Свет

Полските антиваксери подметнуваат пожари во центрите за вакцинација

Полска денеска објави дека ќе ја зајакне безбедноста во центрите за вакцинација, еден ден откако противниците на вакцинацијата запалија два центри и една недела по немирите пред друг.

„За жал, овие инциденти се повторуваат“, рече премиерот Матеуш Моравјецки за новинарите.

„Сите тие ќе бидат строго казнети, во согласност со сегашните закони, а ние, дополнително, ќе преземеме мерки за зајакнување на безбедноста на сите овие центри“, додаде тој.

Шефот на полицијата Јарослав Шимчик објасни дека сторителите денеска запалиле мобилна единица за вакцинација и канцеларијата на локалната епидемиолошка агенција во источниот полски град Замош.

Во двата пожари нема жртви.

Шимчик нагласи дека станува збор за „крајно шокантни инциденти“ и најави дека вработените во обезбедувањето ќе бидат присутни „дење и ноќе“ до центрите за вакцинација.

„За жал, сведоци сме на ескалација на бруталноста, дури и насилство, на групата против вакцини“, нагласи тој.

Владата ги охрабрува Полјаците да се вакцинираат, но темпото нагло забави. Бројни центри мораа да се затворат бидејќи немало интерес.

Речиси 50 проценти од населението во Полска е целосно вакцинирано.Според анкетите, речиси една четвртина се противат на вакцинацијата или се двоумат.

НБА

Видео: Лејкерси елиминиран од Денвер во првото коло на НБА плејофот

Лос Анџелес лејкерс утрово загубија од Денвер во петтиот натпревар од првото коло на НБА плеј-офот со резултат 106:108. 

Денвер ги победи Лејкерс со 4-1 во серијата и се пласираше во втората рунда од разигрувањето за шампионскиот трофеј.

Најефикасен играч на паркетот беше Џамал ​​Мареј, кој постигна 30 поени. Кај гостите од Лос Анџелес се истакна Леброн Џејмс со постигнати 30 поени и 11 асистенции.

Во четвртфиналето Денвер нагетс ќе се соочи со Минесота тимбервулвс. Ова ќе биде пресметка на второ и третопласираните екипи во основниот дел од Западната конференција.

Пласман во четвртфиналето ноќеска обезбеди и Оклахома со победата над Њу Орлеанс 97:89 (вкупно 4:0 во серијата).

Македонија

МВР: Кривична пријава против поранешен градоначалник на скопска општина

Кривична пријава против поранешен градоначалник на скопска општина за злоупотреба на службена положба.

Одделот за криминалистичка полиција спроведе предистражни дејствија за поранешен градоначалник на една скопска општина, за кој постои сомневање дека извршил кривично дело "злоупотрба на службената положба и овластување" согласно член 353 од КЗ, информираат од МВР.

- Имено, истиот на 04.08.2021 со пречекорување на границите на своето службено овластување како лице што врши работи од јавен интерес, по спроведена постапка за јавна набавка на работи - реконструкција на спортски игралишта на територија на општината и склучен договор за јавна набавка со правно лице од Скопје, во која постапка покрај за игралишта за кој бил надлежен, предвидел реконструкција и на спортско игралиште во средно училиште, иако знаел и бил свесен дека средните училишта согласно Законот за средното образование се во надлежност на Градот Скопје, стои во соопштението од МВР. На тој начин пријавениот, се вели во соопштението, го оштетил буџетот на општината за износ од 662 илјади денари, кои средства му биле исплатени на избраниот економски оператор за реконструкцијата на тоа игралиште.

Регион

Силен земјотрес во Србија

Силен земјотрес Земјотрес со јачина од 4,1 степени според Рихтеровата скала е регистриран утрово во 07:42 часот во Кладовскиот регион, соопшти Републичкиот сеизмолошки завод на Србија.

Теоретскиот интензитет во епицентарот е проценет на VI степен од Меркалиевата скала.

На социјалните мрежи граѓаните коментираат дека земјотресот е почувствуван во Зајечар, Неготин, Доњи Милановац, Бор,Белград како и во други градови во источна Србија, а некои велат дека е почувствуван и во Ниш.

Земјотреси со ваков интензитет може да предизвикаат помали оштетувања на објекти во епицентралното подрачје, се наведува на веб-страницата на Републичкиот сеизмолошки завод.

притисни ентер