Пет деца и двајца мажи се здобиле со повреди од испукани петарди, кај дел била направена импутација на прстите - Канал 5

Македонија

Пет деца и двајца мажи се здобиле со повреди од испукани петарди, кај дел била направена импутација на прстите

И дефинитивно, обдукцијата утврдила, куршум е причината за смртта на малечкиот Нагип, кој за Нова Година беше погоден во глава пред неговиот дом додека гледал огномет, по што подоцна и подлегна на повредата во болница. 

Пет деца и двајца мажи се здобиле со повреди од испукани петарди, кај дел била направена импутација на прстите

Министерот за внатрешни работи – Панче Тошковски посочи дека станува збор за залутан куршум и дека се преземаат сите мерки за пронаоѓање на сторителот, иако вели, нема да биде лесно. Што се однесува до обвинувањата на семејството на детето за полициска бруталност – Тошковски вели дека има внатрешна истрага и дека таа ќе утврди дали полицијата, која била повикана поради агресивно однесување на повеќе лица во Градската болница, си ги надминала овластувањата.

Ќе продолжиме да ги преземаме сите оние надлежни чекори се со цел да утврдиме на крајот конкретен сторител и без оглед на тоа што во ваква ситуација и вас ви е познато дека навистина овие се тешки случаи за детектирање и откривање на конкретен сторител. Станува збор за интервенирање на полициски службеници по добиено барање за интервенција за агресивно и недолично однесување во Градска болница Скопје.

И покрај бројните кампањи против пиротехничките средства и заплените на истите, сепак на први на полноќ градот ечеше од експлозии и огномети – па министерот Тошковски смета дека е потребна поригорозна казнена политика која би спречила петардите да завршат во рацете на децата. Во меѓувреме, ниту оваа година не изостанаа повредите од петарди – дел од нив резултирале со ампутации.

Двајцата се 50 и 58 годишна возраст, машки пациенти, мажи кои што, едниот, повозрасниот, сакал да покаже како изгледа да се пукаат петарди пред внука, што е несовесно од негова страна и ампутирани се врвовите од прстите. А, другиот, 50 годишниот ја зема петардата од детето за да не се повреди и таа експлодира во неговите раце. Двајцата пациенти беа оперирани вечерта и се пуштени дома, во добра состојба се, но сепак имаат ампутирани врвови на прсти.

Најчесто петардите во рацете на децата завршувале откако родителите им ги купиле, вели директорката на клиниката за пластична хирургија – Јасмина Ѓорѓиевска – Павловска, податок кој произлегол од разговорт со основците во рамките на кампањата против пиротехника. Министерот Тошковски кој посочи дека бројката на заплени на пиротехника ја надминала минатогодишната, откри дека во полициските акции бил уапсен и полицаец од Велес кој учествувал во шверцување на пиротехника.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп за масовните насилни протести во Франција: Исламот сака да ја преземе државата (ВИДЕО)

Американскиот претседател Доналд Трамп ги најави големите протести во Франција и тврдеше дека нивната причина не се проблемите во училиштата, туку масовната миграција и исламот.

Трамп за масовните насилни протести во Франција: Исламот сака да ја преземе државата (ВИДЕО)

„Она што се случува во Франција не е ништо повеќе од неконтролирана масовна миграција. Не станува збор за училишта, туку за исламот што сака да ја преземе некогаш големата земја“, напиша Трамп на Truth Social.

Ве потсетуваме дека протестите започнаа како студентско движење поради состојбата во средните училишта, недостатокот на персонал, условите за работа и другите проблеми во образовниот систем, а потоа се проширија на други групи.

Ученици, наставници, родители и синдикати учествуваат во протестите, додека дел од собирот беше обележан со судири со полицијата, палежи и немири.

Француското Министерство за внатрешни работи објави дека денес низ целата земја протестирале 256.000 луѓе, вклучувајќи 56.000 во Париз. Синдикатите тврдат дека имало 450.000 од нив, од кои 100.000 биле во главниот град.

Тагови: протести Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сталоне откри како се степал со Ричард Гир за време на снимање (ВИДЕО)

Силвестер Сталоне во своите нови мемоари опиша физичка конфронтација со Ричард Гир што се случила на снимањето на филмот во 1974 година. 

Сталоне откри како се степал со Ричард Гир за време на снимање (ВИДЕО)

Во книгата „Скалите“, објавена кон крајот на септември, 80-годишниот Сталоне пишува за тензиите за време на снимањето на „Господарите од Флатбуш“ што кулминирале со тепачка.

Почнува од аудицијата

Сталоне наведува дека проблемите со Гир (77) започнале уште на аудициите, на кои учествувал и Роберт Де Ниро. Иако импровизацијата со Де Ниро била продуктивна, со Гир тргнала во лоша насока. „Се сеќавам дека на почетокот со Де Ниро, сè одеше прилично добро. Се обидувавме да се надгласаме еден со друг и уживав во процесот“, пишува Сталоне.

Работата со Гир беше поинаква. „Импровизациите со Ричард Гир тргнаа наопаку. Тој ме зграпчи за кошулата и ноктите ми се забија во кожата. Му реков да се повлече, но тој го направи тоа повторно од вториот обид. Не можеше да знае, но почна да беснее во мене“, се вели во мемоарите.

Потоа Сталоне го праша режисерот Стивен Верона дали може да реагира на начинот на кој би реагирал во реалниот живот. „'Што би направил?' ме праша тој. 'Што? Ќе му ги скршев забите.' Тој одговори: 'Те молам немој.'“

Тепачка поради пилешко

Физичката пресметка се случила за време на паузата за ручек. Сталоне тврди дека го предупредил Гир да не прави неред со храната, по што Гир намерно го полил со пилешка маст. „Млад пилешка маст течеше од алуминиумската фолија врз мојата нога“, се присети Сталоне.

„Го удрив со лактот во градите, излегов од автомобилот, отидов до него и го извлеков од задното седиште“, опишува Сталоне. „„Еј човече, не сакам да се навредувам“, рече Гир. Јас реков: „Премногу доцна е...“ Стивен Верона застана пред Гир. На сите им беше јасно дека ова не функционира. Еден од нас мораше да си оди.“

Отказ и ново пријателство

По инцидентот, Гир беше отпуштен, а Де Ниро го напушти и проектот. Тие беа заменети со актерите Пери Кинг и Хенри Винклер. Промената во глумечката екипа доведе до доживотно пријателство меѓу Сталоне и Винклер, за кого Сталоне вели дека многу го поддржувал на почетокот на неговата кариера. Портпаролот на Гир не одговори на барањето за коментар за обвинувањата на Сталоне.

Тоа не беше единствениот забележан конфликт меѓу двајцата актери. Елтон Џон напиша во своите мемоари од 2019 година дека Сталоне и Гир речиси се скарале поради принцезата Дајана во деведесеттите години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Норвешка ги забранува паметните очила на плажи, во паркови и теретани

Норвешка подготвува привремена забрана за паметни очила на одредени јавни места. Забраната би се однесувала на паркови, плажи, музеи, трговски центри, училишта, градинки, здравствени установи, теретани и јавни настани. 

Норвешка ги забранува паметните очила на плажи, во паркови и теретани

Приватната употреба останува дозволена.

Торгеир Микаелсен, норвешки министер за дигитални работи, вели дека е загрижен што се воведува нова и моќна технологија каде што луѓето можат да бидат фотографирани, снимани со камера или микрофон без тие да знаат за тоа. Тој додаде дека не сака општество во кое луѓето се плашат дека некој ги снима без нивно знаење на места каде што се навикнати да не бидат следени.

Каде уште се ограничени паметните очила

Норвешка не е прва. Ограничувањата се множат низ целиот свет, а паметните очила веќе се забранети од судниците во Велика Британија и САД, како и од некои пабови, кина и ресторани чии сопственици се плашат за приватноста на своите гости.

Во Велика Британија, угостителот Џереми Кинг и синџирот пабови Wetherspoons веќе го кажаа тоа. Кино салите почнаа да го забрануваат или ограничуваат носењето очила во август, наведувајќи ги загриженоста за приватноста и пиратството на филмови.

Гувернерот на Калифорнија, Гевин Њусом, минатата недела стави вето на закон со кој би се забранувало снимањето на луѓе што носат очила без дозвола во соблекувални, лекарски ординации и други простории што се сметаат за приватни. Државата веќе има закони против нелегално снимање.

Француската група за заштита на децата E-enfance соопшти дека годинава добила околу 20 пријави за жени кои биле снимани без нивно знаење, од кои повеќето се однесуваат на очила Мета. Моделот е ист: млада девојка или жена на јавно место се снима, а снимката се објавува на социјалните медиуми како шега или улична анкета.

Мета, водена од Марк Закерберг, продава паметни верзии на очила за сонце Ray-Ban и Oakley. Продала најмалку девет милиони пара модели на Ray-Ban од почетокот на 2023 година. Компанијата вели дека секој пар со камера има LED светло што трепка бело додека снима, дека не може да се исклучи и дека камерата е оневозможена ако е покриена или оштетена.

Тагови: паметни очила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер