Тоа е најстарата марка на автомобили, а од основањето во 1850 година, десет пати го сменила логото. Како и да е, една работа секогаш останува иста, а тоа е дека оваа компанија отсекогаш имала симбол на лав. И новиот знак оди во таа насока. Единаесеттата верзија на логото украсено со глава на лав е дизајнирана од Peugeot Design Lab, глобално студио за дизајн на Peugeot.
Овој редизајн доаѓа поттикнат од големите промени во автомобилската индустрија, нешто повеќе од една деценија од воведувањето на логото што сега се користи.
Исклучително активната година за Peugeot носи многу нови работи: лансирање на гама која ќе биде претставена со новиот модел 308, нова веб-страница и, се разбира, формирање на групацијата Stellantis.
Во „Пежо“ велат дека ова лого е дизајнирано да одолее на времето, но и да биде „препознатлив, безвременски, универзален и мултикултурен знак за идентитет“.
„Тоа е синоним за престиж, доверба, долговечност, наследство“, додаваат тие.
Во исто време, Peugeot не ги крие своите аспирации да влезе во некои нови области, како и постојаниот стремеж кон успех, задржувајќи го францускиот поим за стил, вештина и елеганција.
Паралелно со воведувањето на обновените канали за дигитална комуникација, а особено веб-страницата, Peugeot ја започнува првата кампања на брендот во последните 10 години, наречена The Lions of our Time, што има за цел да ги достигне постојните клиенти, но и оние кои сеуште не се. Како и да е, да почекаме уште неколку недели до премиерата на новиот 308. Тогаш сè ќе биде појасно.