Под силно полициско обезбедување отворен новиот објект на бугарскиот центар во Скопје - Канал 5

Македонија

Под силно полициско обезбедување отворен новиот објект на бугарскиот центар во Скопје

Со пораки за добрососедство и под засилени мерки на безбедност, во центарот на Скопје отворен новиот објект на бугарскиот културно-информативен центар.. .

Под силно полициско обезбедување отворен новиот објект на бугарскиот центар во Скопје

Под силно полициско обезбедување, затворена улица за минувачи, големо медиумско внимание и кратки говори во кои се потенцираше дека културата треба да ги зближи двата народа, бугарскиот културно-информативен центар и официјално ги отвори новите простории во строгиот центар на Скопје. Министри, историчари и амбасадори, повеќето гости од Бугарија. Како претставник од македонската Влада дојде министерката за култура Костадиновска-Стојчевска. Покрај пораките дека со ваков центар треба да се зајакне добрососедството, таа и нејзиниот колега од Бугарија Минеков ги прокоментираа провокациите од бугарска страна.

„Дали клубовите Ванчо Михајлов и Цар Борис Трети ги зближуваат двата народа?

-Тоа вие ќе го оцените. Денеска ги зближуваме двата народи и за тоа сум многу среќен. Вие ќе го одредите тоа, но денеска сум многу среќен од тоа што се случува.

„Денеска тука беше пратеник кој тврди дека Македонија е втора бугарска држава. Дали тоа за вас не е провокација?

-Секој политичар треба да сноси одговорност за она што го изјавува. Таквите изјави се најмалку европски и воопшто не одат во прилог на еден ваков убав настан како овој денеска.

Откако церемонијата заврши, пред медиумите се појави и контроверзниот бугарски пратеник и лидер на партијана “Преродба”, Костадинов, кој недомана двапати доби вербални ноти од македонското МНР за иредентистичките изјави дека “Македонија е втора бугарска држава”. Не се извини, туку одново ги повтори радикалните ставови, убедувајќи ги новинарите дека сме еден народ кој зборува ист јазик.

„Да не бидеме лицемери, јас не ве терам вас да се чувствувате Бугари, така ли е? Така е. Од ваша страна, не не терајте нас да ја искривуваме вистината и да лажеме. Нема да лажеме. Јас ќе ви кажам уште еднаш. Да, Бугарија и Македонија се две држави кои треба да бидат една. Две држави се, да. Еден народ кој треба да биде од Црно Море до Охридско Езеро. Тоа ви го велам. Никако нема да ја окупираме Македонија, се окупира туѓа земја. Јас не се чувствувам тука како да сум во туѓа земја. Каков Путин, нема Путин тука. Тоа се наши взаемни односи, на еден јазик говориме.

Канал 5 побара одговори од Министерството за надворешни работи, дали овојпат ќе реагираат на скандалозната изјава на Костадинов, но одговор оттаму до овој момент не добивме. Претходно од македонското МНР побараа и бугарските институции и политичари да се оградат и да го осудат говорот на омраза кој содржи и територијални претензии, но оттаму реакција имаше само за изјавите на европратеникот Џамбаски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Издадено предупредување: Русите подготвуваат пекол (ВИДЕО)

Украинскиот претседател Володимир Зеленски изјави дека има информации дека Русија подготвува масовен напад врз Украина.

Издадено предупредување: Русите подготвуваат пекол (ВИДЕО)

„Постојат многу непријатни информации за подготовка на уште еден масовен руски напад. Постојат разузнавачки информации и веднаш по нашата прес-конференција ќе се вратам во Украина со мојот тим многу наскоро“, рече Зеленски на прес-конференцијата по церемонијата на отворање на ирското претседателство со Советот на Европската Унија.

Украинскиот претседател ги повика граѓаните да не ги игнорираат сирените за воздушен напад и веднаш да одат во засолништа во случај на опасност.

„Ги повикувам нашите луѓе да бидат особено внимателни, да се заштитат себеси, своите деца и семејства, да користат засолништа и да обрнат внимание на сирените за воздушен напад“, нагласи тој.

Тагови: Володимир Зеленски предупредување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер