Последна снимка на Ен Хеч, се смее само 20 минути пред фаталната несреќа - Канал 5

Шоу биз

Последна снимка на Ен Хеч, се смее само 20 минути пред фаталната несреќа

Само 20 минути пред несреќата во која на крајот го загуби животот, актерката Ен Хеч насмеана позира во фризерски салон, а фотографијата се појави на Инстаграм.

Последна снимка на Ен Хеч, се смее само 20 минути пред фаталната несреќа

„Денес ја запознав Ен Хеч, купи црвена перика... Го сакам Венис Бич“, напишал сопственикот на фризерскиот салон Glass Hair во 10:35 часот на 5 август со заедничката фотографија. Недолго потоа почнал да добива бројни пораки и коментари за несреќата во која загина познатата актерка.

„Ова ми го крши срцето, таа беше толку талентирана и мила“, „Неверојатно е како ти се менува животот во секунда“, „Не ми се верува дека го гледам ова“, коментираа луѓето по објавувањето на несреќата.

За потсетување, Ен Хеч беше исклучена од апарати за одржување во живот една недела откако удри со својот автомобил во куќа во Лос Анџелес.

Актерката беше хоспитализирана во Центарот за изгореници Гросман во болницата Вест Хилс северно од Лос Анџелес. Еден ден претходно, претставник на нејзиното семејство потврди дека ја одржуваат во живот само со машини за да можат лекарите да ѝ ги земат органите за донација.

Ен Хеч падна во кома по тешката сообраќајна несреќа.

Таа го удрила својот син Mini Cooper во куќа во Лос Анџелес предизвикувајќи огромен пожар. Најпрвин се посомневале за присуство на алкохол во организмот, потоа било демантирано, но се споменувал кокаин. Набрзо се дознало дека е во тешка состојба, а нејзиното семејство тогаш потврдило дека ја одржуваат во живот само со машини.

Ен Хеч била родена на 25 мај 1969 година, а почнала да глуми во осумдесеттите.

Таа се прослави со улогата на близначките Вики Хадсон и Марли Лав во сапуницата Друг свет (1987 - 1991), за која доби Еми награда и две награди за сапунска опера.

Во доцните 1990-ти, таа почна да добива посериозни улоги, како што се оние во криминалната драма Дони Браско (1997), филмовите Вулкан (1997), Знам што направи минатото лето (1997), акционата комедија Шест дена, седум ноќи (1998) и драматичниот трилер Враќање во рајот (1998).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција во пламен: Пожарникарите се обидуваат да го спречат ширењето на пожарот

Денес во регионите Варда и Илија во западен Пелопонез, Грција, избувна пожар, кој зафати ниска вегетација.

Грција во пламен: Пожарникарите се обидуваат да го спречат ширењето на пожарот

Според првичните информации, 20 пожарникари, седум возила и три авиони се вклучени во гаснењето на пожарот, објавува „Катимерини“.

Локалните самоуправи исто така даваат помош во гаснењето на пожарот, а на лице место се наоѓаат цистерни за вода и градежна механизација.

Западен Пелопонез моментално е под висока пожарна тревога.

Извор: Б92

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена облачност. 

Утре сончево со мала до умерена облачност

Попладне претежно во југоисточните делови ќе има услови за локален пороен дожд и грмежи. Ќе дува слаб до умерен ветер од источен правец. Минималната температура ќе биде во интервал од 10 до 18, а максималната ќе достигне од 28 до 35 степени.

Во Скопје, сончево со мала до умерена облачност. Ќе дува слаб до умерен ветер од јужен правец. Минималната температура ќе се спушти до 18, а максималната ќе достигне до 35 степени.

Следува период на стабилно и потопло време освен во вторник кога ќе има услови за локален пороен дожд и грмежи.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби останува во куќен притвор до 13 септември

Поранешниот вицепремиер Артан Груби останува во куќен притвор, кој му е продолжен откако вчера беше поднесено обвинение за случајот ,,Лотарија”, информираа од Кривичниот суд.

Груби останува во куќен притвор до 13 септември

Судењето против Груби и останатите седум обвинети во овој случај ќе стартува на 24 август.

Груби ќе седне на обвинителна клупа, но не за „проневера во службата“, туку за „злоупотреба на службената положба“. Од обвинителството појаснуваат дека при одредување на правната квалификација во поднесеното обвинение, надлежниот јавен обвинител се водел од доказите прибрани во текот на истражната постапка.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер