По 19 сезони, Елен Деџенерис стави крај на нејзиното ТВ- шоу - Канал 5

Шоу биз

По 19 сезони, Елен Деџенерис стави крај на нејзиното ТВ- шоу

Елен Деџенерис ја сними последната епизода од своето ток-шоу.

По 19 сезони, Елен Деџенерис стави крај на нејзиното ТВ- шоу

Последната епизода од шоуто, која завршува по 19 сезони, ќе се емитува на 26 мај. Водителката по снимањето се огласи на Инстаграм.

„Кога го започнавме ова шоу во 2003 година, iPhone не постоеше. Социјалните мрежи не постоеја. Хомосексуалните бракови не беа легални. Гледавме како се менува светот, понекогаш на подобро, понекогаш не. Но што и да се случи, мојата цел отсекогаш беше да се направи шоуто да биде место каде што сите можеме да се собереме и да се смееме еден час“, напишала таа.

„Да бев поканета во вашите животи беше најголемата привилегија во мојот живот и ми донесе неверојатна радост. Ви благодарам. Ви благодарам. Ви благодарам“, им рече таа на гледачите.

Уште во мај минатата година, Елен објави дека ќе заврши со снимање на ток-шоуто.

„Колку и да е одлично ова шоу и колку и да е забавно, едноставно веќе не ми е предизвик “, изјави таа тогаш за The Hollywood Reporter. Веста за крајот на снимањето дојде само неколку месеци откако поранешните вработени излегоа во јавноста со приказни дека сетот на серијата е „токсично место за работа“.

После тоа, тројца продуценти останаа без работа, а Деџенерис ја отвори тековната сезона со извинување во етерот. Шоуто се емитува од 2003 година и е едно од најпопуларните ток-шоуа во САД и едно од најпознатите во светот.

„Сакав да го завршам шоуто по сезона 16. Тоа требаше да биде мојата последна сезона, но тие сакаа да потпишам договор за уште четири години. Реков дека ќе потпишам можеби за уште една година. Тие не се согласија на една година, па најдовме компромис за три. Знаев дека тоа ќе биде мојата последна сезона“, рече Елен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Страшна повреда на италијанска тенисерка: Ногата ѝ пропадна во земјениот терен (ВИДЕО)

Италијанската тенисерка Елеонора Алвизи претрпе една од најтешките повреди на тениската турнеја оваа година и мораше да се повлече од натпреварот во Санта Маргарита ди Пула, турнир на ИТФ.

Страшна повреда на италијанска тенисерка: Ногата ѝ пропадна во земјениот терен (ВИДЕО)

Во тајбрејкот во вториот сет против шведската противничка Елизабет Ског, таа се обиде да влезе на теренот и да стигне до топка, но се сопна на куп земјена подлога и заврши на земја.

Повредата на коленото веднаш беше јасна, а судијата истрча за да види што точно се случува.

Италијанката беше изнесена од теренот, а ќе видиме дали 23-годишната ќе може да се натпреварува до крајот на сезоната.

Таа влезе меѓу првите 1000 на овој турнир, но нејзиното видео привлече големо внимание во врска со подготовката на самиот земјен терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова со Баренбаум: Историската вистина за македонските Евреи мора да се зачува

Претседателката Гордана Сиљановска-Давкова денеска го прими д-р Мајкл Баренбаум, истакнат професор по еврејски студии и експерт за Холокаустот, кој во март годинава ја придружуваше за време на посетата на Меморијалниот комплекс „Треблинка“ во Полска.

Сиљановска-Давкова со Баренбаум: Историската вистина за македонските Евреи мора да се зачува

На средбата присуствуваа Горан Садикарио, директор на Фондот на холокаустот на Евреите од Македонија, Љиљана Мизрахи и Тодор Чепреганов.

Сиљановска-Давкова укажа на опасноста од историски ревизионизам, минимизирање и негирање на Холокаустот и од антисемитизам.

За неа, Треблинка каде што биле убиени 7.144 македонски Евреи, односно 98 проценти од македонската еврејска заедница е длабоко потресно искуство, но и споменик што сведочи за историските факти, како и причина за прераснување на одбележувањето во традиција.

Претседателката му се заблагодари на Баренбаум за експертското и човечко ангажирање во одбраната на историската вистина за Холокаустот врз македонските Евреи, особено за аргументираната заложба да се сочува автентичниот натпис на спомен-плочата во Треблинка, наспроти обидите за негова измена.

За професорот, присуството на Претседателката, пратеници и претставници на македонската Eврејска заедница на одбележувањето на 11 Март - Денот на депортацијата на македонските Евреи, во Треблинка, е од исклучителна важност.

Баренбаум потсети дека со испишувањето на имињата на македонските Eвреи на ѕидот во Меморијалниот комплекс, секоја жртва ќе добие траен спомен и заслужена заштита од заборав.

Тој укажа на важноста од документирање на историјата и едукација на младите генерации за Холокаустот во сите степени од образовниот процес, како и организирање студентски посети на Меморијалниот комплекс во Треблинка.

Директорот на Меморијалниот центар на холокаустот на Евреите од Македонија информираше за тековните активности, меѓу кои и иницијативата за формирање на едукативен институт во негови рамки, како и за утрешната изложба посветена на еврејските партизани во Скопје, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево време со температура до 20 степени

Времето утре ќе биде сончево со мала до умерена облачност, соопштуваат од УХМР. 

Утре сончево време со температура до 20 степени

МАКСИМАЛНА ТЕМПЕРАТУРА

4 Попова Шапка, 8 Маврови Анови, 9 Крушево, Берово, 13 Крива Паланка, Претор, Прилеп, 14 Битола, Охрид, 16 Струмица, Виница, Штип, Тетово, 17 Кавадарци, Скопје Петровец, Скопје – Зајчев Рид, Демир Капија, Велес, 18 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно со сончеви периоди. Наместа дуваше засилен до силен ветер, кој во источните делови повремено достигнуваше брзина од 60 km/h. Во вечерните часови и во текот на ноќта ќе биде умерено облачно. Ќе дува засилен ветер од северен и северозападен правец.

ВРЕМЕТО УТРЕ

Сончево со мала до умерена облачност. Ќе дува умерен до засилен ветер од северозападен правец, кој долж Повардарието ќе надминува брзина од 60 km/h. Минималната температура ќе биде во интервал од 0 до 9, а максималната ќе достигне од 12 до 20 степени.

Во Скопје, сончево со мала до умерена облачност. Ќе дува умерен, во делови од котлината повремено засилен ветер од северен правец. Минималната температура ќе се спушти до 6, а максималната ќе достигне до 15 степени.

ВРЕМЕТО ВО НАРЕДНИТЕ ДЕНОВИ

Следува период на променливо облачно и стабилно време, освен во петок кога ќе има слаби локални врнежи од дожд кои на повисоките планини ќе бидат од снег. Утре ќе дува засилен до силен ветер од северен правец, а од петок до крајот на периодов, ќе дува слаб до умерен северен ветер, кој ќе биде поизразен долж Повардарието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер