Падна Вељковата војска на смртта - Канал 5

Балкан

Падна Вељковата војска на смртта

Како изгледаше акцијата за апсење на Вељко Беливук и неговата екипа

Падна Вељковата војска на смртта

Апсењето на Вељко Беливук, попознат како Веља Невоља и неговата криминална група, која по бруталноста на злосторствата и начинот на организирање многумина ги споредуваат со озлогласениот „Земунски клан“ во изминатите неколку дена е тема број еден во Србија.

Една од најобемните полициски акции извршени во последните 18 години во која падна криминалната организација скриена зад навивачката група „Принципи“, за која постои сомневање дека контролира добар дел од пазарот со наркотици во Србија, но стои и зад серија киднапирања и ликвидации, започна во четвртокот.

Од тоа утро, речиси секој час полицијата открива нови детали и траги од крвавите злосторства на групата предводена од Беливук.

А сè започнало со обид да се прикријат трагите ...

Еден од главните луѓе на белградското подземје, Вељко Беливук, беше уапсен рано наутро во четвртокот кај Рудник заедно со уште неколку членови на неговата група, додека оделе да ги запалат автомобилите што ги користеле за извршување злосторства.

Неговиот најблизок соработник Марко Миљковиќ е уапсен во истото време во Белград.

При упадот на полицијата и БИА во стадионот „Партизан“, биле пронајдени петнаесет лица од групата на Беливук кои се лишени од слобода.

За време на акцијата полицијата претресла околу 30 локации, а на некои од нив биле пронајдени повеќе сефови. Клучни докази за извршени ликвидации биле пронајдени во третиот „штек“, во викендица помеѓу Лозница и Горњи Милановац.

Во петокот полицијата ја откри вилата на Беливук во Звездара, која би требало да биде изградена по примерот на базата на поранешниот Земунски клан во улицата Шилерова во Земун.

Истиот ден, оперативците на Службата за организиран криминал упаднаа во просториите на локалната заедница во Банатски Брестовац, каде што оваа криминална група имала и свој центар за регрутирање, во чии рамки постоела и база со стрелиште што членовите ја користеле за да вежбаат пукање со огнено оружје.

Групата предводена од Вељко Невоља беше сослушана во петокот вечерта во зградата на Специјалното обвинителство во Белград.

Една од викендиците каде биле вршени злосторства е откриена еден ден подоцна во Ритопек.

Во текот на следниот ден, истрагата продолжи во викендицата во белградската населба Ритопек. За време на претресот, полицијата и жандармеријата користеле и кучиња трагачи, а се вклучила и специјална единица за нуркање.

Полицијата со денови ја пребаруваше областа околу оваа викендица бидејќи се сомнева дека во неа се извршени најтешки злосторства - тортури и убиства. Во куќата на хоророт се пронајдени материјални докази и траги на ДНК, кои ќе се користат во истрагата.

Прислушуваните разговори, како и снимките од Веља Неволjа, беа објавени на ТВ Пинк. На неколкуте снимки има и делови од комуникацијата помеѓу Беливук и еден од членовите на групата Марко Андриќ Кузман во врска со случајот на Милан Љeпоја од Ниш, поранешен член на бандата „Пинк пантери“.

YouTube video

Милан Љепоја е намамен да дојде во куќата на ужасот во Ритопек на крајот од 2020 г. после што, според зборовите на началникот на Управата за криминалистичка полиција, Богдан Пушиќ, му се губи секаква трага.

Извор: www.blic.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер