Во извештајот се вели дека природата е сериозно оштетена и дека е потребно итно зачувување на биолошката разновидност. .

Повикувајќи се на наодите од „Извештајот за состојбата на планетата“, генералниот директор на WWF International, Марко Ламбертини рече дека се соочуваме со две вештачки кризи: климатските промени и губењето на биолошката разновидност, кои ја загрозуваат благосостојбата на сегашните и идните генерации.

„Овој извештај прикажува шокантни бројки. Ако сакаме да го запреме и да го промениме губењето на природата и да обезбедиме здрава иднина за луѓето и природата, одговорот мора да биде промена на системот“, рече тој.

Досега, најголемата база на податоци која вклучува речиси 32.000 популации од 5.230 видови, Индексот на животот на планетата, кој е создаден како дел од извештајот на Зоолошкото друштво од Лондон, покажува дека особено остар пад е забележан кај популациите на проучувани 'рбетници во тропските предели.

Извештајот покажува како деградацијата и губењето на живеалиштата, експлоатацијата, воведувањето на инвазивни видови, загадувањето, климатските промени и болестите се главните причини за намалувањето на популацијата на дивиот свет ширум светот.

Некои од овие причини придонесоа за 66 проценти загуба на африканскиот див свет во текот на набљудуваниот период, како и за севкупниот пад од 55 проценти во Азија и Пацификот. WWF е крајно загрижен за овој тренд бидејќи е регион со најголем биодиверзитет во светот.

Податоците од Индексот конкретно укажуваат дека помеѓу 1970 и 2018 година, забележаната популација на дивиот свет во Латинска Америка и Карибите се намалила во просек за 94 проценти.

Бројот на набљудуваните популации на слатководни животни се намалил во просек за 83 отсто, поради што оваа група на видови е пред сите други. Загубата на живеалиштата и пречките на миграционите рути претставуваат околу една половина од сите закани за набљудуваните видови преселни риби.

Ламбертини рече дека светските лидери на конференцијата за биолошка разновидност COP15 во декември ќе имаат можност да ги обноват нарушените односи со природниот свет и да обезбедат поодржлива иднина со амбициозен глобален договор за биолошка разновидност, сличен на Парискиот договор.

„Неопходно е овој договор да овозможи итна акција на теренот, вклучително и трансформација на секторите што доведуваат до губење на природата и финансиска поддршка за земјите во развој“, додаде тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.