Петровска до Мисајловски: Зошто две години во Министерството за одбрана платите не се зголемени? - Канал 5

Македонија

Петровска до Мисајловски: Зошто две години во Министерството за одбрана платите не се зголемени?

Пратеничката од СДСМ, Славјанка Петровска, на денешната седница за пратенички прашања побара одговори од министерот за одбрана Владо Мисајловски за сериозни недоследности и сомнежи во работењето на Министерството за одбрана.

Петровска до Мисајловски: Зошто две години во Министерството за одбрана платите не се зголемени?

Петровска побара одговор зошто по две години мандат нема зголемување на основните плати за вработените во Министерството за одбрана и Армијата, зошто со ребалнсот се кратат пари за министерството. Воедно, Петровска побара објаснување дали намерно се криеле документи поврзани со Колективниот договор и дали јавноста две години била доведувана во заблуда со невистинити тврдења.

Во продолжение е интегралното обраќање на Петровска:

Министре Мисајловски, минатиот пат, како што напоменав, тоа беше на седницата за пратенички прашања која беше одржана на 30 април, точно пред околу два месеци, поставив пратеничко прашање за склучување на нов Колективен договор. Тогаш, меѓу многуте лаги што ги кажавте со намера да ме обвините мене, го кажавте и следново. Цитирам од стенографските белешки:

„Прво да видиме што кажале од Државниот завод за ревизија за Колективниот договор што јас го потпишав, ајде така да се изразам. Знаете дека беа во Министерството и утврдија дека постапката за негово донесување е незаконска. Не се обезбедени средства, не се обезбедени финансии во тековниот буџет. Исто така, не е пријавен во регистарот што го води Министерството за труд. Како вие носите? Кој ви дал согласност? Дали Владата ви даде согласност да донесете Колективен договор?“

Оваа ваша приказна за наводно незаконски Колективен договор, за наводно матни набавки, за мое незаконско работење и така натаму, веќе две години се обидувате да ја манипулирате јавноста, да кажувате невистини така како што вас ви одговара.

А секогаш кога ќе ви речам и ќе ве поканам на телевизиско соочување, за рамноправно да можеме да ги соочиме фактите, одговор нема. Вие бегате. Премногу сте зафатен. Добро, затоа ќе ја искористам оваа говорница да ги соопштам фактите. Факт број еден, со кој се негира вашата лага дека овој договор е незаконски и дека не добил согласност од Владата, е овој извадок од записник од седница на Владата, одржана на 13 февруари 2024 година.

Во него се вели:

„Владата ја разгледа информацијата за давање овластување на министерот за одбрана за потпишување на нов Колективен договор на Министерството за одбрана, со текст на Колективниот договор, ја усвои информацијата и ја овласти Славјанка Петровска, министер за одбрана, да го потпише Колективниот договор на Министерството за одбрана.“

Ова е дел од архивите и на Владата и на Министерството за одбрана. Ова е првиот документ кој, во обид да ме обвините за наводно незаконско работење, го криете од Државниот завод за ревизија.

Вториот документ што го криете од Државниот завод за ревизија е овој допис од тогашниот државен секретар во Министерството за одбрана, испратен и уредно примен во тогашното Министерство за труд и социјална политика, во кое се известува дека на тој и тој ден, со архивски број, е склучен Колективен договор за период од две години.

Во прилог на овој акт ви се доставува примерок од склучениот договор за ваше запознавање. Потпишан е поранешниот државен секретар, како и тогашниот и сегашниот тогаш раководител, а сега директор на Правната служба во Министерството за одбрана. И овој документ го криете и од Државниот завод за ревизија и од јавноста.

И еве, да речеме дека ова не било така, дека не сте знаеле. Иако е така, бидејќи ова се документи кои ги има, повторно ќе речам, во архивите. Без нервоза, министре. Без нервоза. Затоа што, ако е така, ќе треба вие со ваше писмо да ги доставите до Државниот завод за ревизија. Но, ако не е така, тогаш да видиме што направило Министерството.

На 6.4.2026 година, Министерството, со решение потпишано од раководителот на Секторот за поддршка на министерот – човек кој е најблиску до вас и е од ваша најголема доверба – е дадено и потпишано издаде решение за уважување на барањето за слободен пристап до информации.

Со тоа барање, барателот побарал да му биде доставена копија од доказ дека Колективниот договор е доставен за евиденција до Министерството за труд и социјална политика.

Барањето, како што реков, се уважува и се дава следниот одговор:

„Во врска со вашето барање Ве известуваме дека Министерството за одбрана не поседува таков доказ. Имено, во членот 231 од Законот за работни односи е предвидено дека до Министерството за труд се доставува известување за склучен Колективен договор, а не и примерок. Исто така, во наведениот член не постои обврска работодавачот, во конкретниот случај Министерството за одбрана, има обврска да достави известување до Министерството за труд за склучен Колективен договор.“

Ова решение, овој одговор на барањето за слободен пристап до информации е спротивен не само на вистината, дека такви документи постојат, туку е спротивно и на тоа што вие го изјавивте на оваа говорница на 30 април и на тоа што веќе две години го изјавувате.

Сега имаме проблем. Или вашиот шеф на кабинет не слуша што му зборува министерот.

Или некој вам ви подметнува документи. Или вие свесно ги криете. Што е вистината?Барам одговор од вас. Тоа е моето прво пратеничко прашање.

Второто пратеничко прашање е исто така дел од обвинувањата дека кога сте дошле вие во Министерството, буџетот бил блокиран. Кажано едноставно, дека сум го заглавила јас Министерството, дека сум склучувала договори за кои немало пари и дека дури сум ја довела во опасност борбената готовност на државата. Ако е така, зошто во 2025 година и во 2026 година, со ребалансите на Буџетот, на Министерството за одбрана му се скратени повеќе од 20 милиони евра?

Па, Министерство што нема пари, како му кратат средства ако вие имате преземено обврски, зошто вие сте го дозволиле тоа? Тоа е моето второ прашање.

И третото прашање, од кое бегате, е: Зошто две години во Министерството за одбрана платите не се поместени?

Зборувам за основната плата. И не само што не се поместени, оваа година, во ребалансот - барем тој што го добивме ние, не знам дали сте консултирани во делот на Министерството за одбрана – ставката за плати и надоместоци се намалува за повеќе од 10 милиони денари. За сметка на тоа, ставката за договорни услуги се зголемува за повеќе од 40 милиони денари. Што ви е приоритет? Договорните услуги или стандардот на вработените во Министерството за одбрана и Армијата? И уште пострашно. Во време на сезона, ова би беше една од вашите најголеми пофалби беше колку сте ги зголемиле дотациите кон општините поврзани со пожарникарите и таа ставка ви ја кратат.

Од една милијарда денари на 770 милиони денари. Тоа се 230 милиони денари помалку. Што значи тоа? Го намалувате бројот на пожарникари? Ги намалувате средствата за нивна исплата во време кога пожарната сезона веќе започна? “, се наведува во партиското соопштение.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагичен крај на потрагата по 11 годишни близнаци- најдени се на дно на река во Шпанија

Безживотните тела на двајца 11-годишни близнаци се пронајдени вчера околу пладне во во реката Тер, во областа Манлеу во Барселона, Шпанија. 

Трагичен крај на потрагата по 11 годишни близнаци- најдени се на дно на река во Шпанија

Браќата исчезнаа во понеделник попладне откако играа фудбал и, како што се верува, пливаа во реката Тер, каде што се удавија, објавува Ел Паис.

Операцијата за пребарување, започната во понеделник вечерта, доведе до откривање на две тела на дното на реката, кои, според сите досегашни индикации и во исчекување на потврда на нивниот идентитет преку анализа на отпечатоци од прсти, им припаѓаат на двајцата браќа.

Како и во многу претходни прилики, момчињата отишле да играат фудбал на училишен терен тоа попладне. Тие требало да се вратат дома околу 21 часот, кога теренот се затвора. Сепак, тие не се појавиле. Според извори во истрагата, браќата решиле да се искапат во реката Тер пред да се вратат дома. Ниту еден од нив не знаел доволно добро да плива и, кога се стемнило, се удавиле.

По полноќ, таткото на момчињата пријавил дека се исчезнати, а локалната полиција во Манлеу ја известила каталонската полиција (Mossos d’Esquadra), која ја презела потрагата. Тие активирале дронови и подводна единица. Во вторник, околу 11:30 часот, екипите за итни случаи пронашле парчиња облека во реката што одговарале на она што браќата го носеле во понеделник попладне. Околу 13:00 часот, телото на првото момче било пронајдено во водата на длабочина од околу три метри. Еден час подоцна, пронајдено е и телото на второто момче.

Семејството, кое било вклучено во потрагата, било на местото на настанот кога биле пронајдени телата и било информирано дека, според описот што го дале, тие се совпаѓаат со нивните синови. Сепак, идентификацијата на близнаците сè уште не е целосно завршена: телата ќе бидат испратени во Институтот за судска медицина на Каталонија (IMELEC) за конечна идентификација со помош на отпечатоци од прсти.

Обдукцијата треба да ги утврди точните околности на нивната смрт, иако сè укажува дека станува збор за случајно давење.

Тагови: близнаци Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Сексуално нападната позната новинарка пред почетокот на натпреварот Аргентина- Англија (ВИДЕО)

Аргентинската спортска новинарка и популарна инфлуенсерка Мелина Моријатис преживеа ужасен обид за сексуален напад во хотел во Атланта, каде што престојуваше за да го следи полуфиналето на Светското првенство помеѓу Аргентина и Англија.

Сексуално нападната позната новинарка пред почетокот на натпреварот Аргентина- Англија (ВИДЕО)

Она што требаше да биде кариерно патување се претвори во кошмар во раните утрински часови во хотелот „Комфорт Ин“. Мелина, која има повеќе од 680.000 следбеници на Инстаграм, ги сподели страшните детали од нападот што ја шокираше јавноста.

Сè започна кога Мелина се враќаше од аеродромот. Додека се пријавуваше на рецепцијата, забележа маж кој почна да ја следи. Тој ја следеше во лифтот, но благодарение на нејзината брза реакција, новинарката успеа да скокне пред вратите да се затворат и да се врати на рецепцијата за помош.

– Синоќа преживеав обид за сексуален напад тука во Атланта, или можеби нешто многу полошо. Некои Аргентинци ми го спасија животот – рече видливо потресената Мелина во видео на социјалните мрежи.

Во клучниот момент, четворица аргентински навивачи – Гонзало Перез, Хуан Игнасио Туркато, Николас Томасини и Фран Идалго – ѝ притрчаа на помош. Овие момци од Сан Хуан, кои дојдоа во САД да ги бодрат „Гаучосите“, буквално создадоа човечки ѕид околу новинарката.

Го држеа напаѓачот настрана повеќе од 30 минути и го спречија повторно да ѝ се приближи сè додека полицијата не пристигна на местото на настанот.

„Тој беше целосно дезориентиран, веројатно под дејство на дрога. Разговараше сам со себе. Немате поим колку опасна може да биде таква личност“, изјави Туркато за медиумите, додавајќи дека се обиделе физички да спречат ескалација на ситуацијата пред да пристигнат властите.

Мелина Моријатис е сепак безбедна, а полицијата го привела осомничениот. Аргентинската ѕвезда веднаш започна кампања на социјалните мрежи за да им обезбеди на своите спасувачи билети за полуфиналниот натпревар на Аргентина како начин да им се заблагодари за нивната храброст.

– Не знам дали луѓето од другите земји ја имаат нашата солидарност, да бранат целосен странец до смрт – рече Мелина.

Тагови: Аргентина новинарка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Пет интересни факти за Алфа Ромео што веројатно не сте ги знаеле

Од авиони до супер автомобили – малку позната страна од историјата на Алфа Ромео.

Пет интересни факти за Алфа Ромео што веројатно не сте ги знаеле

Алфа Ромео не е позната само по своите спортски автомобили и богатата тркачка традиција. Во текот на повеќе од еден век постоење, италијанскиот производител воведе бројни иновации и остави длабок белег во автомобилската индустрија.

Веб-страницата „Motor1“ носи пет интересни факти што откриваат помалку позната страна на овој легендарен бренд.

Змијата во амблемот не изгледала секогаш вака

Препознатливиот амблем на Алфа Ромео, познат како Бишоне, изгледал значително поинаку кога бил претставен во 1910 година.

Оригиналниот дизајн бил поедноставен и со текот на децениите ги менувал боите, деталите и надворешната рамка.

Сепак, клучните елементи инспирирани од градот Милано и семејството Висконти биле зачувани, па амблемот го задржал својот препознатлив идентитет.

Алфа Ромео произведувала и авионски мотори

Покрај автомобили, Алфа Ромео произведувала и авионски мотори, вклучително и воени авиони, помеѓу двете светски војни.

Ова искуство ѝ помогнало на компанијата да развие напредни инженерски решенија што подоцна биле применети во развојот на автомобили.

Оригиналниот „33 Stradale“ беше речиси целосно рачно изработен

Еден од најретките модели на брендот, „Alfa Romeo 33 Stradale“, беше претставен во 1967 година и беше изведен директно од тркачки автомобил.

Беше произведен во многу ограничена серија, а секој примерок имаше мали разлики во изработката, поради што се смета за еден од првите автомобили направени по мерка за клиент.

Денес се смета за еден од најубавите и најбараните италијански класици.

Глобален бренд долго пред конкуренцијата

Уште во 1920-тите и 1930-тите, Алфа Ромео извезуваше автомобили во САД и Јужна Америка, во време кога многу европски производители беа фокусирани исклучиво на домашниот пазар.

Модели како што се „6C 1750“, „8C 2300“ и „8C 2900“, заедно со успесите на трки како што е „Mille Miglia“, го зацврстија угледот на брендот низ целиот свет.

Меѓу пионерите на аеродинамиката

Алфа Ромео беше меѓу првите во Италија кои систематски користеа аеродинамичен тунел за време на развојот на автомобили во 1960-тите.

Еден од најдобрите примери е „Giulia TI“ од 1962 година, која и покрај аголниот дизајн имаше коефициент на отпор од околу 0,34, што беше исклучителен резултат за седан од тоа време.

Благодарение на овој пристап, Алфа Ромео разви автомобили кои беа постабилни при големи брзини, поефикасни и побезбедни, а „Giulia“ со право беше наречена „обликувана од ветерот“.

Извор: Б92

Тагови: Алфа Ромео

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер