Почина иконата на козметичката индустрија – од бренд за шминка создаде глобална сила - Канал 5

Шоу биз

Почина иконата на козметичката индустрија – од бренд за шминка создаде глобална сила

Синот на Ести Лаудер – „икона на козметичката индустрија“ кој од бренд за шминка направи глобална сила – почина на 92-годишна возраст, соопшти компанијата.

Почина иконата на козметичката индустрија – од бренд за шминка создаде глобална сила

Леонард Лаудер ја создаде првата лабораторија за истражување и развој во фирмата и беше „движечка сила“ зад нејзиното проширување во Европа и Азија. Во еден период, неговото богатство надминало 18 милијарди долари.

Лаудер му се приклучил на семејниот бизнис во 1958 година по служба во американската морнарица, а подоцна станал претседател и главен извршен директор.

– Повеќе од шест децении, господинот Лаудер беше визионер и иноватор, помагајќи во трансформацијата на бизнисот – се наведува во соопштението на компанијата.

Претприемачот одиграл клучна улога во тоа „Ести Лаудер“ да премине од продажба на мал број производи во американски продавници до сопственост на бројни брендови на меѓународно ниво.

Покрај создавањето брендови како „Clinique и Aramis“, Лаудер бил опишан како вешт преговарач, учествувајќи во аквизиции на „Bobbi Brown“ и „Jo Malone London“.

Неговиот син Вилијам, кој сè уште е активен во семејниот бизнис, изјави:

– Во текот на целиот свој живот, мојот татко неуморно работеше на градење и трансформирање на индустријата за убавина. Тој беше пионер во многу иновации, трендови и најдобри практики кои денес се темел на индустријата.

Вилијам Лаудер, кој сега е претседател на управниот одбор, додаде:

– Неговиот влијание беше огромно. Веруваше дека вработените се срцето и душата на нашата компанија и тие го обожаваа него и времето поминато со него.

Леонард Лаудер ја основал првата лабораторија за истражување и развој на компанијата и бил „движечка сила“ зад проширувањето во Европа и Азија.

Роден е во Њујорк во 1933 година, а според проценките на „Форбс“, неговото нето богатство достигнало 25,5 милијарди долари во 2021 година.

Тој беше главен извршен директор на „Ести Лаудер“ од 1982 до 1999 година, а претседател од 1995 до 2009 година, по што остана почесен претседател сè до неговата смрт.

Тагови: Ести Лаудер козметичката индустрија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ќе заработат милијарди долари откако потпишаа нуклеарен договор со Саудиска Арабија

САД потпишаа значаен договор со Саудиска Арабија, што ќе ѝ овозможи да развива цивилна нуклеарна програма, во што ќе учествуваат и американски компании.

САД ќе заработат милијарди долари откако потпишаа нуклеарен договор со Саудиска Арабија

Текстот од договорот не беше објавен јавно, но американските медиуми објавија дека тој ќе ѝ дозволи на Саудиска Арабија да збогатува ураниум во иднина. Експертите велат дека ова создава ризик од идна нуклеарна пролиферација во веќе нестабилниот регион.

Министерството за енергетика на САД кажа дека покрај договорот за соработка, потпишан е и „двостран договор за заштитни мерки“.

Ова е првпат САД да ѝ помагаат на друга земја да збогатува ураниум на своја територија. објавата уследи среде ескалацијата на војната во иран, што сад ја започнаа во февруари за да го спречат да развие нуклеарно оружје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

ЕУ го одобри новиот пакет санкции против Русија по неколку недели натегања и преговори

Новиот 21 пакет санкции на ЕУ против Москва од Руската инвазија на Украина во 2022 година, вклучува одржување на сегашното ниво на горната граница на цената на руската нафта.

ЕУ го одобри новиот пакет санкции против Русија по неколку недели натегања и преговори

Преговорите за новите економски санкции воведени поради војната во Украина се одолговлекуваа откако неколку земји инсистираа на ублажување на поединечните елементи од пакетот.

На 22 јули беше објавено дека 27-те земји-членки на ЕУ донеле привремена одлука да го задржат горната граница на цената на руската нафта на 44 долари за барел во текот на една недела за да се спречи нејзиното автоматско зголемување.

Мерката има за цел да ги ограничи приходите на Москва од глобалниот извоз на сурова нафта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром со јавен повик за пријавување штети од силното невреме

Општина Аеродром започнува постапка за обесштетување на граѓаните што претрпеа материјална штета предизвикана од силното невреме што го зафати подрачјето на Град Скопје на 21 јули 2026 година.

Општина Аеродром со јавен повик за пријавување штети од силното невреме

По одржаниот координативен состанок во Град Скопје, Општина Аеродром веднаш формира Комисија за утврдување на фактичката состојба и ја започна постапката за прием на барања, како предуслов за обесштетување на граѓаните, што ќе се реализира во соработка со Владата и со Градот Скопје.

Образецот за пријавување штета е достапен во просториите на Општина Аеродром, а може да се преземе и од официјалната веб-страница на следниов линк:

https://shorturl.at/L3rcJ

Образецот, заедно со потребната документација, се доставува во Архивата на Општина Аеродром секој работен ден од 8:00 до 15:00 часот, во рок од 30 дена од денот на настанување на штетата.

Кон барањето задолжително да се приложат и следниве документи:

Важешка лична карта или патна исправа (фотокопија);

Доказ за сопственост (фотокопија од имотен лист);

Фотографии од локацијата по претрпената штета;

Записник од МВР за настанатата штета;

Општина Аеродром ги повикува граѓаните навремено да ги поднесат своите барања, со цел постапката за утврдување на штетите да се реализира ефикасно и во најкраток можен рок. Сите поднесени пријави ќе бидат разгледани во согласност со законските процедури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер