Порака на сопругата на Мигел, кој е во кома по атентатот: Љубов на мојот живот, врати ми се - Канал 5

Свет

Порака на сопругата на Мигел, кој е во кома по атентатот: Љубов на мојот живот, врати ми се

По шокантното убиство на колумбискиот сенатор и претседателски кандидат Мигел Уриба Турбај, неговата сопруга, Марија Клаудија Таразона, објави емотивна порака на социјалните мрежи.

Порака на сопругата на Мигел, кој е во кома по атентатот: Љубов на мојот живот, врати ми се

На својот профил на платформата X, таа објави реченица што ги трогна многумина:

- Amor de mi vida, vuelve a mi (Љубов на мојот живот, врати ми се), заедно со нивна заедничка фотографија.

Објавата дојде неколку часа откако сенаторот беше ранет со три истрели за време на политички митинг во паркот Ел Голфито во Богота. Според локалните медиуми,Мигел Уриба бил застрелан во грб и два куршуми му завршиле во главата. Тој моментално е хоспитализиран, а лекарите се борат за неговиот живот.

Таразона е позната по тоа што ретко се појавува во јавноста, но овој пат не ги криеше своите емоции. Нејзината порака предизвика бројни реакции од колумбиските граѓани, кои изразуваат поддршка за семејството на Уриба и се молат за негово закрепнување.

Нападот се случил додека Уриба Турбај водеше кампања како кандидат за претседателските избори во 2026 година. Истрагата е во тек, а 15-годишниот напаѓач е уапсен на местото на настанот. Властите нудат награда за информации што ќе доведат до апсење на други можни учесници во атентатот.

Уриба, член на десничарскиот Демократски центар и жесток критичар на претседателот Густаво Педро, се смета за еден од главните фаворити на опозицијата. Неговата политичка борба сега е заменета со борба за неговиот живот - а пораката на неговата сопруга останува доказ за љубовта и надежта.

Тагови: атентат Мигел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер