Паника на лет од Подгорица кон Белград: Жена внела две плински боци во авионот - Канал 5

Балкан

Паника на лет од Подгорица кон Белград: Жена внела две плински боци во авионот

На летот на Ер Србија од Подгорица за Белград дошло до сериозно нарушување на безбедноста кога една од патниците без проблем ја поминала контролата на аеродромот, носејќи со себе две плински боци со средна големина.

Паника на лет од Подгорица кон Белград: Жена внела две плински боци во авионот

Жената се качила на летот и му ги предала плинските боци на пилотот во авионот, пишува црногорски Стандард.

Плинските боци, како и другите опасни предмети и материјали, се на списокот на забранети предмети кои се забранети да се носат во авионот и секако не можат да ја поминат проверката што се врши во зградата на аеродромот пред да се качат на летот.

Поради очигледниот пропуст на аеродромските службеници, пилотот на авионот веднаш ја известил полицијата, која ги запленила боците со плин и ги извадиле од авионот.

Бидејќи станува збор за директна безбедносна закана, Ер Србија поднесе пријава против аеродромот во Подгорица. Колку е значаен овој инцидент говори фактот што за ваква голема грешка се губи меѓународниот сертификат ECAC, што во овој случај би било погубно за аеродромите во Црна Гора.

Според неофицијални информации на порталот Стандард, истрагата се уште е во тек и допрва ќе се утврдува каква мерка ќе биде изречена за одговорниот за пропустот и какви евентуални санкции ги очекуваат Аеродромите на Црна Гора, т.е. во конкретниот случај аеродромот во Подгорица.

Инцидентот се случил на денот кога црногорскиот премиер во технички мандат Дритан Абазовиќ бил на аеродромот во Подгорица по повод Денот на аеродромот во Црна Гора.

Абазовиќ во таа прилика ѝ порача на јавноста да не наседнува на евтина пропаганда и дека се работи во најдобар ред.

„Одиме кон рекордна туристичка сезона. Црна Гора е на добар пат!“ изјави Абазовиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Макрон го следи лансирањето на моќно оружје: Франција ја покажа силата на својот арсенал (ВИДЕО)

Францускиот претседател Емануел Макрон беше сведок на првото пробно лансирање на интерконтиненталната балистичка ракета M51 од нуклеарна подморница крај брегот на Финистер.

Макрон го следи лансирањето на моќно оружје: Франција ја покажа силата на својот арсенал (ВИДЕО)

Францускиот претседател Емануел Макрон беше сведок на првото пробно лансирање на интерконтиненталната балистичка ракета M51 од нуклеарна подморница крај брегот на Финистер, објавија Елисејската палата и француското Министерство за вооружени сили.

Макрон го гледаше лансирањето од фрегата на француската морнарица. M51, третата верзија на стратешката балистичка ракета лансирана од подморница, која е во употреба од минатата година, беше испукана без нуклеарна боева глава и падна во Северниот Атлантик, неколку стотици километри од кој било брег, според францускиот „Фигаро“.

Посетата на претседателот беше ненајавена и се одржа без присуство на медиумите. Самото лансирање претходно беше најавено како дел од воена вежба.

Тестот доаѓа во време на зголемени тензии во Европа. Макрон во последните недели предупреди за промена на карактерот на „руската агресија и закани“ кон европските земји, по серијата хибридни напади за кои Западот ја обвинува Москва.

Ракетата беше лансирана од нуклеарната подморница „Ле Вижилан“ како дел од операцијата „СМЕРТРИОС“, чија цел беше да се тестира способноста на подморницата повторно да ја користи ракетата М51 по редовно одржување и ремонт.

Министерството соопшти дека ракетата била следена во текот на целиот лет и дека тестот бил извршен „во целосна согласност со меѓународните обврски на Франција“.

Франција пред една година воведе нова верзија на ракетата М51 во употреба, опишувајќи ја како важен чекор во модернизацијата на поморската компонента на нејзиното нуклеарно средство за одвраќање.

Тагови: Емануел Макрон Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Отворени пријавите за бесплатната работилница „Културен континуитет во применетиот дизајн“ на Машинскиот факултет во Скопје

Отворени пријавите за бесплатната работилница „Културен континуитет во  применетиот дизајн“ на Машинскиот факултет во Скопјe.

Отворени пријавите за бесплатната работилница „Културен континуитет во применетиот дизајн“ на Машинскиот факултет во Скопје

— Лабораторијата за индустриски дизајн при Машинскиот факултет во Скопје, во соработка со „Култур код“, ги поканува сите заинтересирани да се пријават за бесплатната работилница „Културен континуитет во применетиот дизајн“, која ќе се одржи во периодот од 13 октомври до 3 ноември 2026 година.

Работилницата се реализира во рамки на проектот „КОРЕНИ, КОДОВИ И ИДНИНАН – културен континуитет во применетиот дизајн“, финансиран од Министерството за култура и туризам на Република Северна Македонија кој има за цел да направи спој помеѓу богатото културно наследство и современите дизајнерски и технолошки пристапи.

Спој на традицијата, 3Д технологијата и одржливоста

Програмата опфаќа четири интензивни предавања планирани во Лабораторијата за индустриски дизајн. Учесниците ќе имаат можност да истражуваат клучни поглавја од македонската култура и традиција, како и да се стекнат со практични знаења од

областа на:

- Tрадиционални техники и мотиви во изработка на модни додатоци и

домашен декор,

- 3Д моделирање и дигитално обликување,

- Изработка со современи технологии,

- Еколошка одржливост (соодветен избор на материјали и технологии).

По завршувањето на теоретскиот и практичниот дел, преостанатиот период до 3 ноември е предвиден за самостојна и тимска работа со континуирана менторска поддршка од експерти.

Можност за финансирање и пазарно пласирање на најдобриот дизајн

Работилницата ќе заокружи со завршна презентација на идејните решенија пред стручно жири. За најдобриот концепт/дизајн е обезбедена финансиска поддршка за изработка на прототип, како и можност за негова промоција и комерцијално пазарно пласирање.

Начин на пријавување

Учеството е бесплатно, но поради ограничениот број места, задолжителна е претходна регистрација.

- Краен рок за пријавување: 10 октомври 2026 година

- Линк за регистрација: https://forms.gle/DygseWuVPZxtcrKWA

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Растот на просечната старосна пензија во првите две години на Владата е 12,6 пати поголем од растот во првите две години на СДС и ДУИ

Растот на просечната старосна пензија во првите две години на Владата предводена од ВМРО-ДПМНЕ е 12,6 пати поголем од растот во првите две години на СДС и ДУИ.

Стојаноски: Растот на просечната старосна пензија во првите две години на Владата е 12,6 пати поголем од растот во првите две години на СДС и ДУИ

Зголемени пензии.

Да направиме една кратка анализа на покачувањето на пензиите во првите две години од мандатот на владата на ВМРО - ДПМНЕ и владите на коалицијата СДСМ/ДУИ.

Бројките најдобро ја покажуваат разликата кога ќе ги споредиме првите две години од двете влади, а ќе ја споредуваме просечната старосна пензија.

СДСМ – ДУИ.

јуни 2017 – јули 2019.

15.273 денари → 15.813 денари.

раст: само 540 денари.

ВМРО-ДПМНЕ.

јули 2024 – мај 2026.

22.858 денари → 29.663 денари.

раст: 6.805 денари.

6.805 ÷ 540 = 12,6 ПАТИ ПОГОЛЕМ РАСТ НА ПРОСЕЧНАТА СТАРОСНА ПЕНЗИЈА !

За приближно ист временски период, растот на просечната старосна пензија во првите две години на владата предводена од ВМРО - ДПМНЕ е 12,6 пати поголем од растот во првите две години на СДСМ и ДУИ.

540 денари наспроти 6.805 денари или

296 денари наспроти 22 денари месечен раст.

Тоа е разликата што ја покажуваат бројките.

Наредната анализа ќе биде споредбата за покачувањето на пензиите во периодот од седум години влада на СДСМ/ДУИ и две години влада на ВМРО - ДПМНЕ и коалицијата, објави на ФБ Бојан Стојаноски од ВМРО-ДПМНЕ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер