После серијата „Сексот и градот“, Ѕверката го следат сериозни обвиненија и уништен углед - Канал 5

Шоу биз

После серијата „Сексот и градот“, Ѕверката го следат сериозни обвиненија и уништен углед

Обвиненијата за сексуално злоставување, јавните скандали и контроверзните коментари на социјалните мрежи значајно влијаеја врз неговиот професионален и личен живот.

После серијата „Сексот и градот“, Ѕверката го следат сериозни обвиненија и уништен углед

Крис Нот, актерот познат по култната улога на Ѕверката во популарната серија „Сексот и градот“ (Sex And The City), со години важеше за еден од омилените холивудски заводници, но последниве години неговата кариера и репутација се значително нарушени. Се започна во 2021 г. кога неколку жени го обвинија за сексуално злоставување, што тој тогаш постојано го негираше. Како резултат на овие обвиненија, Нот изгуби бројни улоги и профитабилни договори со одредени брендови, а неговиот професионален живот значително се промени.

И неговото заминување од серијата „The Equlizer“, каде тој го игра ликот на Вилијам Бишоп, поранешен директор на ЦИА кој води приватна агенција, е последица на тие скандалозни обвиненија.

Во серијата „И едноставно така“ (And Just Like That...), која следеше како продолжение на култната серија „Сексот и градот“, тој е „убиен“ во првата епизода, со што симболично е означен крајот на неговото присуство во оваа франшиза. За неговото заминување и контроверзиите што следеа се огласија и главните ѕвезди на „Сексот и градот“, кои на различни начини се осврнаа на случувањата и промените во серијата.

Многу не растажија обвинувањата против Крис Нот. Ги поддржуваме жените кои ги споделија своите болни искуства, знаеме дека е многу тешко јавно да се излезе со тоа и им се восхитуваме – порачаа тие преку заеднички „твит“.

Извор за Page Six раскажува:

Крис ја загуби секоја работа што ја доби, но никогаш не добил тужба и не е покрената казнена пријава. Една од тие жени да отишла во полиција, власта би имала обврска да истражи без оглед на тоа што можеби случајот е застарен. Но ништо од тоа не се случило. Генерално, и кога нема полициски извештај или граѓански тужби, тоа не е доказ дека обвиненијата се лажни. Има бројни причини зошто обвинителите не поднесуваат тужби и не пријавуваат во полиција.

Крис Нот, меѓутоа, призна дека ја изневерувал својата сопруга Тара Вилсон, со која е во брак од 2006 г., по што обвиненијата станаа јавни, а сопругата го напушти. Сепак тие успеаја да ги решат несогласувањата и да го сочуваат бракот. Парот денеска заедно ги одгледува синовите Орион (17) и Китс (5).

Во меѓувреме, Нот се обидува да се врати во филмот „The Block“, но веднаш на почетокот од годината предизвика негодување во јавноста со своите коментари кон бившата телевизиска партнерка Сара Џесика Паркер. Таа неодамна ја освои престижната награда „Керол Барнет“ за исклучителниот придонес во телевизијата, а Нот на Инстаграм објави фотографија на која крева тегови со опис:

Да ти’*ам новата година, одиме!

Еден од неговите следачи напишал: „Мислиш, да ти ‘*ам Сара Џесика Паркер и наградата, така? На што Нот отворено одговорил: „Така е“.

Ваквата размена на коментари не помина незабележано, а реакциите на публиката покажуваат дека неговиот обид за „големото враќање“, не се со воодушевување, туку со критика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер