Совети и вежби за полесно заспивање и подобар сон - Канал 5

Живот

Совети и вежби за полесно заспивање и подобар сон

Неможноста да се заспие в кревет ноќе, може да биде „кошмар“... И за жал, несоницата е реалност за огромен број возрасни луѓе ширум светот.

Совети и вежби за полесно заспивање и подобар сон

Понекогаш се работи за решавање на основните проблеми, на пр. изборот на најдобриот душек или перница за спиење, или затворање привремени грижи од секојдневието. Но, понекогаш ќе треба и поинаков трик. Стручњаците за спиење на порталот „Том'с гајд“ (Tom's Guide) препорачуваат неколку благотворни методи и совети.

Медитација со „скен на телото“

Методот „Скен на телото“ е вид медитација што го идентификува и нѐ ослободува од стресот, т.е. од напнатоста и во телото и во умот. Концептот е едноставен: Со прсти „го проверувате“, т.е. го допирате и масирате секој дел од своето тело - почнувајќи од прстите на нозете до главата или обратно, и се забележува што чувствувате притискајќи ги мускулите на секоја точка. Потоа, како што објаснува стручњакот Клер Дејвис, со блага постепена масажа насекаде, следи опуштање на цело тело.

- Ако сакате сами да го пробате ова, Вие може да го прочитате нашиот водич за тоа како да ја користите техниката за скенирање на телото, што вклучува инструкции чекор-по-чекор. Лично, кога го пробав овој метод, ми беше тешко да се концентрирам и често го губев вниманието... Особено ако мојот ум е во ноќна вознемиреност, така што тоа не е универзално решение, појасни Дејвис.

YouTube video

Методот 4-7-8

Се работи за вежба развиена од д-р Ендрју Вејл - основач и директор на Центарот за интегративна медицина при Универзитетот на Аризона. Тоа е начин за активирање на човековиот парасимпатичен нервен систем за дишење (ПСНС) - одговорен за одмор и релаксација.

Оваа техника се состои од длабоко, ритмичко дишење. Основната цел е вдишување четири секунди низ носот, задржување на здивот седум секунди, и на крајот издишување низ уста коешто треба да оди полека - осум секунди. Тоа се повторува четирипати во една вежба, а двапати на ден - секојдневно, заради поголема делотворност.

Уредничката на списанието, Никола Еплтон вели дека методот е особено делотворен при тн. ноќна анксиозност.

- Тој помага да си го регулирам дишењето, коешто може да стане кратко и забрзано кога се чувствувам вознемирено. Понекогаш заспивам релативно брзо откако ќе го повторам 4-7-8, а други пати, пак, се чувствувам доволно опуштено, па земам книга или да преминам на друг метод за релаксација, вели таа.

Војничко заспивање

Овој метод е всушност техника со визуелизација за најбрзо можно заспивање. Како што посочува името, техниката е осмислена за спиење во воено опкружување и се смета за исклучително делотворна. Според наводите, ефектот се постигнува по 6 недели, и тоа за 96 насто од луѓето.

Општо кажано, целта тука е пред сѐ - обид да ги опуштите умот и телото, а потоа се замислувате себеси: 1. како лежите на грб во чамец на мирно езеро, со кристално чисто небо над вас, или 2. лежите во црна вила во темна соба.

- Го научив војничкиот метод на спиење пред неколку години и сè уште го користам сега кога се сум премногу под стрес и напната пред спиење. Ги обожавам сликите на лежење во чамец на мирно езеро, бидејќи тоа што сум на отворено е моето можеби најсреќно место, вели Дејвис.

Сепак, без континуирана, секојдневна пракса, методот на војничко спиење не може да биде толку ефикасен.

- Всушност, само по неколку недели визуелизација секоја вечер, тоа почна да ми помага да заспијам навистина брзо. Па, ако Ви треба брз лек, наместо тоа, би препорачала „скен на тело“, додава таа.

Умствени вежби со „когнитивното плеткање“

Овие вежби е за оној проблем кога, токму пред потонувањето во сон, мозокот почнува да лута и нѐ напаѓа со случајни неповрзани мисли без никаква логика, смисла или значење.

„Когнитивното плеткање“ треба да го измами мозок „да влезе во хаос“ предвреме. Со намерно изнудено рано плеткање на Вашите мисли, го заобиколувате природното плеткање и така побрзо се заспива. Сè што треба е да мислите на случајни предмети, да ги визуелизирате, а потоа да мислите за повеќе други случајни предмети, онака - без особена врска или значење. Ако повторно забележите дека Вашиот ум лута, се враќате на намерно визуелизирање на случајни предмети.

Ова, се вели е една од најлесните вежби за сосредоточеност и концентрација. Според авторите на анализата, заспивањето е можно за неколку минути со когнитивно мешање.

Морнарички метод

Важно е да се забележи, дека оваа вежба не е првично осмислена за помош при заспивање ноќе. Таа, пред сè, е наменета за кратки дремки од 8 - 10 минути, за да ја одржува енергијата во текот на денот, ако немате време.

Концепттот е следен: Легнете на подот до креветот и потпрете ги нозете поткренати на креветот. Или пак кренете ги на ѕидот.

- Ова Ви помага брзо да потонете, бидејќи го поттикнува протокот на крв подалеку од стапалата и нозете, туркајќи ја кон срцето и мозокот. Ова прави веднаш да се чувствувате многу опуштено, па може и бргу да заспиете, вели Клер.

Вежбава има и „несакани“ последици: Поспаност по кусата дремка. Затоа, секогаш се тука другите методи.

Зошто некои луѓе тешко заспиваат?

Проблемите со заспивањето се вообичаени. Всушност, околу 30 насто од возрасните луѓе во светот имаат симптоми на несоница. Постојат повеќе предизвикувачи. Меѓу нив спаѓаат:

Психичкото здравје: Анксиозноста, депресијата и другите проблеми со менталното здравје можат да имаат големо влијание врз рутината на заспивање. Повисоките нивоа на кортизол во вечерните часови може да го отежнат опуштањето, неовозможувајќи му на Вашиот мозок „да се исклучи“, па хаотичните мисли Ве држат будни, велат стручњаците.

Рутината пред спиење: Седењето пред екранот, другите вечерни активности, како и времето што го избирате да одите в кревет, исто така, може да имаат негативен ефект врз Вашиот сон.

Хигиена на спиење: Вашите навики и околината придонесуваат за тн. хигиена на спиењето, па ако тие не се поставени правилно, треба да се работи на тоа. Размислете за исхраната, личниот распоред на спиење, употребата на електронки уреди, поставеноста и користењето на спалната соба и општо - начинот на живот, во смисла на пиење, пушење и вежбање.

Недостиг на сон: За жал, колку повеќе сме лишени од сон, толку потешко и заспиваме. Ако сте преуморни, Вашите хормони на стрес се повисоки и инстинктот „бори се или бегај“ е тука, што исто така предизвикува несакана будност. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Поради кавга за мобилен- татко и син паѓаат во бездна, загина и мајката (Вознемирувачко видео)

Потресно видео кое го прикажува моментот кога татко и син паѓаат од карпа во индиската држава Махараштра кружи на социјалните мрежи.

Поради кавга за мобилен- татко и син паѓаат во бездна, загина и мајката (Вознемирувачко видео)

18-годишното момче и неговите татко и мајка починаа во петок, 21 август, откако скокнаа од карпа еден по друг. На трагедијата ѝ претходела расправија за мобилен телефон што момчето го купило на рати, но не можело да го исплати, објави НДТВ.

Според медиумските извештаи, Кунал Чандгуде излегол од дома по расправија со својот татко и се искачил на рид во областа Тисгаон околу 10 часот наутро. Неговите родители го следеле, а за време на речиси тричасовниот разговор, им се придружиле бројни селани, и го слушнале Кунал како се заканува дека ќе скокне од карпата.

Селаните се обиделе да го разубедат.

„Тој живее за мајка си“, се обидел да го убеди еден човек.

„Не, морам да умрам. Тоа е единствениот начин“, одговорил Кунал.

Поранешниот старешина на селото, Санџај Јадав, исто така, се обидел да разговара со младиот човек.

„Го молевме да ја погледне мајка му, да не скока, му рековме дека е образован и дека има иднина пред себе. Пробавме сè“, рече Јадав.

Други дури понудија да му купат iPhone 15 Pro, но Кунал сепак инсистираше дека смртта му е единствениот излез.

Според полицијата, младиот човек го купил iPhone-от на рати и барал пари од семејството за да го отплати. По расправија со татко му за последната рата, тој излегол од дома во бес и се искачил на карпата. Околу 13 часот, неговиот татко, Мурлидар, му се приближил на својот син кој стоел на работ на карпата и се обидел физички да го извлече од работ. За жал, двајцата ја изгубиле рамнотежата и паднале во бездната, што исто така било снимено со камера.

Мајката на Кунал, Сангита, која ги видела сопругот и синот како паѓаат, отишла до работ на карпата неколку моменти подоцна и скокнала. Сите тројца починале на местото на настанот.

Полицијата сè уште не објавила дополнителни детали за семејниот спор, ниту ги потврдила претходните извештаи дека Кунал можеби се борел со депресија.

Тагови: Мајката мобилен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Девојче се капело во езеро во САД, кога ја нападнала „амеба што јаде мозок“- почина

Осумгодишно девојче од Луизијана почина од ретка амеба што го напаѓа мозокот, за која се верува дека ја добила додека пливала во езеро во близина на нејзиниот дом.

Девојче се капело во езеро во САД, кога ја нападнала „амеба што јаде мозок“- почина

Веста ја потврдија нејзиното семејство и здравствените власти, пишува CNN.

Лилијан Смарт, од Растон, северна Луизијана, починала во болница за време на викендот, не долго по прославата на својот осми роденден. Нејзините родители претходно објавија дека девојчето имало тежок оток на мозокот предизвикан од паразитот. „Синоќа Лилијан помина од нашите раце во рацете на Исус“, напиша вчера семејството на Фејсбук. „Оштетувањето на мозокот беше премногу сериозно и нејзиното мало тело не можеше да се опорави.“

Смртоносна инфекција

Одделот за здравство на Луизијана минатата недела објави дека едно лице можеби ја добило амебата Naegleria fowleri додека пливало во езерото Клејборн, на околу 50 милји од Растон. Иако властите официјално не го објавија идентитетот, семејството и пријателите потврдија за локалните медиуми дека станува збор за Лилијан.

Овој микроскопски организам живее во топли свежи води, а инфекцијата се јавува кога контаминираната вода влегува во носот и стигнува до мозокот. Министерството објаснува дека болеста не може да се добие со голтање вода, ниту пак се пренесува меѓу луѓето. „Инфекцијата е исклучително ретка, но речиси секогаш фатална“, објавија здравствените власти.

Исклучително ретки случаи

Инфекциите со амебата Naegleria fowleri се ретки. Според Министерството за здравство на Луизијана, од 1937 до 2025 година, потврдени се само 180 случаи, од кои три биле во Луизијана.

Повеќето случаи се пријавени во јужните и централните американски држави поради потоплите клими. Сепак, неодамнешните истражувања покажуваат дека климатските промени ги загреваат водите и во северните и среднозападните држави, проширувајќи ја областа каде што амебата може да се колонизира.

Според Центрите за контрола и превенција на болести (CDC), раните симптоми вклучуваат главоболка, треска, гадење и повраќање. Инфекцијата е тешко да се дијагностицира и брзо напредува. Подоцнежните фази на болеста може да вклучуваат вкочанетост на вратот, конфузија, халуцинации и губење на рамнотежа.

Збогување на семејството

Лилијан е на интензивна нега од минатата недела. Нејзината мајка напиша на Фејсбук дека девојчето било примено во болница поради висока температура, а подоцна почнало да гледа двојно.

Пред нејзината смрт, неколку локални бизниси во Растон организирале собирање средства за семејството на нејзиниот роденден, објави KNOE. Жителите велат дека Лилијан била позната во заедницата по својата веселост. „Таа секогаш беше среќно дете“, изјавил еден сопственик на локален бизнис за KNOE. „Секогаш кога ќе ја видевте, таа имаше насмевка на лицето.“

„Сите правеа сè што можеа за да ја задржат со нас“, напишаа родителите на Лилијан на Фејсбук. „Срцата ни се скршени и искрено не знаеме што да правиме следно.“

CNN претходно објави слични случаи. Во 2023 година, жител на Џорџија починал од истата амеба, додека во 2022 година, првата смрт на дете поврзано со истиот патоген е регистрирана во Небраска. Во двата случаи, здравствените власти потврдија дека пациентите се заразиле откако пливале во свежа вода.

Тагови: девојче езеро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Грција: Албанец ѝ дал 1.000 евра на сопругата „за трошок“, па отишол да ја убие љубовницата

Албанец (48), осомничен дека убил жена (45), која наводно му била љубовница, вчера наутро во Грција, а потоа извршил самоубиство, ѝ оставил на сопругата 1.000 евра „за трошок“ пред да се впушти во крвавото дивеење.

Драма во Грција: Албанец ѝ дал 1.000 евра на сопругата „за трошок“, па отишол да ја убие љубовницата

Според информациите од грчките и албанските медиуми, Албанецот ѝ ги оставил парите на сопругата пред да излезе од дома, велејќи ѝ да „продолжи да штеди“. Потоа отишол во Неа Смирни, каде што ја убил 45-годишната жена, а веднаш потоа извршил самоубиство.

Сопругата на сторителот, која била повикана да даде исказ, наводно изјавила дека забележала значителна промена во неговото однесување во текот на околу 18 месеци.

Според неа, 48-годишникот често бил отсутен од дома, а имало и ноќи кога спиел на друго место, без таа да знае каде е или дали е во врска со друга жена.

Според истите информации, неговата сопруга ѝ рекла на полицијата дека се плашела од него.

„Раскинав со него затоа што беше љубоморен“

Во исто време, се очекува изјавите на луѓе од околината на 45-годишната да фрлат дополнителна светлина врз нејзиниот однос со 48-годишникот, а особено што му претходело на злосторството.

Според информациите, жртвата ѝ се доверила на својата сестра дека е во врска со маж, но дека одлучила да раскине поради неговата љубомора. Таа наводно ѝ рекла дека ќе продолжи да инсистира и дека се плаши од него.

Ноќта на убиството, 45-годишната била сама во куќата. Нејзината ќерка не била во Атина, туку отишла во Агринио со нејзиниот чичко.

Камерите го снимиле злосторството

Во исто време, природата на врската помеѓу 48-годишникот и 45-годишната жена е под лупа на полицијата, додека неговите електронски уреди се анализираат за да се утврди комуникацијата или други докази што би можеле да ја комплетираат сликата за тоа што му претходело на злосторството.

Одлучен елемент е и снимката од безбедносните камери во областа, кои го снимиле злосторството. Според досегашните информации, 48-годишниот маж изгледал како да ја чекал 45-годишната жена пред нејзината куќа. Кога таа ја отворила вратата и излегла, тој ја застрелал, а потоа го насочил револверот кон себе и извршил самоубиство.

Оружјето што го користел 48-годишникот наводно било во негова нелегална сопственост.

Се истражува и неговото минато во Албанија.

Властите го истражуваат и минатото на сторителот во Албанија. Според информациите од protothema.gr, 48-годишникот бил предмет на интерес на албанските власти во 2016 година, кога бил уапсен во Тирана под обвинение за силување на неговата сопруга.

Албанските медиуми, исто така, објавија дека тој бил гонет за следење.

Тагови: Албанец љубовница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер