Министерката за правда Дескоска и денес продолжува со потрагата по гласови од помалите парламентарни партиина поединечни средби без присуство на медиумски екипи. За претставници од ВМРО ДПМНЕ вратата е затворена, освен ако се вклучат во преговорите со поднесување на амандмани на веќе креираниот владин предлог.

-Законот е се уште на маса и доколку ВМРО ДПМНЕ сака да учествува во процесот, тогаш нека подготви амандмани на овој текст. Се останато е алиби за недонесување на законот.– велат од Министерството за правда.

Лидерот на ВМРО ДПМНЕ го повтори ставот дека единствен прифатлив закон за опозициската партија ќе биде тој предлог што ќе го изготви стручната фела. Гордан Калајџиев, Гордана Силјановска, Тања Каракамишева, Владо Камбовски, Никола Тупанчевски и Гордана Лажетиќ се шестмината професори кои ги предлага Мицкоски, а ја повика и власта да даде предлог имиња на правници за изработка на законот.

Јасно е дека ВМРО-ДПМНЕ не сака да го гласа законот, одговори лидерто на СДСМ Зоран Заев.. Доколку сакале да предложат закон подготвен од експертите, тоа можеле да го направат досега, вели Заев..

Без пратеничките гласови од ВМРО ДПМНЕ, власта ќе има потешкотии да стигне до двотретинско мнозинство. До распуштање на Собранието пратеничката од ДПА Мерал Ферати ќе биде надвор од државата, а под знак прашалник е и поддршката од албанските опозициски партии, но и независните од ВМРО ДПМНЕ. Шестмина од нив вчера се сретнаа со амбасадорката на САД Кејт Брнз со која разговараа за овој закон, но меѓу нив не беше Елизабета Канческа Милеска. Пратеничката не одговори на повиците да одговори дали нејзиното отсуство значи дека не го поддржува Законот за ЈО.