Полицијата во Германија во состојба на зголемена приправност по закани за напади на карневалите - Канал 5

Свет

Полицијата во Германија во состојба на зголемена приправност по закани за напади на карневалите

Според германскиот весник „Билд“, пропагандна страница на германски јазик поврзана со Исламска држава (ИД) објавила компјутерски генериран колаж со порака „Избери ја својата следна мета“.

Полицијата во Германија во состојба на зголемена приправност по закани за напади на карневалите

Германската полиција соопшти дека е во состојба на зголемена приправност во пресрет на традиционалните карневали оваа и следната недела, откако социјални мрежи поврзани со терористите на Исламската држава (ИД) повикаа на напади врз учесниците на прославите во Келн и Нирнберг.

Според германскиот весник „Билд“, пропагандна страница на германски јазик поврзана со Исламска држава (ИД) објавила компјутерски генериран колаж со порака „Избери ја својата следна мета“, при што се наведени датумите и локациите на карневалските настани. Во колажот, кој содржи и крвав нож со хаштаг што повикува на „колење“, како потенцијална мета се споменува и фестивалот на љубовта во холандскиот Ротердам на почетокот на март.

Полицијата во Келн соопшти дека ги прилагодува оперативните планови во согласност со заканите, но нагласи дека ваквите објави може да имаат за цел само застрашување и вознемирување, без да претставуваат конкретна опасност.

Повеќе од 1.400 полицајци ќе бидат распоредени на познатите собирни места, а безбедносните мерки ќе вклучуваат проверки на торби и посетители, соопшти полицијата. Карневалските прослави, кои траат една недела и почнуваат утре, се особено популарни во Рајнската област, вклучувајќи ги Келн и Дизелдорф, каде што следниот понеделник ќе се одржи традиционалната „Розенмонтаг“ парада со десетици илјади учесници во сатирични костими.

Организаторите на карневалот во Нирнберг соопштија дека Меѓународната карневалска парада, која беше означена како потенцијална мета во објавата на ИД, е откажана од безбедносни причини.

Полицијата во Нирнберг потврди дека е запознаена со заканите од ИД и дека државните безбедносни служби ги проценуваат ризиците, додавајќи дека во моментов нема конкретни индиции за непосреден напад.

Во изминатите години, Германија беше погодена од неколку терористички напади извршени со возила или ножеви, во кои загинаа повеќе лица./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Претседателката на Европската централна банка - Кристин Лагар се повлекува од функцијата, веќе не сака да молчи

Претседателката на Европската централна банка - Кристин Лагард ќе се повлече 9 месеци порано од својата функција, бидејќи како што вели, повеќе не сака да молчи.

Претседателката на Европската централна банка - Кристин Лагар се повлекува од функцијата, веќе не сака да молчи

Лагард се пожали дека неутралноста која се очекува од централните банкари, која ја опиша како „цената за нивната независност„ повеќе не е нешто што може да го прифати. Околу тоа која од европските монетарни политики лагард ја смета за погрешна, засега нема информации, меѓутоа, нејзината оставка доаѓа откако ЕЦБ ги остави своите клучни каматни стапки непроменети, со депозитна стапка од 2,5%.

Иако одлуката била едногласна, таа порача на пазарите дека оваа пауза може да трае само до декември. Лагард пред оваа функција беше и директор на Меѓународниот монетарен фонд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ,

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ, меѓутоа, Германија, Италија, Франција и Грција се спротивставија на оваа формулација, наведувајќи дека создава правна несигурност и преседан за други земји.

Сепак, на овој самит се очекува да се прошири соработката во повеќе клучни и стратешки области, вклучувајќи ја безбедноста и Арктикот, трговијата и инвестициите, со што Канада би ја заменила досега традиционалната улога на Соединетите Американски Држави како најголем партнер на ЕУ надвор од Европа.

И Канада и ЕУ се обидуваат да создадат алтернативни партнерства без САД под водство на претседателот Доналд Трамп, со оглед на неговите закани за царини кон ЕУ но и реториката дека ќе ја претвори Канада во 51-та држава на САД, што силно ги потресе добрососедските односи меѓу двете северноамерикански држави.

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Четворица италијански државјани загинаа при уривање на воен хеликптер на ЕУФОР во Босна и Херцеговина

Четворица италијански државјани загинаа вчера при уривање на воен хеликоптер на ЕУФОР во близина на градот Горице во Босна и Херцеговина.. 

Четворица италијански државјани загинаа при уривање на воен хеликптер на ЕУФОР во Босна и Херцеговина

Мисијата ЕУФОР потврди дека нивниот авион се урнал за време на рутинска операција во областа Брчко..

Повредени се 12 лица.

Во несреќата не е оштетен цивилен имот или инфраструктура и нема повредени цивили.. Од ЕУФОР најавија целосна и темелна истрага за инцидентот и ќе објават повеќе информации откако ќе се утврдат сите факти.

Во исто време, ги повикаа граѓаните да ги следат само официјалните канали за да избегнат дезинформации..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер