Свет

Пекинг затвори 11 градски окрузи , откако коронавирусот се појави на пазар

Неколку десетици жители на Пекинг се позитивни на коронавирусот, што потврдува дека се појави нов бран на инфекцијата во кинеската престолнина, поради што итно е воведен карантин во 11 градски окрузи.

Новите случаи на инфекција предизвикаа стравувања од повторно појавување на епидемијата во Кина, каде што започна ширењето на ковид-19 минатата година, конкретно од центарот на градот Вухан, но властите успеаја да ја контролираат болеста преку строг карантин.

Мерките постепено се олеснуваа ,бидејќи бројот на заразените лица се намали, а повеќето од новозаразените изминативе месеци беа граѓани кои се враќаа во Кина од странство.

Кина официјално регистрирала 4.634 смртни случаи од ковид-19, додека повеќе од 422.000 луѓе починале досега низ целиот свет.

Пазарот Ксинфади, во округот Фенгтаи во јужен Пекинг, е затворен затоа што е поврзан со повеќето случаи на инфекција.

Седум случаи на инфекција се потврдени во близина на пазарот, каде што се продава месо, риба и зеленчук, од кои шест во сабота, според кинеските власти.

Уште 45 асимптоматски случаи биле потврдени по тестовите спроведени во петокот на скоро 2.000 работници на пазарот, изјави официјален претставник на градското здравство, Панг Ксингуо.

Првиот случај на ковид-19 во Пекинг по два месеци беше пријавен во четвртокот. Станува збор за личност која била на тој пазар минатата недела и не го напуштил градот во последно време.

Меѓу шесте нови случаи пријавени во саботата имало тројца работници од пазарот, лице кое било таму да купува и тројца вработени во центарот за истражување на месо , на седум километри оддалеченост од пазарот. Една од нив била на пазарот минатата недела.

Властите го затворија пазарот, како и пазарот на морска храна што го посетило едно заразено лице за да спроведе дезинфекција и да соберат примероци за анализа.

Стотици полицајци се распоредени во близина на пазарите.

Официјални претставници на округот Фенгтаи вчера соопштија дека вовеле „воени мерки“ поради новиот бран на зараза.

Во саботата наутро, волонтерите ги обиколија граѓаните во нивните станови во неколку населби во Пекинг за да утврдат кои биле на пазарот Ксинфади.

Властите најавија и масовно тестирање во големи размери за сите лица што биле во контакт со пазарот од 30 мај.

Девет училишта и градинки се затворени.

Властите во Пекинг во петокот го одложија враќањето на учениците во основните училишта и ги прекинаа сите спортски настани.

Директорот на пазарот на месо, Џинфиди, изјави за вестите во Пекинг дека вирусот бил потврден во табли на увезен лосос.

Затоа санитарните власти наредиле инспекции низ градот на свежо и замрзнато месо, живина и риба, во супермаркетите, магацините и рестораните.

Во Кина, вкупно 83.075 луѓе се разболеле од ковид-19 и починале 4.634 лица.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер