Авторот на огромен број безвременски хитови и човек кој љубовта ја претвораше во музика, почина во 66 тата година од животот, по кратко боледување. Од него денеска се простува цела Македонија... неговите обожавалите споделуваат негови фотографии и рефрени на социјалните медиуми, а емоциите не ги кријат ниту неговите колеги.

Песните на Владо, ги одбележаа првите љубови, разделби но и веселби...Неговата „Од овој ден“ стана химна за венчавки, а без “Црно тиквешко“ се уште не може да се замисли седенка во друштво. Владо настапуваше до неодамна, кога поради болеста, почна да ги откажува закажаните настапи. Влатко Плевнеш, со кој често настапуваше, вели дека иако знаел за здравствените проблеми на Јаневски, веста длабоко го погодила.

Владо Јаневски ќе остане запаметен и како првиот претставник на независна Македонија на Евровизија. Во 1998 година со песната „Не зори Зоро“ ја испиша македонската историја на на најголмата музичка сцена носејќи ја македонската песна до милионскиот аудиториум. Покрај за себе, тој пишуваше песни и за колегите, на Ребека, и ја даде легендарната „Мачо“, за која таа денеска му е неизмерно благодарна.

Владо Јаневски во повеќе од три децении музичка кариера зад себе остави 6 албуми, беше член и во групата ластовица а пред да премине во соло водите, беше дел од легендарното дуо „Ластовица“, заедно со Роберт Саздов.

Неговото место на македонската музилка сцена ќе остане празно, но негоите песни ќе продолжат да живеат, да се пеат да будат емоции и да потсетуваат дека встинските уметници никогаш не заминуваат целосно. Зад себе остави музичко наследство за уште многу генерации.

Сите кои ќе сакаат да се збогуваат со Владо за последен пат, ќе можат тоа да го направат во капелата на Градските гробишта во Бутел во среда (1 јули) во периодот од 10 до 11 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вели за новите имиња кои ќе седнат на Иинденска ќе се носи одлука утре на седница на Извршниот комитет на ВМРО-ДПМНЕ по што ќе се знае кој министер каде ќе ротира, а каде ќе седнат нови лица. Мицкоски не сакаше да потврди дали Правда ќе оди кај кадар на Вреди, ниту дали ЗНАМ ќе го добие ресорот образование како замена за правда.

„Ние не сме раговарале за персонални решенија и за имиња. Принципиелно имаме договор околу ресорите. Јас во минатото кажав додека не се заврши седницата н Извршниот комитет на партијата, нема да коментирам ниту ресори, ниту имиња. Почекајте до утре отприлика околу 20 часот јавноста ќе биде подетално запознаена“– Христијан Мицкоски, претседател на влада.

Од Вреди пак веќе посочија дека за ресорот правда постигнале договор со премиерот и дека наместо досегашните 5 со реконтрукцијата ќе добијат шест министерства. Освен правда, Вреди ќе имаат кадар за односи меѓу заедниците на местото на Иван Стоилковиќ, како и министри за култура и за спорт, на местото на Љутков и Ристовски. ВМРО-ДПМНЕ пак ги добива ресорите здравство и социјална политика од кои ќе си заминат Азир Алиу и Фатмир Лимани, како добро владеење и евринтеграции, а вицепремиерот Беким Сали ќе преземе друг ресор.

Според опозицските партии реконструкцијата на владата немало да донесе ништо ново, туку само продолжение на досегашните политики, кои според Филипче се во насока на изолација и осиромашување на граѓаните.

„Се виде во последните две години дека порграмска оперделба на Владата се три прашања блокирање на европскиот пат, унилатерална ревизија на Охридскиот догвоор и не почитување на вољата на албанскиот народ. Каква и да е распределбата, кои и да се тие министри коишто ќе бидат именувани или разрешени тие се во функција или на извршители или нан адвокати на оваа програмска определба. “– Бујар Османи, потпретседател на ДУИ.

По објавувањето на дефинитвниот состав на владата, предложените министри веќе в среда или четврток се очекува да бидат испратени до Собранието, но дали ќе се менува една третина од владиниот состав за што Собранието би гласало за секој министер поединечно или ќе бидат назначени поголем број нови кадри, со што ќе се избира целосно нова влада засега е незивесно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Полицијата и службите за итни случаи спроведуваат голема операција во Штаде, град на околу педесет километри од Хамбург. Два хеликоптери кружат околу центарот на градот.

Уапсени се две лица, од кои едното е осомничено“, изјави портпарол на полицијата за Би-би-си.

Неколку лица се повредени по пукањето во објект за млади. Од полицијата соопштија дека не постои поголема опасност за јавноста.

„Билд“, повикувајќи се на полицијата, објави дека сите починати биле возрасни, а неколкумина биле повредени. Местото на злосторството се наоѓа во непосредна близина на младински центар. Истражителите почнаа да собираат докази и да ги испрашуваат сведоците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.