако, претседателот Путин веднаш добива извештаи за сè“, додаде Песков на редовната прес-конференција.

„Прерано е да се каже како ова ќе влијае на односите“

Портпаролот на Кремљ нагласи дека е прерано да се зборува за влијанието на средбата врз билатералните односи. „Прерано е да се каже колку ова ќе влијае на целокупниот процес на закрепнување на нашите билатерални односи од длабоката криза во која се наоѓаат“, рече тој.

Сепак, Песков ги оцени контактите меѓу разузнавачките агенции како позитивен феномен и позитивен процес и истакна дека тие често продолжуваат дури и во најтешките моменти од односите меѓу двете земји. Посетите на толку високи американски разузнавачки претставници на Русија се ретки.

ЦИА, Белата куќа и Пентагон сè уште официјално не ја коментирале посетата на Ратклиф. Претходната посета на директорот на ЦИА на Москва се одржа во ноември 2021 година, кога Вилијам Бернс ја предупреди Русија да не започнува инвазија на Украина. Неколку недели подоцна, Кремљ ја започна војната.

Тагови: Доналд Трамп ЦИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Расте бројот на загинати во Непал- најмалку 98 загинати и над 400 исчезнати, меѓу кои најмногу странци (ВИДЕО)

Во катастрофалните поплави на границата меѓу Непал и Кина загинаа најмалку 98 лица, а стотици се водат како исчезнати, соопшти непалската влада .

Расте бројот на загинати во Непал- најмалку 98 загинати и над 400 исчезнати, меѓу кои најмногу странци (ВИДЕО)

Непалските власти пријавија најмалку 95 смртни случаи и 403 исчезнати, вклучувајќи 341 странци, според францускиот „Ле Монд“.

Кинеските власти соопштија дека прелиминарните бројки покажуваат дека бројот на жртви е три, а 265 се водат како исчезнати, објавија кинеските државни медиуми. Спасувачките операции се во тек од двете страни на границата.

„Во овој момент, потврдени се 95 смртни случаи“, изјави портпаролот на непалската полиција, Аби Нарајан Кафле. Првичниот извештај го објави бројот на жртви на 19.

Непалскиот туристички одбор соопшти дека 384 патници се водат како исчезнати, вклучувајќи 93 Непалци и 291 странски државјани. Националноста на 111 странци сè уште не е утврдена.

Од преостанатите 180 исчезнати, 142 се Индијци, 17 Малезијци, 12 Британци, четворица Јужноафриканци, тројца Американци, еден Австралиец и еден Холанѓанец.

Непал, сместен во срцето на Хималаите, е популарна туристичка дестинација за планинари и алпинисти од целиот свет.

„Ве молам за трпение. Владата е целосно посветена на спасувачките операции, медицинската помош, како и на вашиот сместување и храна. Соочени со ваква катастрофа, сите мора да останеме обединети“, изјави непалскиот премиер Балендра Шах во соопштение објавено на социјалните мрежи.

ЕУ го активира сателитскиот систем за следење

Европската унија го активираше својот сателитски систем за следење Коперник за да помогне во мапирањето на погодените области во Непал и да ги поддржи спасувачките операции, изјави претседателката на Европската комисија, Урсула фон дер Лајен.

„Подготвени сме да обезбедиме дополнителна европска помош“, додаде таа.

Снимките објавени од непалската полиција покажаа огромни количини вода како течат низ речното корито и ги однесуваат куќите. Фотографиите од агенцијата Франс-прес покажаа само горниот кат од една куќа како штрчи од калта.

Полицијата, исто така, објави снимки на социјалните мрежи од огромен бран што се урива низ долина на Хималаите, во област што се граничи со Кина.

Поплавите го погодија Сијабрубеси, почетната точка на познатото патување Лангтанг, како и други области што ги посетуваат патниците на хиндуистичкото поклонение на Каилаш Мансаровар. Непалската армија соопшти дека испратила војници и хеликоптери во областа.

Кинеската новинска агенција Синхуа претходно објави „бројни жртви и исчезнати лица“ на граничниот премин Гиронг во кинескиот регион Тибет. Тоа е голем копнен премин меѓу двете земји.

Снимките од кинеската државна телевизија CCTV покажаа надојдени води што носеа гранки и остатоци, како и поплавен пат.

„Апсолутен приоритет е да се мобилизираат сите ресурси за пронаоѓање и спасување на исчезнати лица, евакуирање и преместување на населението во опасност, брзо лекување на повредените и намалување на бројот на жртви“, рече кинескиот претседател Си Џинпинг, објави Синхуа.

Тагови: Непал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран ги отфрли новите американски санкции: Нема ништо да постигнат

Иранскиот претседател Масуд Пезешкијан денес изјави дека САД нема да постигнат ништо со нова рунда економски санкции. 

Иран ги отфрли новите американски санкции: Нема ништо да постигнат

Неговата изјава е одговор на Техеран на најавите на Вашингтон за економско задушување на Иран, пренесува „Еуроњуз“.

„Благодарение на мерките подготвени од економските сектори на владата, Америка нема да постигне ништо со економски притисок во оваа фаза, исто како што не успеа во војната“, рече Пезешкијан, како што објави новинската агенција ИСНА.

„Нашиот принцип е да ги решаваме проблемите преку разбирање и преговори, но во исто време остануваме цврсти пред економскиот притисок, како што бевме и досега“, додаде тој.

Иран го отфрла влијанието на новите мерки

Американскиот министер за финансии Скот Бесент ги претстави плановите за „економско задушување“ на Иран завчера и предупреди на тешки последици за земјите што нема да се приклучат на кампањата. Иранските лидери го отфрлија влијанието на новите мерки. Тие истакнуваат дека земјата веќе се соочила со децении разорни санкции, кои беа воведени кратко по Исламската револуција во 1979 година.

Преговорите меѓу Иран и САД се во застој поради спор околу контролата врз стратешки важниот Ормуски теснец. Сообраќајот низ тој клучен воден пат, кој носи околу една петтина од светскиот извоз на нафта и течен природен гас, останува во голема мера парализиран, предизвикувајќи нарушувања на глобалните енергетски пазари.

Иран го контролира Ормускиот теснец од почетокот на војната на 28 февруари и се обидува да наметне такси за бродовите што минуваат низ теснецот. Вашингтон, од друга страна, сака враќање на предвоениот систем на слободна пловидба, а американскиот претседател Доналд Трамп тврди дека Вашингтон има „тотална контрола“ врз таа рута.

Договор за забрана за премин на воени бродови

Техеран вчера изјави дека, според договорот што моментално го преговара со Оман, нема да дозволи воени бродови да минуваат низ Ормускиот теснец. Ова го изјави иранскиот заменик-министер за надворешни работи, Казем Гарибабади, за државната телевизија.

Шефовите на дипломатиите на двете земји се состанаа за да разговараат за управувањето со сообраќајот на комерцијалниот бродски сообраќај. Според Гарибабади, тие вчера постигнаа договор. „Доколку овој договор стане обврзувачки, на ниту еден воен брод нема да му биде дозволено да помине низ Ормускиот теснец“, рече тој.

Гарибабади не даде детали за воениот сообраќај, но опиша предложена комерцијална рута. Тој објасни дека влезниот сообраќај кон Персискиот Залив од Оманскиот Залив ќе помине целосно низ иранските води, додека излезната рута ќе помине делумно низ иранските и делумно низ територијалните води на Оман.

Администрацијата на Трамп изјави дека се спротивставува на делови од договорот што се подготвува, особено на заедничкото иранско и оманско управување со излезната рута од теснецот, што е клучно за светската трговија.

Тагови: Иран санкции

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер