Почина музичарот Сања Илиќ од последици на коронавирусот

Музичарот Александар Сања Илиќ, основач на групата „Балканика“, почина денес како резултат на корона вирусот.

Сања Илиќ починал на 70-годишна возраст.Роден е во 1951 година во Белград. Неговиот татко бил композиторот Миодраг Илиќ Бели, а брат му е композиторот Драган Илиќ, кој свирел во групата Генерација 5. Еден од неговите прадедовци бил академик Јован Жујовиќ, а другиот бил војник на солунскиот фронт и пратеник Алекса Жујовиќ.

Сања Илиќ бил оженет со актерката Злата Петковиќ.

Кога имал 12 или 13 години, тој напишал музика според текст на Душко Радовиќ во изведба на Драган Лаковиќ. Кога имал 16 години, ја испратил својата композиција „Поет на мирот“, испеана од Лола Новаковиќ, со која Југославија требало да биде претставена на Евровизија 1968. Во 1976 година, неговата композиција „Чао, чао, чао“ е изведена од Бисера Велетанлиќ, на истиот натпревар, но овој пат во Опатија.

Тој дипломирал на Архитектонскиот факултет во Белград во 1975 година.

Како млад настапувал во групата Враголани, а потоа и во групата Сан. Неговиот најдобар пријател Предраг Јовичиќ Трта, кој бил пејач на групата Сан, починал од струен удар за време на концерт во салата Чаир во Ниш во 1975 година. Во спомен на него, тој го сними албумот Спомени. Во седумдесеттите години на 20 век, тој ја компонирал музиката за химната на фудбалскиот клуб Црвена Звезда на текстот на Љубивоје Ршумовиќ. Неговата песна „Хало,хало“ изведена од групата Аске ја претставуваше Југославија на Евровизија 1982 година. Песната „Принцеза“ во изведба на Слаѓана Милошевиќ и Дадо Топиќ беше кандидат во југословенскиот избор за Евровизија во 1984 година

Тој ја основал групата Балканика во 1998 година, а првиот концерт се одржал на 26 јуни 2000 година. Настапувал со Балканика на концерти низ целиот свет. Ја претставувал Србија на Евровизија 2018 во Лисабон, заедно со неговиот бенд; песната се вика Нови деца. Песната влегла во финалето на Евровизија, пишува Блиц.

Фото: Иванишевиќ и Селеш како деца

Легендарниот екс југословенски тенисер Горан Иванишевиќ, сега тренер на најдобриот светски тенисер Новак Ѓоковиќ на социјалните мрежи објави фотографија стара повеќе од 30 години.

Старата фотографија ги разбудила спомените на Горан од времето на поранешна Југославија.

На носталгичната фотка тинејџерот Горан Иванишевиќ се ракува со едно насмеано девојче, за оние кој не ја препознаваат, тоа е некогашната најдобра светска тенисерка славната Моника Селеш.

-Добри стари времиња со една од најдобрите на сите времиња, Моника Селеш. Мислам дека немавме поим што ќе постигнеме во годините кои доаѓаа, напишал Иванишевиќ во описот на сликата.

Моника и Горан подоцна го достигнаа светскиот врв. Иванишевиќ го оствари сонот со освојување на Вимблдон, а Моника Селеш владеше со светскиот тенис со до трагичното ранување во Хамбург во 1993 година од луд навивач на ривалката Штефи Графт.

Селеш во кариерата освои девет Грен слем титули.

Фото: Карлеуша во ленти

Српската пејачка Јелена Карлеуша повторно се разголе на социјалните мрежи.

Популарната Карли уште еднаш ги воодушеви своите фанови со бујните облини покриени со минијатурни врвки.

Јелена нема проблем да позира во костим за капење или во долна облека, но со последниот избор на гардероба ги изненади сите. Карлеуша одлучила да се фотографира во минијатурен градник и уште помали гаќички врзани со ленти.

Во оваа прилика може да се каже дека Карлеуша покажа скоро се. Нејзините фанови за „храброста“ ја наградија со рекорден број од 70 илјади лајкови.

Флик на излезната врата на Баерн Минхен

 По само две години работа и освоени титули меѓу кои и во Лигата на шампионите, Ханси Флик си заминува од германскиот гигант  Баерн Минхен на крајот на сезоната.

Иако се споменува дека ќе стане селектор на Германија, тоа не е причината за заминувањето туку конфликтот со директорот на баварците Хасан Салихамиџиќ.

Германските медиуми остро коментираат дека откако Салхимаиџиќ е дојден на функцијата, Баерн кој беше познат по сигурноста за тренерите и работата на долги патеки, сега го смени курсот и пребрзо ги менува шефовите и тоа со добро завршена работа.

Се тврди дека од истите причини Баерн предвреме ги набрка Нико Ковач и Карло Анчелоти.

Критиките одат до таму што на Баерн јавно му се упатува прашање...дали е можно секогаш да се виновни тренерите, а директорите да се во право?

притисни ентер