По разорниот земјотрес, еруптираше вулкан на Камчатка (ВИДЕО) - Канал 5

Свет

По разорниот земјотрес, еруптираше вулкан на Камчатка (ВИДЕО)

Откако беше регистриран земјотрес во регионот Камчатка, еруптираше највисокиот и еден од најактивните вулкани во Евроазија, Кључевскаја Сопка.

По разорниот земјотрес, еруптираше вулкан на Камчатка (ВИДЕО)

Информацијата ја потврди и филијалата на Камчатка на Федералниот истражувачки центар за унифицирана геофизичка служба на Руската академија на науките (FIC EGS RAN).

Според експертите, сеизмичката активност што ѝ претходеше на ерупцијата укажува на поместување на тектонските плочи, што потенцијално предизвика ослободување на притисок во рамките на магматскиот систем на Кључевскаја Сопка. Оваа вулканска активност започна кратко по потресите што ги почувствуваа локалните жители во раните утрински часови.

„Ерупцијата на Кључевскаја Сопка беше регистрирана по серија послаби земјотреси во областа. Во моментов се забележува зголемена емисија на пепел и гас, додека вулканолошката опсерваторија е во состојба на зголемена готовност“, се вели во соопштението на научната институција.

Вулканот, кој се издига на над 4.800 метри, покажува знаци на повремена активност во последните години, но комбинацијата од земјотреси и ерупции во краток временски период предизвикува дополнителна загриженост кај научната заедница.

Властите ги повикуваат локалните жители и туристите да избегнуваат приближување кон активниот кратер поради можноста за нови експлозивни фази и врнежи од вулканска пепел.

Силен земјотрес со магнитуда од 8,8 степени ја погоди Камчатка, по што следеа серија силни последователни потреси со магнитуда над 7 степени. Иако земјотресот беше разорен, нема извештаи за жртви. Цунами погоди делови од Хаваи, Јапонија и брегот на САД, предизвикувајќи материјална штета, додека информации за повредени не се достапни. Предупредувања за цунами беа издадени и за Кина, Индонезија и Филипините, а имаше и стравувања дека бранови високи до 15 метри би можеле да ја погодат Камчатка.

Тагови: еруптира земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер