Пињо: Споредба меѓу Венецуела и Гренланд е несоодветна - Канал 5

Европа

Пињо: Споредба меѓу Венецуела и Гренланд е несоодветна

Ги слушнавме последните изјави на американскиот претседател Доналд Трамп поврзани со Гренланд, но остануваме на својот претходно искажан став околу суверенитетот и територијалниот интегритет на оваа данска територија.

Пињо: Споредба меѓу Венецуела и Гренланд е несоодветна

Ги слушнавме последните изјави на американскиот претседател Доналд Трамп поврзани со Гренланд, но остануваме на својот претходно искажан став околу суверенитетот и територијалниот интегритет на оваа данска територија, изјави денеска главната портпаролка на Европската комисија, Паула Пињо.

Запрашана дали ЕК не смета дека треба да заземе некој нов пристап кон Гренланд во услови кога имавме американска интервенција во Венецуела, Пињо нагласи дека споредбата меѓу оваа јужноамериканска држава и данската територија е несоодветна.

- Да ве потсетам дека Гренланд е сојузник на САД, а исто така е дел од НАТО. Тоа е голема разлика, додаде Пињо.

Во врска со конкретната изјава на Трамп дека му е жал што Гренланд не е дел од САД и дека „треба да го добие, а тоа го знае и ЕУ“, Пињо рече дека секоја земја би можела да биде интересна за некого, но дека тоа треба да биде во рамки на деловниот интерес или инвестициите, но ништо надвор од тоа.

Портпаролката на Европската комисија за надворешни работи и безбедносна политика Анита Хипер, пак, изјави дека кога станува збор за Гренланд, ЕУ ќе продолжи да ги почитува принципите на суверенитет, територијален интегритет и непроменливост на границите и на Повелбата на ОН.

- Тоа се универзални принципи и нема да престанете да ги браните, уште повеќе ако е доведен во прашање територијалниот интегритет на земја членка на Европската Унија, нагласи Хипер во одговор на новинарско прашање што презема ЕУ да ја одврати „агресивната позиција од некој што треба да биде европски сојузник, а која се чини дека претставува закана за суверенитетот на Гренланд“.

Хипер потсети и на ставот на високата претставничка на ЕУ за надворешни работи и безбедносна политика Каја Калас, искажан минатиот месец, дека Гренланд е автономна територија на Кралството Данска и за сите измени на ваквиот статус треба да решаваат гренландските жители.

Според неа, ЕУ нема да ја коментира секоја поединечна изјава поврзана со Гренланд, бидејќи смета дека тоа е прашање на принцип.

- Ситуацијата е таква што очекуваме партнерите да го почитуваат суверенитетот и територијалниот интегритет и да се придржуваат кон меѓународните обврски, додаде Хипер.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Пејачката Тејлор Свифт официјално му кажа „да“ на Тревис Келси, а целиот настан беше организиран во најголема тајност.

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Селена Гомез, Џиџи Хадид и Бредли Купер беа меѓу последните гости што ја напуштија церемонијата на двојката во Медисон Сквер Гарден околу 1 часот по полноќ, објавува Page Six.

Најблиските пријатели на пејачката - вклучувајќи ја нејзината најдобра пријателка од детството Абигејл Андерсон, Селена Гомез, Џиџи Хадид и Ед Ширан - исто така беа дел од овој гламурозен настан.

Познатите личности го напуштаа „Медисон Сквер Гарден“ во различни периоди во текот на вечерта. Том Брејди беше еден од првите славни гости што си заминаа порано, а по него замина и Џорџ Стефанопулос.

Една од најголемите мистерии поврзани со свадбата на Тејлор Свифт и Тревис Келси беше разрешена веднаш откако тие го кажаа судбоносното „да“, а таа се однесуваше на изборот на венчаницата и костумите за младенците.

Списанието „Пипл“ дознава дека и невестата и младоженецот носеле уникатни креации од модната куќа „Кристијан Диор Хаутр“ за нивниот голем ден.

Нивните свадбени фустани биле дизајнирани од Џонатан Андерсон, кој тесно соработувал со двојката на нивниот изглед.

Венчаницата на Тејлор е особено значајна бидејќи претставува прва високомодна венчаница што Андерсон ја создал за светски позната ѕвезда.

