Дакар станува синоним за најекстремното Порше за сите терени.
„Веруваме дека речиси и да нема друга автомобилска марка која може толку веродостојно да ги комбинира карактеристиките на спортски автомобил и возењето надвор од патот како Порше“, рече извршниот директор на Порше, Мајкл Мауер пред десет години, при претставувањето на концептот Vision Safari, кој се обиде да го оживее иконското 911 Safari од легендарните трки низ африканскиот континент долги 5000 km.
Денес, десет години подоцна, време е за ново име и стара идеја. 911 Дакар ќе биде незапирлив на теренот, а доаѓа како докажан производ со повеќе од половина милион тест километри зад себе. Дури 10.000 км од овој автомобил биле изведени на терен, а во тестирањето помогнал легендарниот возач Валтер Рорл.
Покрај полигоните за тестирање, Дакар бил подложен на ригорозни тестирања возејќи низ суровиот песочен пејзаж на Мароко и Дубаи со температури над 45 степени. Тој се искачил на дините и возел низ пејзажот покриен со мраз за да пристигне на сцената со совршено дотерани поставки.
Не знаеме дали овој вид на Porsche може да се натпреварува со претстојниот Lamborghini Huracan Sterrato, но знаеме дека ова е само почеток на развојот на некои нови 911, вклучувајќи го и хибридниот. По 2030 година, 911 треба да заживее како електричен модел, но тоа е друга приказна, тешко сварлива во денешен контекст.