Претставници на Одделението за детска, социјална и здравствена заштита од Општина Карпош, присуствуваа на средба посветена на актуелниот Јавен повик до македонските општини и општините во градот Скопје, за добивање грант за проширување на капацитетите на установите за згрижување и воспитание на деца од предучилишна возраст. На работниот состанок присуствуваше министерот за социјална политика , демографија и млади Ѓоко Велковски, претставници од министерството, ЗЕЛС, градоначалници и претставници од општините, а беше разговарано за реновирање/адаптација и опремување на неискористени училишни/општински простории и нивно пренаменување во групи во други просторни услови.

На состанокот беше ставен акцент на две главни теми и тоа јавниот повик со фокус на руралните средини и втората тема се однесуваше на отворање на младински канцеларии во рамки на општините. Покрај различните теми за кои се дискутираше, стана збор и за недостатокот од соодветен персонал во градинките и давање на согласности за вработување заради соодветна кадровска екипираност на тимовите.

Министерството за социјална политика, демографија и млади, во соработка со локалната самоуправа, ќе продолжи да работи за унапредување на предучилишното воспитание и создавање подобри услови за децата и нивните семејства.

ОПШТИНА КАРПОШ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Асоцијацијата со сценарио за сите натпревари што ќе се играат овој викенд во Аргентина.

Сите натпревари ќе бидат прекинати во десеттата минута и сите актери на теренот и публиката ќе можат со овации да изразат благодарност за придонесот на Меси во националниот тим. Асоцијацијата веќе испратила писмо до сите клубови со кое тие добиле инструкции за најавениот потег, а паузата која ќе трае една минута и треба да биде одбележана и на натпреварите во футсал и фудбал на плажа. Предвидената минута за правење пауза е поврзана со бројот на дресот кој го носеше Меси, а тој се повлече од националниот тим како рекордер според бројот на настапи и бројот на постигнати голови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

(Ресен, 03.09.2026) Во предвечерјето на Светскиот ден на езерата, кој се одбележува на 27 август, во Ресен се одржа јавната манифестација „Мојот дел од природата“, организирана од Македонското еколошко друштво (МЕД), Општина Ресен и Националниот парк „Галичица“ во рамки на проектот „Иницијатива за зелена и сина Преспа - Зајакнување на заштитата преку истражување, едукација и комуникација“, финансиран од Европската Унија (ЕУ) и кофинансиран преку Фондот за природа „Преспа - Охрид“ (ПОНТ). Замислен како точка на поврзување меѓу институциите, организациите, локалната заедница и сите оние кои се грижат за иднината на Преспа, настанот покажа дека кога ќе се поврзат луѓето, знаењето, природата и културата – Преспа има што да каже пред светот.

Манифестацијата започна со воведни обраќања на градоначалникот на Општина Ресен, Јован Тозиевски, и извршната директорка на Македонското еколошко друштво, Робертина Брајаноска, кои ја истакнаа важноста на заедничкото дејствување за зачувување на природното наследство и создавање услови за одржлив развој на регионот.

Во рамки на настанот беше потпишана и Декларацијата за основање на Прекугранична работна група за шуми, чија цел е создавање заедничка платформа за дијалог, размена на знаења и информации и координирање активности поврзани со зачувувањето, обновувањето и следењето на шумите во поширокиот преспански регион.

Декларацијата првично ја потпишаа Националниот парк „Галичица“, Македонското еколошко друштво, Друштвото за заштита на Преспа (SPP) од Грција и Друштвото за заштита и зачувување на природната средина во Албанија (PPNEA). Со потпишувањето, партнерите ја потврдија својата заложба за зајакнување на регионалната соработка во заштитата, обновувањето и одржливото управување со шумите.

Следуваше панел-дискусијата „Зачувување и одржливо управување со природното наследство на Преспа“, на која се разговараше за состојбите, предизвиците и можностите за заштита на природното богатство и одржливото управување со природните ресурси на регионот. На панелот учествуваа Ајман Ал Малла, раководител на Секторот за животна средина при Општина Ресен; Андон Бојаџи, раководител на Одделението за заштита на природата при ЈУ Национален парк „Галичица“; Драган Арсовски, раководител на Програмата за знаење и наука при Македонското еколошко друштво; и Маријана Милевска, проектна менаџерка во Програмата за развој на Обединетите нации (УНДП) за проектот „ЕУ за Преспа“.

Паралелно со програмата, посетителите имаа можност да ги запознаат локалните производи и природните богатства на Преспа преку штандовска презентација на локални производители, заштитени подрачја и граѓански организации. На овој начин, манифестацијата ги поврза заштитата на природата со локалната економија, традицијата и потенцијалите за одржлив развој.

Посебно внимание беше посветено на најмладите. Во соработка со основните училишта „Мите Богоевски“ и „Гоце Делчев“ од Ресен беше организиран турнир во друштвената игра „Преспа“, преку кој учениците имаа можност на забавен и интерактивен начин да учат за природното наследство на својот регион. Финалето на турнирот се одигра на големо платно пред публиката на градскиот плоштад.

Вечерната програма заврши со музичка прослава на локалната култура. Присутните уживаа во автентичната староградска музика на составот „Персиди“, а потоа и во поп- рок репертоарот на ресенскиот бенд „Пуш Пауза“.

На манифестацијата ѝ претходеа и две теренски посети со граѓанско учество. Дваесетина граѓани од регионот учествуваа во набљудување на птици на локалитетот Сирхан, со поглед кон северното преспанско крајбрежје и Паркот на природата „Езерани“, додека следниот ден беше реализиран мониторинг на желки во околината на селата Љубојно и Долно Дупени. Активностите им овозможија на граѓаните директно да се запознаат со научно-истражувачката и мониторинг работата што се спроведува за подобро разбирање и зачувување на природата на Преспа. Со „Мојот дел од природата“, Преспа уште еднаш се покажа како простор што ги поврзува луѓето и култура. Можеби секој од нас има различен „дел од природата“, но Преспа е заедничка. Нејзиното природно наследство е заедничка одговорност, а нејзината иднина зависи од сите нас - од нашата подготвеност да соработуваме, да се грижиме и заеднички да ја градиме Преспа што ќе ја оставиме на идните генерации.

Манифестацијата се одржа во рамки на проектот „Иницијатива за зелена и сина Преспа - Зајакнување на заштитата преку истражување, едукација и комуникација“, финансиран од Европската Унија (ЕУ) во рамки на програмата „ЕУ за Преспа“ и кофинансиран преку Фондот за природа „Преспа - Охрид“ (ПОНТ). Партнери во имплементацијата на проектот се Македонско еколошко друштво, Општина Ресен, Националниот парк „Галичица“, Друштвото за заштита на Преспа (SPP) од Република Грција и Друштвото за заштита и зачувување на природната средина во Албанија (PPNEA) од Република Албанија. Имплементацијата на проектните активности е поддржана од Министерството за животна средина и просторно планирање на Република Северна Македонија и Националниот парк „Пелистер“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.