Најдобрата фудбалска репрезетација на Македонија испиша уште една страница во спортската историја. На гостински терен црвено жолтите го изненадија и победија големиот противник селекцијата која 20 години не загубила во еден квалификациски циклус, четириркатниот светски првак Германија.

Историскиот триумф на црвено жолтите во Дуизбург го најави нашиот најдобар стрелец во репрезентативниот дрес Горан Пандев. Македонскиот капитен во послендите селкунди од судискиот продолжение на првото полувреме го постигна својот 37 гол за водство на Македонија од 1-0.

Во второто полувреме Германија со сите сили продолжи да атакува кон голот на Димитриевски, но македонскиот бедем беше гранитен. Одбраната капитулираше само во 63 минута по сомнителниот досуден прекршок на Алиоски над Сане, Гундоган беше прецизен од белата точка за израмнување на 1-1.

.Но тактички одлично подготвените и водени македонски фудбалери не се повлекоа. Туку продолжија со својата игра. Дури ниту судиската грешка и недосудениот пенал по играта со рака на ЕмреЏан немаше влијание на нашата самодовреба и игра.

Кога сите го очекувавме крајот на мечот за да му се радуваме на освоениот бод, во 85 минута Елмас по аситенцијата на Адеми по втор пат ја погоди мрежата на Тер Штеген за историски триумф на Макеоднија над Германија во Дуизбург.

„Мојата почит за Македонија, несреќен пенал им беше досуден, исто така не им беше суден ниту пенал за нив, а овие момци сепак победија против четирикратен светски шампион!, напиша по мечот легендарниот германски капитен Бастијан Швајнштајгер.

Големиот светски фудбалски шампион Германија е на колена пред македонските фудбалери. Избраниците на Ангеловски уште еднаш покажаа и докажаа дека со право се меѓу најдобрите селекции на Стариот континент, репрезентација која е рамо до рамо и со најсилните и најквалитетните европски се селекции.

-Ова е историја. Никогаш досега Македонија на успеала да победи една така трофејна селекција. Овие момци уште еднаш ја направија Македонија горда. Го победивме четирикратниот светски првак. Радувај се Македонијо, слави ги овие херои, изјави популарниот Мрме Ангеловски веднаш по триумфот.

Црвено жолтите сензационалниот триумф го прославија со нашата спотска химна Излези момче... уште во соблекувалната. Победата се славеше на секаде, во Дуизбур македонските навивачи славеа надвор од арената, тишината на полицискиот час во Македонија беше нарушена со громогласно навивање на граѓаните кои еуфорично од своите домови ги поздравија спортските херои.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.