Поранешниот сопственик на најголемиот порно сајт на светот, сака да го купи Лукоил - Канал 5

Економија

Поранешниот сопственик на најголемиот порно сајт на светот, сака да го купи Лукоил

Австрискиот бизнисмен Бернд Бергмаир, поранешен мнозински сопственик на група за забава за возрасни, во која е вклучена и порно-веб-страницата Pornhub, се обратил до Министерството за финансии на САД .

Поранешниот сопственик на најголемиот порно сајт на светот, сака да го купи Лукоил

Австрискиот бизнисмен Бернд Бергмаир, поранешен мнозински сопственик на група за забава за возрасни, во која е вклучена и порно-веб-страницата Pornhub, се обратил до Министерството за финансии на САД со намера да купи меѓународни средства под санкции од рускиот нафтен гигант Лукоил (LKOH.MM), изјавија за Ројтерс два извори запознаени со ова прашање.

Соединетите Американски Држави воведоа санкции врз Лукоил, најголемиот приватен производител на нафта во Русија, како дел од напорите да се изврши притисок врз Москва да ја заврши војната во Украина. Санкциите го принудија Лукоил да објави продажба на своите странски средства, при што многу купувачи бараат дозвола да преговараат со Лукоил, вклучувајќи ги и нафтените гиганти Ексон Мобил и Шеврон.

Преку својот адвокат, Бергмаир не прецизираше за кои средства е заинтересиран, дали веќе се обратил до Лукоил или дали е дел од инвестициски конзорциум.

„Очигледно, Lukoil International GmbH би била одлична инвестиција и секој би имал привилегија да ги поседува тие средства“, изјави тој за Ројтерс.

„Општо земено, не коментирам за потенцијални инвестиции.“

Изворите одбија да бидат именувани поради чувствителноста на прашањето.

Интересот за странските средства на Лукоил се зголеми откако Министерството за финансии на САД минатиот месец им даде дозвола на компаниите да започнат разговори со Лукоил. Министерството дозволи разговори до 13 декември, а за какви било зделки ќе биде потребно негово одобрение.

„Лукоил Интернешнл ГмбХ“, со седиште во Виена, поседува рафинерии во Европа, интереси во нафтени полиња во Казахстан, Узбекистан, Ирак и Мексико, како и стотици малопродажни бензински пумпи низ целиот свет. Се проценува дека средствата вредат околу 22 милијарди долари од 2024 година.

Портпаролот на Министерството за финансии на САД одби да коментира дали Бергмаер се обратил до министерството.

Бергмаер работел во Њујорк за „Голдман Сакс“ во 1990-тите како инвестициски банкар пред да се сврти кон приватниот капитал. Тој беше мнозински сопственик на „МајндГик“ - компанијата со седиште во Луксембург, која стои зад страници како што се „Порнхаб“, „РедТјуб“ и „ЈуПорн“ - сè додека не беше продадена во 2023 година на канадска фирма за приватен капитал за неоткриена сума. Британската листа на богати луѓе на „Сандеј Тајмс“ за 2021 година го процени неговото богатство на најмалку 1,2 милијарди фунти.

Тагови: лукоил порно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер