Македонија

Полицијата влезе во општините Чаир, Сарај, Аеродром и Кисела Вода - се прибираат докази за бесправна градба

МВР влезе во О. Чаир, одделот за организиран криминал им ја чешла документацијата, се бараат дивоградби по наредба на јавен обвинител, посочи министерот за внатрешни работи Панче Тошковски.

Покрај Чаир, кој по објавите на градоначалничката Арсовска за дивоградби привлече најмногу внимание во јавноста, полицијата влегла и во Сарај и во О. Аеродром, а следи посета и во О. Кисела Вода.. Тошковски вели станува збор за тековна работа на МВР, неинспирирана од аткуелноста на темата, а доколку се утврдат неправилности ќе има и рушење на објекти...

-Секако дека мора да се постапи согласно законот, доколку се утврди дека станува збор за дивоградба, доколку се утврди дека истата претставува опасност по животот на граѓаните, секако дека треба да биде предмет на уривање. Ова не го говорам заради темата која е наметната во јавност последниот период, туку е тековна активност на МВР, во континуитет, за разлика од претходно предметите не се ставаат во фиоки,- -Панче Тошковски – Министер за внатрешни работи.

Што се однесува до полицаецот кој градоначалничката на Скопје го обвини дека само „немо“ го набљудувал нападот врз нејзе во Чаир, се уште не може ништо да се преземе, оти градоначалничката одбивала да соработува со внатрешната контрола при МВР, која, Тошковски вели, веќе со денови е во Град Скопје во обид да обезбеди писмена пријава и изјава.. Што се однесува до останатите наводи за закани и напади кон градоначалничката, постапено е по сите, уверува министерот.

Советничката Ирена Витина, одделот на внатрешна контрола постапува по нејзината изјава дека не постапувале полициски службеници, но за жал градоначалничката неколку дена не сака да соработува со внатрешната контрола при МВР и одбива да ја даде онаа изјава која е нужна, круцијална е изјавата за да можеме да ги преземеме сите оние дејствија кои се во надлежност на одделот за внатрешан контрола кој го преиспитува професионалното работење на полициските службеници. Факт е дека полициските службеници од внатрешна контрола веќе неколку дена се обидуваат да обезбедат изјава од градоначалничката во рамки на просториите на Град Скопје и таа изјава не ја добиваат.

Инаку, на Арсовска и се закануваа и беше физички нападната при увид на дивоградба во О. Чаир, по што беше примена во ургентниот центар ГОБ 8 септември, каде како што наведе имала контузии од удари со клоци и тупаници. Напаѓачот на Арсовска, за кој и претходно градоначалничката објавуваше дека и се заканува, првично доби домашен притвор, но по жалба од обвинителството, Кривичниот суд му определи притвор во КПУ Скопје.

Тагови: мвр Општина Чаир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спортски празник за младите во Кичево: Македонски Олимписки Комитет успешно го одбележа „Олимпискиот ден“

Во својата континуирана мисија за масовна промоција на олимпизмот и негување на спортските вредности ширум државата, Македонскиот Олимписки Комитет (МОК) успешно ја организираше спортската манифестација „Олимписки ден“.

Овој значаен настан, кој е дел од стратешката програма на МОК за инспирирање на младите кон активен начин на живот, се реализираше со огромна поддршка и во директна соработка со Општина Кичево и основното училиште „Кузман Јосифоски - Питу“.

Иницијативата беше директно предводена од највисокото раководство на Македонскиот Олимписки Комитет. Настанот започна со работна средба на која претседателот на МОК, Даниел Димевски, придружуван од членот на управниот одбор, Сашо Димитријоски, раководителот на секторот за спорт, Петар Спасеновски, и шефот на кабинет, Елена Зисовска Апостолска, се сретнаа со заменик-министерот за јавна администрација, Лазе Јакимоски, претставници од Општина Кичево и директорот на училиштето, Бошко Лазаревски. На оваа средба беше силно реафирмирана заедничката посветеност на МОК, државните институции и локалната самоуправа за континуирано вложување во развојот на младинскиот и училишниот спорт на локално ниво.

Под покровителство и водство на Македонскиот Олимписки Комитет, Кичево пулсираше во ритамот на извонредноста, пријателството и почитта – основните столбови на светското олимписко движење. Како директен доказ за својата грижа и стратегија за подобрување на спортските услови, Македонскиот Олимписки Комитет за време на манифестацијата официјално врачи значајна донација во спортска опрема наменета за потребите на училиштето.

Централниот дел од денот беа спортските полигони реализирани во вистински олимписки дух. Според концепт инициран од МОК, а беспрекорно координиран од наставниот кадар, учениците се натпреваруваа на неколку специјално подготвени спортски полигони. Преку овие игри, тие ги демонстрираа своите вештини и учеа за важноста на фер-плејот директно преку спортот.

Со успешната реализација на овој настан, Македонскиот Олимписки Комитет уште еднаш докажа дека е главниот мотор за развој на спортската култура во државата. Овој „Олимписки ден“ во Кичево, реализиран преку одлична синергија со локалната заедница и институциите, претставува само уште еден голем чекор во континуираните напори на МОК да го доближи олимпизмот до секое дете, градејќи здрави, активни и успешни идни генерации низ цела Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Спортски игри за младите, „Ден на спортот“ денеска во Битола

Во спортската сала „Боро Чурлевски“ во Битола денеска се одржа манифестацијата „Ден на спортот“, која се реализира во рамките на програмата „Спортски игри за младите“

Во спортската сала „Боро Чурлевски“ во Битола денеска се одржа манифестацијата „Ден на спортот“, која се реализира во рамките на програмата „Спортски игри за младите“ – најголемата аматерска спортска манифестација за деца и млади во Европа со повеќе од 29 години традиција.

Настанот е наменет за ученици од основните училишта и има за цел да ги промовира масовното и бесплатното учество во спортот, инклузивноста, родовата еднаквост, здравите животни навики и фер-плејот.

Во текот на денот учениците се натпреваруваа во „народна“, атлетика – трчање на 60 метри, како и во повеќе други спортски дисциплини.

Градоначалникот на Општина Битола, Тони Коњановски, во своето обраќање истакна дека локалната самоуправа останува посветен поддржувач на младите, спортот и физичката активност.

„Општина Битола е една од општините која најмногу вложува во спортската училишна инфраструктура. Речиси и да нема училиште во кое не се реконструираат или изградени нови спортски терени, а во дел од училиштата се градат и современи типски спортски сали. Во завршна фаза е и изградбата на затворениот пливачки базен во ОУ „Даме Груев“, а континуирано инвестираме и во спортска опрема за наставата по физичко и здравствено образование“, рече Коњановски.

Тој нагласи дека ваквите манифестации имаат големо значење за поттикнување на младите кон активен и здрав начин на живот.

„Спортските игри за младите“ според бројот на учесници претставуваат најголем аматерски спортски настан во Европа и се реализираат под покровителство на Меѓународниот олимписки комитет, Европската комисија, УЕФА и ФИДЕ.

Во рамките на програмата се одржува и „Кока-Кола Куп“, најголемиот малоклупски фудбалски турнир во Европа, кој годинава се организира по дванаесетти пат.

На настанот присуствуваа и претседателот на Советот на Општина Битола, Бојан Бојкоски, како и секретарот на Општина Битола, Борче Димитровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Хоџа на Министерска конференција на Процесот за соработка во ЈИЕ - Заеднички пристап кон климатските предизвици

Министерот за животна средина и просторно планирање, Муамет Хоџа, денес присуствуваше на Министерската конференција во рамки на Процесот за соработка во Југоисточна Европа (SEECP), што се одржа во Софија, Република Бугарија.

Конференцијата беше посветена на зајакнување на регионалната соработка во областа на климатските политики, заштитата на животната средина и одржливиот развој. На настанот учествуваа високи претставници од земјите од регионот, како и Џесика Росвал, еврокомесарка за животна средина, отпорност на водните ресурси и конкурентна циркуларна економија.

Во рамки на конференцијата беа разменети ставови за унапредување на регионалната соработка, спроведување на зелената агенда и забрзување на процесите на усогласување со европските стандарди во областа на животната средина и климатските политики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.