Почна светскиот економски форум во Давос – дебатата околу Гренланд во фокусот на собирот - Канал 5

Свет

Почна светскиот економски форум во Давос – дебатата околу Гренланд во фокусот на собирот

Овој четврток претседателот на Европскиот совет Антонио Кошта,  најави итен состанок за лидерите на сите земји членки на ЕУ, со цел да се подготви консолидиран одговор на Унијата после заканите на Трамп дека ќе го откупи и присвои Гринланд.

Почна светскиот економски форум во Давос – дебатата околу Гренланд во фокусот на собирот

Старата Европа и досегашниот светски поредок нема да се вратат колку и да сме носталгични, затоа градиме нова и независна Европа на безбедносен, енергетски и економски план – порача претседателката на Европската комисија Урсула фон дер Лајен во нејзиното обраќање на Светскиот Економски форум во Давос. Таа призна дека не очекувала новиот геополитички шок во Арктикот да биде дел од нејзиниот говор, но испрати порака до американскиот претседател Доналд Трамп – независноста на Гренланд не се дискутира а заканите за дополнителни тарифи се грешка.

„Првиот принцип е целосна солидарност со Гренланд и Кралството Данска. Суверенитетот и интегритетот на нивната територијата не се преговараат. Ќе работиме со САД и сите партнери на поширока Арктичка безбедност. Ова е од наш заеднички интерес. Eвропа мора да ја забрза својата независност – од безбедност до економија, од одбрана до демократија, имајќи диалог со пријателите и партнерите и ако е неопходно со непријателите. Поентата е дека светот се измени трајно и ние мора да се измениме заедно со него. Ви благодарам и да живее Европа!“

Елитниот форум во Давос кој вообичаено е платформа на која се дискутира иднината на светската економија, се претвори во низа на кризни состаноци во обид да се спречи евентуална конфронтација помеѓу членки на истата одбранбена алијанса – сепак, додека Фон дер Лајен најавува непоколеблив одговор на обид за присвојување на Гренланд, Доналд Трамп пред тргнувањето за Давос беше дециден дека островот е неопходен за САД и во тој поглед, како што тој изјави, нема враќање назад.

„Па, не мислам дека (ЕУ членките) ќе притискаат премногу. Слушајте, мора да го имаме (Гренланд). Тие мора да го направат ова. Не можат да го заштитат. “

Трамп сподели и приватни пораки кои наводно му ги испратиле генералниот секретар на НАТО – Марк Руте и францускиот претседател Емануел Макрон, на кои навидум тие се обидуваат да договорат состанок со него на оваа тема.

„… ќе ги искористам моите медиумски ангажмани во Давос да ја истакнам твојата работа во (Сирија), Газа и Украина. Посветен сум да најдеме решение за Гренланд.“ (Марк Руте)

„... целосно се согласуваме за Сирија, можеме да направиме одлични работи околу Иран, не разбирам што правиш за Гренланд. “ (Емануел Макрон)

Овој четврток претседателот на Европскиот совет Антонио Кошта, најави итен состанок за лидерите на сите земји членки на ЕУ, со цел да се подготви консолидиран одговор на Унијата после заканите на Трамп дека ќе го откупи и присвои Гренланд, а ќе ги казни со тарифи од 10% до евентуални 25%, сите европски земји кои ќе се противат на неговиот план.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер