Македонија

Последни подготовки за дочекот на новата година - најраздвижено околу маркетите и пазарите

Ако некогаш беа потребни 2.000 денари за полна празнична трпеза, сега со тие пари не може да се наполни ниту половина...

Граѓаните кои на еден ден пред Нова Година се раздвижија околу маркетите и пазарите без претерано полни кеси, повеќето излегле по она најосновното. Се жалат дека се потешко се држи чекор со цените.

-Некои цени се качија, некои останаа исти, меѓутоа, со ниски примања, кај месото, млечните производи, како кашакавали, сирења тоа е малку поскапо. / Бидејќи она пазари, јас не можам точно да ви кажам, важно стално се жали дека е поскапено./ Млечниве производи најмногу. За јајцата пак не станува збор, тие се од поодамна веќе./ Сувомеснати производи, млечните производи. Јајца 400 денари никогаш не биле.

2026 ќе се дочека во домашна атмосфера, кој колку може, но трпезаријата празна нема да остане, велат оние кои ги анкетиравме. Она што е во џебот повеќе се чува за Божиќ.

-Нешто ќе видиме малку Божиќ, пошто тој ни е некако православен празник па малку нешто за него, а за Нова Година.. Знаете како рекле старите, колку ти е чергата, толку нозете ќе си ги пуштиме./ Кој како може./ Можда некоја ситница да збогатиме, да одбележиме, тие што имаат секој ден им е Нова Година. / Трпезата годинава зависи за кого како, за некого нема да биде скапо, за некого ќе биде ептен скапо. Цените се високи, ќе бидеме задоволни со поскромна трпеза./ Се знае дека е поскромна, буџетот така ни наложува.

Но, нема да се дозволи ниту да „трпи“ традицијата, па речиси на секоја маса ќе може да се најде руска салата, сарма и останати јадења без кои празничните трпези се незамисливи...

-Што мора да има? Руска салата, нешто место, во било која форма, само да биде месо, пијалок некој и благо, нормално./ Прво свинското, печење, пиење и тоа. Руска, без тоа не може маса да има. Сарма ќе се витка, ракија ладна./ Месото, сармата и тавче гравче.

Јануари, кој обично дава чувство дека трае подолго од еден месец е полн со празници и убава атмосфера, но полн и со трошоци и е вистински тест за буџетот. Па дел од граѓаните велат дека и не мора нешто посебно да се готви во секоја прилика, оти има граѓани кои го немаат ниту најосновното..

-Ако си направиш атмосфера, ако си зготвиш, не мора ништо посебно, не мора ништо многу повеќе, битна е желбата, да се соберат сите дома и така. Ќе стигнат, ќе стигнат, да не се жалиме, има луѓе кои навистина, не само што нема да им стигнат, туку немаат ниту за најосновни потреби./ Ќе стигнат ли парите за празнициве? Па, ќе стигнат, мора да стигнат.

Повеќето од нив планираат 2026 да ја дочекаат домам и тоа во кругот на семејството. Некој пак планира да посети и градскиот плоштад, но во случај велат да не биде многу студено, што последната прогноза на метеоролозите не им оди во прилог, оти се најавени минусни температури за новогодишната ноќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Измамникoт од Tinder“ лансира апликација – се бара од „Apple“ и „Google“ да ја блокираат

Шимон Хајут, попознат како „Измамникот од Tinder“ – по документарниот филм за измамите што ги вршел – сака да лансира сопствена апликација за запознавање.

Идејата на Хајут е да го искористи своето искуство со измами за да развие платформа наречена „Safe Love“, дизајнирана да ги штити корисниците од луѓе како него.

Хајут тврди дека неговото познавање на методите на лажење, манипулација и измама му овозможува да создаде систем што може подобро да ги спречи таквите активности. Сепак, неговата идеја веќе предизвика реакција во индустријата за онлајн запознавање.

Организацијата „Online Dating and Discovery Association (ODDA)“ испрати писмо до „Apple“ и „Google“, повикувајќи ги да не дозволат апликацијата поврзана со Хајут да се појави во нивните продавници за апликации. Организацијата наведува дека неговата вклученост во апликацијата би претставувала сериозен ризик за корисниците, особено за жените.

Деталите за тоа како „Safe Love“ всушност треба да ги штити корисниците остануваат непознати. Хајут спомна верификација на корисници, модерација и системи за заштита од измами, но не објасни како би функционирале овие системи или точно кога апликацијата би станала достапна.

Во исто време, ваквата апликација покренува дополнителни прашања во врска со довербата. Современите платформи за запознавање сè повеќе користат верификација на идентитетот и други безбедносни механизми, барајќи од корисниците да споделуваат лични податоци. Со апликација основана од некој што е озлогласен по романтични измами, довербата во начинот на кој се чуваат тие податоци ќе биде од особено значење.

Засега не е познато дали „Apple“ и „Google“ ќе го прифатат барањето на „ODDA“. „Safe Love“ сè уште не е објавена како широко достапна апликација, а нејзиното евентуално појавување во продавниците за апликации ќе зависи од усогласеноста со нивните политики и регулаторни барања.

Извор: Б92

Тагови: Tinder

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.