Осуден е првиот демонстрант кој упадна во зградата на Конгресот на САД во 2021. - Канал 5

Осуден е првиот демонстрант кој упадна во зградата на Конгресот на САД во 2021.

Првиот демонстрант кој упадна во зградата на американскиот Конгрес за време на протестот на 6 јануари 2021 година во обид да го спречи изборот на Џо Бајден за претседател, е осуден на повеќе од четири години затвор.

Осуден е првиот демонстрант кој упадна во зградата на Конгресот на САД во 2021.

Мајкл Спаркс (47) на судењето во март беше осуден за граѓански неред, непристојно однесување и други поврзани обвиненија, а сега, според Би-би-си, тој е осуден на 53 месеци затвор и ќе треба да плати парична казна од 2.000 долари.

При изрекувањето на пресудата, Спаркс му кажа на окружниот судија Тимоти Кели дека сè уште верува во лажните теории на заговор дека изборната победа на Доналд Трамп во 2020 година била украдена.

„Јас сум американски државјанин кој до ден-денес верува дека сме под тиранија. Жалам што се случи тој ден бидејќи тоа никому не помогна. Жалам што нашата земја е во ваква состојба“, рече тој.

Едно обвинение за попречување на правдата против Спаркс беше отфрлено по одлуката на Врховниот суд со која се ограничи употребата на законите против немирите во Капитол.

Но, по другите точки, судијата Кели му изрече построга казна на Спаркс отколку што сугерираа упатствата (помалку од две години), велејќи дека Спаркс не ги разбира целосно последиците од неговите постапки.

„Мислам дека навистина не ја цените целосната тежина на она што се случи тој ден и, искрено, целосната сериозност на она што го направивте“, рече судијата Кели.

Облечен во панцир, Спаркс влезе во Капитол преку скршен прозорец нешто по 14 часот, откако Доналд Трамп им се обрати на своите поддржувачи на митингот во Вашингтон.

Еден од полицајците кој работел на обезбедување на зградата на Конгресот пред судот сведочеше дека видел Спаркс како влегува во зградата, но дека решил да не повлече оружје и да пука.

Видео снимката од зградата на Капитол покажува дека Спаркс потоа се придружува на групата која го брка полицаецот по скалите и скандира „Ова е нашата Америка!“.

Тој ја напуштил зградата десетина минути подоцна. Беше уапсен неколку недели по немирите. Пред да отпатува за Вашингтон од својот дом во Сесилија, Кентаки, Спаркс напишал серија пораки на социјалните мрежи:

„Сакаме граѓанската војна да биде чиста“, „Време е да ги извадиме од Конгресот. Тоа е тиранија“, „Трамп ќе биде наш претседател уште четири години во името на Исус“.

Адвокатите на осудениот побараа тој да добие една година домашен притвор и изјавија дека и покрај тоа што влегол на Конгресот, тој не бил водач на нередите, туку дека настаните го повлекле. Обвинителот побарал 57 месеци затвор.

„Може да се каже дека Спаркс цел ден го разгоруваше огнот, се подготвуваше и планираше, што вклучува и носење панцир“, рече обвинителот.

Според официјалните податоци на Министерството за правда, речиси 1.500 лица се обвинети во врска со немирите на 6 јануари 2021 година. Речиси 900 од нив ја признале вината, а повеќе од 180 се осудени.

Доналд Трамп, кандидатот на Републиканската партија и поранешен претседател на САД, вети дека ќе помилува дел од осудените учесници во нередите, тврдејќи дека се „заложници и политички затвореници“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Петрова немала информации дека ДАНС ѝ вршел притисок на Михаилова

За бугарската министерка за надворешни работи Велислава Петрова Чамова останува мистерија од каде доаѓале информациите за наводни притисоци врз Ива Михаилова од страна на бугарската државна агенција за национална безбедност - ДАНС. 

 Петрова немала информации дека ДАНС ѝ вршел притисок на Михаилова

Откако опозициската партија „Да, Бугарија“, се закани дека за случајот со обвинувањата за притисоци врз Михаилова ќе го информираат и Брисел, Петрова-Чамова изјави дека досега немало индиции за какви и да се притисоци врз михаилова

–Како што можев да видам од изјавата на Ива Михаилова, таа самата тврди дека не била изложена на притисоци, па затоа за мене е мистерија од каде се појавија ваков тип на информации, до кои европски институции ќе пристигнат и што ќе им одговорат не сум многу сигурна, но досега немам видено таков случај,- -изјави Велислава Петрова-Чамова, министерка за надворешни работи на Бугарија.

На Михаилова, која има и македонско и бугарско државјанство, во судот во Кочани и се суди за сообраќајна несреќа лани во која животот го загуби 33-годишниот Бесим Дурмиши од Скопје.

Судењето се одвива во нејзино отсуство откако таа на 11 октомври под досега нерасчистени околности побегна од државата. Според адвокатот Драган Пешевски, одлуката на Михаилова да побегне во Бугарија, во време кгоа против неа се води активна судска постапка без пресуда, е неодговорна и нелогична.

–. Така да, сметам дека оваа одлука, посебно по она што го слушаме во јавноста за притисоци од службите од соседната држава, сметам дека брзо и се одби од глава оваа одлука,- изјави адвокат Драган Пешевски.

За потсетување, јутјуберот Станислав Цанов вчера објави аудиоснимки на кои наводно Михаилова тврди дека за време на лекувањето во Софија и бил поставен услов од вработен во ДАНС –да гостува кај новинарот Мартин Кабровски, кој добил однапред подготвени прашања, во спротивно ќе останела без средства за нејзиното лекување.

Михаилова и самата се огласи на социјалните мрежи, отфрлајќи ги обвинувањата дека некој во Бугарија и вршел каков било притисок. Пристисок врз михаилова демантираше и бугарската државна агенција за национална безбедност -данс. Следно рочиште за судскиот процес против Михаилова во кочанскиот суд е најавено за 27 ноември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ново намалување на цените на горивата: Бензините поевтинуваат за 2 денари, а дизелот за 2,5 денари

Од ноќеска на полноќ, ново поевтинување на цените на гориватамалопродажните цени на еуросупер бс-95 и еуросупер бс-98 се намалуваат за два денари по литар.  

Ново намалување на цените на горивата: Бензините поевтинуваат за 2 денари, а дизелот за 2,5 денари

Бс-95 ќе се продава за 84 денари, а бс-98 за 86 денари за литар.

Дизелот еуродизел поевтинува за 2,5 денари, па новата цена ќе изнесува 92 денари за литар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски во Брисел на форум за проширување на Европската унија

Македонија е исклучително добра во користењето на Планот за раст – нагласи претседателката на Европската комисија – Урсула фон дер Лајен на отворањето на Самитот за проширување на ЕУ во Брисел. 

Мицкоски во Брисел на форум за проширување на Европската унија

Фон дер Лајен ја истакна земјава говорејќи за модернизацијата на начинот на кој земјите кандидатки можат да се приклучат на Унијата, поточно постепената интеграција преку исполнување на Планот за раст но и построги правила за идните земји членки.

-Европа отвора сектори на единствениот пазар, за возврат, земјите од проширувањето спроведуваат клучни реформи, да се ​​обезбеди дека имаме еднакви услови за игра со единствениот пазар на нашата Унија. Сето ова е комбинирано со значителни инвестиции. // На пример, Македонија е исклучително добра во користењето на Планот за раст. Принципот е едноставен - напредок во реформите што носи напредок во интеграцијата и нови пазари за двете страни,- - Урсула Фон Дер Лајен, Претседателка на европска комисија.

Фон дер Лајен е децидна дека постои нов моментум на проширувањето - Црна Гора се приближува кон финишот на пристапните преговори, Албанија постигнува „импресивен„ напредок а низ целиот Западен Балкан, земјите преземаат важни чекори на својот пат кон членство, изјави таа.

На Самитот ќе се обрати и премиерот Христијан Мицкоски на панелот посветен на реформите, инвестициите и растот. Претходно тој оствари и средба со директорот на Генералниот директорат за проширување и источно соседство на Европската комисија - Герт Јан Копман.

-Нашата определба за членство во Европската Унија е јасна и недвосмислена. Македонија заслужува европска иднина, заснована на принципиелни односи, почитување и заштита на националните интереси, како и доследно спроведување на реформите во интерес на граѓаните,- - Христијан Мицкоски, претседател на влада.

Само оваа година е постигнат повеќе напредок во проширувањето од последните 25 години, оцени ресорната еврокомесарка – Марта Кос, која додаде дека Русија би сакала да го спречи тој процес, наштетувајќи им на земјите-кандидатки.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер