Месечно по четири сестри заминуваат од секоја клиника, а многу ретко доаѓа по една или две нови сестри на одредени оддели, објаснуваат од Националното здружение на медицински сестри и акушерки. Тања Трајковска од клиниката за гинекологија и акушерство од одделот за интезивна нега на предвремено родени бебиња вели дека млад кадар се има помалку а најпоразително е кога сестра заминува од оддел за интензивно лекување.

Во Скопје денеска се одржува десетта регионална конференција на медицински сестри и акушерки. На конференцијата учесници од балканските земји кои бараат и предложуваат решенија како до подобар статус на сестрите и како да не заминуваат од земјите. Според нив ако продолжи ова темпо на одлив бившите југословенски републики за помлаку од десет години ќе немаат стручен кадар за работа, но и за едукација на нов кадар.

„На прво место е признанието, на петто место е личниот доход. Сите мислат дека е личниот доход. Не е. Значи мора да биде едно признавање на професијата, бидејќи една професија било која може да биде призната, да биде почитувана. А, мора да признаеме дека сестрата е таа која со пациентите е 24 часа на секое ниво“, вели Радмила Нешиќ, престседател на здружението на сестри и акушерки од Србија.

„Како да ги задржиме, како во тоа занимање(медицнски сестри) во тоа да останат бидејќи во стопанството и во туризмот условите се многу подобри, отколку во здравството и сите знаете дека медицинската сестра работи 24 часа секој ден, сабота недела и празници. И денес на младите веќе парите не им се важни, туку слободното време“, објаснува Моника Ашман претседател на медицински сестри и акушерки од Словенија.

Она што беше упатено како порака е дека во долгата панедемија медицинските сестри беа 24 часа со пациентите и беа на првата линија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.