Пакетот 4+1 на маса пред министерствата за надворешни работи на Македонија и Бугарија

Македонско – бугарските работни групи денеска и утре ќе заседаваат за отворените прашања меѓу двете земји. 

Први на состанок беа членовите на групата за инфраструктура, кои по средбата најавија дека во периодот кој доаѓа очекуваат зголемена соработка и проекти во делот на инфраструктурата и граничните премини.

-Се надевам сите овие средби ќе придонесат за развој на проектот за граничниот премин Клепало каде што ние се активираме силно со нашата работа.Гроздан Караџов – Министер за регионален развој на Бугарија .

Според најавите, утре би требало да се одржи и редовната средба за политичките прашања на експертите од двете министерства за надворешни работи. Во пресрет на состаноците пак, лидерот на опозициската ВМРО-ДПМНЕ, Христијан Мицкоски вели дека од нив не очекува напредок, и додава дека со Бугарија би разговарал за заедничка историја, но само како два различни народи.

За Симонида Кацарска од Институтот за европски политики пак, несомнено е дека има нова енергија во односите на двете држави, а работата на комисиите ја оценува како позитивна. Но, додава дека премногу е рано да се очекува кревање на бугарското вето во наредните неколку месеци. Според неа, земјава треба да биде внимателна и во делот за евентуално вметнување на Бугарите во уставот.

На скопскиот аеродром утре предвидено е да слета првиот авион од Софија, во рамки на новата авиолинија која произлезе од средбите Ковачевски – Петков. Авионското поврзување меѓу Скопје и Софија е првиот конкретен чекор од соработката која ја најавија премиерите Ковачевски и Петков по средбите во Скопје. Покрај авио линијата, најавено е и зајакнување на инфраструктурното поврзување и изградба на железницата до Бугарија.

Во сообраќајка кај Колари синоќа загина 46 годишник од Скопје, со возилото излетал од патот

Во сообраќајна несреќа вчера околу 18 часот на магистрален пат Кичево – Гостивар кај селото Колари животот го загуби 46 годишник од Скопје, откако со возилото што го управувал излетал од патот. 

Во сообраќајката со тешки повреди се здобила малолетна сопатничка во автомобилот.

-На 01.03.2024 во 18.20 часот во полициската станица Кичево, пријавено е дека на магистрален пат Кичево – Гостивар, кај селото Колари, патничко возило „форд“ со скопски регистарски ознаки, управувано од В.Н.(46) од Скопје, излетало од коловозот. Притоа, тој од здобиените повреди починал на местото на настанот, а смрт констатирал лекар од Итна медицинска помош. Со тешки телесни повреди се здобила малолетна сопатничка, констатирани во болницата во Кичево, информираше СВР Охрид.

Увид на местото извршила увидна екипа од Одделението за внатрешни работи Кичево.

Силна експлозија одекна во Санкт Петерсбург

Гувернерот на Санкт Петербург Александар Беглов објави дека во областа Красногварде во тој град се случил „инцидент“ во кој делумно се оштетени балконите на две куќи, но дека нема повредени.

„Министерството за вонредни ситуации и припадниците на полицијата работат на местото на инцидентот во областа Красногварде. Нема повредени“, напиша Белглов на Телеграм.

Тој изјави дека станарите од тие згради се евакуирани, пренесува РИА Новости.

Силна експлозија го потресе рускиот град Санкт Петербург рано утринава, откако беспилотно летало удрило во станбена зграда, јавија локалните медиуми, а пренесува Раша тудеј.

Како што пренесува локалниот весник Фонтанка, експлозијата се случила во северниот дел на градот, а фасадата на станбениот блок е „сериозно оштетена“.

Весникот „Известија“ објави и дека во Санкт Петербург имало експлозија која оштетила две згради и дека нема жртви.

По месец и половина, откриена е причината за смртта на претседателот на Херта

Иако неодамнешниот претседател на Херта од Берлин, Каи Бернштајн почина кон средината на јануари, јавниот обвинител дури по месец и половина ги откри причините за смртта, што ја шокираше Германија.

Да потсетиме дека Бернштајн легнал една вечер и не се разбудил утрото, а бил пронајден мртов од неговата сопруга која потоа повикала брза помош. За 43-годишниот Каи, сепак немало спас.

Во меѓувреме, германската јавност излезе со информација дека Бернштајн починал од природна смрт. Со други зборови, токсиколошките и хистолошките тестови не покажале ништо сомнително. Исто така, се верува дека причина за смртта е најверојатно срцев удар.

Бернштајн беше на чело на Херта од 2022 година, а веќе е познато дека е голем поддржувач на овој клуб и дека беше еден од симпатизерите во 90-те години.

притисни ентер