Своите свадбени комбинации ги заокружија со чевли изработени по мерка од модната куќа „Кристијан Лубутен“, додека Тејлор го комплетираше изгледот со накит од куќата „Картије“. Иако обожавателите со месеци шпекулираа каква венчаница ќе носи Тејлор, одговорот конечно пристигна од една од најпрестижните модни куќи во светот, преку уникатна креација на „Диор“, изработена специјално за најочекуваниот моден момент во нејзиниот живот.

Тагови: Тејлор Свифт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Побезбедни и поуредени населби – се обновуваат детските и спортските игралишта во Општина Аеродром

Општина Аеродром продолжува со засилено темпо да ги обновува детските и спортските игралишта низ сите населби, со што се добиваат безбедни, уредени и современи простори за игра, рекреација и дружење.

Побезбедни и поуредени населби – се обновуваат детските и спортските игралишта во Општина Аеродром

Паралелно со санацијата на игралиштата, се реализира и обнова на урбаната опрема, со што јавните површини стануваат пофункционални, поуредени и попријатни за користење од страна на сите генерации.

Со секој реализиран проект, Општина Аеродром создава подобри услови за секојдневниот живот на граѓаните, инвестирајќи во јавна инфраструктура што придонесува за поквалитетно и побезбедно урбано живеење.

Целта е Аеродром да биде општина во која децата безгрижно играат, младите активно спортуваат, а семејствата уживаат во чиста, уредена и современа животна средина.

Општина Аеродром останува посветена на континуирано унапредување на јавниот простор и ќе продолжи со реализација на вакви проекти во секоја населба, затоа што грижата за јавниот простор претставува инвестиција во квалитетот на животот на сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јаревски: Владата преку ребалансот ја намалува невработеноста и го поттикнува бизнисот

Оваа недела бевме сведоци токму од податоците што ги добивме од подготовката на материјалите од Владата и од Министерството дека Македонија забрзува. 

Јаревски: Владата преку ребалансот ја намалува невработеноста и го поттикнува бизнисот

„Оваа недела бевме сведоци токму од податоците што ги добивме од подготовката на материјалите од Владата и од Министерството дека Македонија забрзува. Имаме податоци за раст на БДП од 3,1 каде што сите оние потребни документи ни укажуваат дека ќе имаме до 3,5 до крајот на годината. Вкупни приходи од 374,9 милијарди коишто ќе бидат зголемени на 379,5 милијарди, зголемување од 4, а 575 милијарди или 4 милијарди 575 милиона, 1,26 зголемување. Вкупните расходи исто така ќе бидат зголемени благодарејќи на поголемата ефикасност и исполнителност на институциите“, истакна Тони Јаревски, пратеник од редовите на ВМРО-ДПМНЕ на денешната седница на Комисијата за финансирање и Буџет.

Јаревски истакна дека Владата преку ребалансот на Буџетот продолжува да спроведува мерки насочени кон намалување на невработеноста и поттикнување на самовработувањето. Тој посочи дека се отворени 18.000 нови работни места, невработеноста е намалена на 11,3 проценти, а големиот интерес за Оперативниот план, со повеќе од 3.000 апликации за самовработување, покажува дека граѓаните ги препознаваат можностите за започнување сопствен бизнис преку државната поддршка.

„Денес имаме наместо протести, наместо социјален немир и незадоволство 18,000 нови работни места створени од оваа Влада. Невработеност којашто е речиси едноцифрена. Денес кога ова го говориме 11,3% , но во исто време можеме да укажеме на неколку мерки што исто така ќе бидат поддржани со Буџетот и ребалансот на истиот коишто гарантираат дека таа дополнително ќе се намалува. Ќе ја споменам една од последните како што е оперативниот план. Веќе имаше повеќе од 3,000 апликации за самовработување. Мерки со коишто на секој еден самовработен до 29 години се нудат можности за финансирање од 10,000 евра доколку се двајца до 14,000 евра. Но исто така беа опфатени оние коишто се постари од 29 години, а имаат иницијатива, имаат идеја. Оваа Влада, ова мнозинство прави услови, прави начини како нив да им овозможи не само да преживеат за егзистенција како што бевме научени претходно од времето на СДС со некакви сомнителни субвенции, туку да ги научи да генерираат, да отворат свој бизнис и истиот да го развиваат“ посочи Јаревски.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер