Македонија

Полицискиот час тропа на врата?!

Неделава, Комисијата за заразни заболувања ќе ја разгледува можноста за воведување на полициски  час. 

Воведувањето на оваа мерка зависи и од тоа дали бројката ќе расте и каков ќе биде капацитетот на новите ковид центри во интерните клиники, дознава Канал 5 од извори од здравство. Микробиологот Никола Пановски за Канал 5 објаснува дека е потребен полициски час со цел да се намалат бројкте. Загрижувачки е трендот на починати и дали и колку ќе издржат здравствените работници во овие услови.

„Треба полициски час, барем две недели. Сепак имаме движење на малдата популација. Требаѓше и порано. Јас уште во август реков да се воведе краткок час на старот на есента“, објасни микробиологот Никола Пановски.

Ковид центрите во интерните клиники ги бројат пациентите со Ковид 19. На интерните клиники се предвидени 150 места, а одкако ќе се пополнат петте клиники место повеќе ќе се бара и на очната клиника и на Клиниката за уво, нос и грло, каде ќе има 100 кревети. Во последните 24 часа на Клиниката за неврологија и клиниката за кожни болести примени вкупно 29 пациенти. Во инистутот за белодробни заболувања има 54 пациенти. Во дел од клиниките каде не биле превидени да имаат потреба од поставување на кислород , се ставаат дополнителан опрема.

Според докторите најголем број од пациентите скоро 90 проценти се на кислородна поддршка. Во болницата ГОБ „8 септември“ поставен е нов резеровар на течен кислород од 20 тони, досегашниот резеровар не ги исполни барањата на големиот број пациетни зависни од кислородно лекување. Дневно овде се троши минимум по два тона кислород. Од болницата објаснуваат дека дневно по 200-те пациенти со симптоми на ковид 19 доаѓаат на прегледи.

Свет

Шолц ги посети поплавените региони во југозападниот дел на Германија

 Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.

Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.

Тој ја потврди солидарноста на сојузната влада со Сарланд.

„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.

Службите за итни случаи одговорија на илјадници повици за помош во главниот град на покраината, Сарбрикен.

Неколку згради во градот се евакуирани бидејќи куќи и подруми се поплавени. Автомобилите беа делумно потопени, а улиците се наполнија со вода.

Градот воспостави алтернативно сместување во училиштата и телефонска линија за погодените од поплавите.

Засега нема информации за точниот обем на штетата, ниту пак пријавени жртви.

Повеќе од 100 литри дожд на квадратен метар наврнаа во Сар за помалку од 24 часа, според вчера објавените податоци на германската метеоролошка служба. /МИА

Свет

Во Украина стапи во сила законот за мобилизација

Во Украина денеска стапи во сила оспоруваниот закон за мобилизација, јавија светските агенции

Ова, како што наведуваат агенциите, се случува во момент додека Киев се обидува да го зголеми бројот на украински војници откако Русија започна нова офанзива која, според аналитичарите, може да ги доближи руските сили до вториот по големина град во Украина.

Законот ќе го олесни идентификувањето на секој регрут во земјата. Таа, исто така, обезбедува стимулации за воениот персонал, како што се парични бонуси или пари за купување дом или автомобил, што според некои политички набљудувачи, Украина не може да си ги дозволи.

Пратениците одложуваа со месеци и го усвоија законот во средината на април, една недела откако Украина ја намали возраста за повикување на воена служба од 27 на 25 години. /МИА

Свет

Едно лице загина, а шест се повредени во судири во либискиот град Завија

Најмалку едно лице загина денеска, а шест се повредени во жестоки судири во западниот либиски град Завија.

Учесниците во судирите биле повикани на прекин на огнот за да се спасат семејствата заробени во зоната на конфликтот, јави либиската телевизија Алахрар.

Али Ахнеш, шеф на огранокот на Црвената полумесечина Завија, изјави за телевизијата дека 10 семејства се евакуирани и повика на „прекин на огнот за евакуација на семејствата лоцирани во областите каде што се случија судирите“.

Волонтерите на Црвената полумесечина добија повици од семејства во конфликтните области кои бараа да бидат евакуирани, рече тој.

Засега не се знае кој учествувал во судирите ниту зошто дошло до судирите.

Либија е зафатена од немири по соборувањето и бруталниот атентат на поранешниот либиски лидер Моамер Гадафи во 2011 година./МИА

притисни ентер