Свет

Орбан: Јасно се гледа стратешката разлика во ЕУ по изборите во САД

Орбан рече дека в четврток ќе се одржи Самитот во Брисел, каде ќе разговара со претседателот на Франција Емануел Макрон.

Јасно се гледа стратешката разлика која се создаде по американските претседателски избори, односно фактот дека има некои кои сакаат војна, а некои мир, оцени денеска унгарскиот премиер Виктор Орбан на заедничката прес-конференција со македонскиот премиер Христијан Мицкоски во Будимпешта.

Во одговор на новинарско прашање поврзано со прекинот на воената поддршка за Украина од страна на САД, Орбан рече дека в четврток ќе се одржи Самитот во Брисел, каде ќе разговара со претседателот на Франција Емануел Макрон, бидејќи како што рече, јасно се гледа стратешката разлика во Европската унија по изборите во САД.

– Во Париз јас ќе поразговарам со претседателот на Франција, потоа в четврток ќе се одржи Самитот во Брисел. Тоа што досега можеше да се покрие и да се поправи со комуникација, насмевки и прес-конференции, веќе тие алатки не можат да се користат. Јасно се гледа една стратешка разлика која се создаде по американските претседателски избори, односно фактот дека има некои кои сакаат војна, а некои мир. Додека само Ватикан и Словачка, покрај Унгарија кажаа дека сакаат мир, рече Орбан.

На Самитот во Брисел, додаде, Унијата ќе треба да се справи со овој предизвик, посочувајќи дека се работи за непремостлива разлика.

-Оваа разлика не ќе можеше да се нарече значајна, доколку САД не се префрли на нашата страна, но јас не би сакал да се фалам со нашата положба, но секако ние се наоѓаме на иста страна. Од тогаш, не може да се премости таа разлика. Ние треба да се справиме со овој предизвик во среда и четврток. На овој Самит на премиерите во четврток е одредена и друга точка на дневниот ред, независно од трансатлантскиот расцеп и воената ситуација во Украина, треба да разговараме и за тоа каква стратегија сака да примени Европа во економска смисла, во трговска смисла, во областа на одбраната итн. Таму ќе се обидеме да најдеме начин за соработка, рече Орбан.

Во врска со телефонскиот разговор што го имал со претседателот на САД, Трамп во неделата вечерта, Орбан нагласи дека имаат блиски односи со Вашингтон на сите нивоа. Нагласи дека сега е уште поголема причината за продлабочување на соработката, бидејќи имаат заеднички вредности.

-Имаме поголема причина, подлабока причина за соработка бидејќи имаме заеднички вредности. Ние се наоѓаме во цивилизациска борба и во оваа борба војуваме заедно со САД има некои други партнери, рече Орбан и одговори дека со Трамп разговарале за повеќе теми.

Во врска со денешниот инцидент во Парламентот на Србија, ппозициските пратеници запалија црни димни бомби и раширија транспарент на кого пишува „Србија стана за режимот да падне“, изјави дека тоа е приватна работа на Србија, но напомена дека откако победиле патриотите во САД, според Орбан зајакнати се обидите за дестабилизација во Централна Европа. Тој смета дека Србија е жртва на овие обиди за дестабилизација, а како, што рече, нивна мета освен Србија се и Унгарија и Словачка.

Тој истакна дека овој механизам се користи и против Унгарија. -Ако се уште се сеќавате на нашата борба против институциите на Сорос, тогаш знаете за што зборувам. Планираме таа борба да заврши до крајот на пролетта, рече Орбан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Терористички напад пред израелската амбасада во Белград: Напаѓачот извикувал „Алах Акбар“

Малолетник со два ножа, извикувајќи Алах Акбар, доцна синоќа е убиен, откако

Се работи за момче од Шабац, кое според полицијата, бил приврзаник на џихадистичката Исламска држава и веќе било следено од безбедносните служби како потенцијална закана. Полицаецот кој во самоодбрана смртно го застрелал напаѓачот, минал со полесни исекотини. Според министерот за внатрешни работи, Ивица Дачиќ, се работи за терористички напад, а нивото на терористичка закана е подгигнато на највисоко ниво.

-Тоа ниво се зголемува на црвен степен. Toa значи дека од наутро ќе биде засилена контролата и присуството на полициските сили на сите места кои се важни поради инфраструктурните објекти и поради собирање на поголем број граѓани. , изјави Ивица Дачиќ, министер за внатрешни работи

Во актуелната наелетризирана постизборна состојба во Србија, црвено ниво на безбедност не значи забрана за јавни собири, но значи зголемено присуство на полиција онаму каде што има. Од Студентската листа стравуваат дека актуелната влада во заминување може да го злоупотреби нападот пред амбасадата, дури и да прогласи вонредна состојба, со што би се пролонгирало конституирањето на новото собранието и новата влада, рече во интервју, кандидатот за пратеник на листата, Немања Ѓуриќ. Темата за евентуално прогласување вонредна состојба стана актуелна во дел од српските медиуми по упадот на група граѓани во телевизија „Информер“, собирите пред Пинк и јавниот сервис, но и заканата на Вучиќ дека како партија ќе се самоорганизираат, ако државните органи останат неми на инцидентите.

-Вонредна состојба се воведува тогаш кога заканата за државата и за граѓаните е огромна, односно кога под закана е опстанокот на државата и на граѓаните. Во овој момент тоа не постои, а дали некој ќе се обиде тоа да го исценира и да создаде таква слика, останува да видиме. , изјави за „Инсајдер.рс“, Предраг Петровиќ, Центар за безбедносна политика

Синоќешниот е втор теористички напад пред израелската амбасада во Белград, откако пред две години маж со самострел рани жандарм кој го обезбедуваше. И тогаш беше прогласно црвено ниво на закана, кое траеше шест дена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонски Телеком воведува прва самостојна 5г плус мрежа во земјава

Македонски телеком ја воведува првата самостојна 5г+ мрежа во Македонија, која треба да донесе побрз и постабилен мобилен интернет и нови дигитални услуги.

Од компанијата информираат дека инфраструктурата е веќе поставена, а новите функционалности постепено ќе се активираат и ќе им бидат достапни на корисниците до крајот на годинава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерство за енергетика: Филипче зборува неточно, ги игнорира фактите, гасификацијата продолжува

Филипче треба да одговори на едноставно прашање: како државата се откажува од гасификацијата, ако гасоводот со Грција се гради со инвестициски грант и заеми од Европската инвестициска банка и Европската банка за обнова и развој?

Тврдењата на Венко Филипче, на денешната прес-конференција, се неточни дека државата ја напушта гасификацијата и новите правци на снабдување. Интерконекторот со Грција се гради со обезбедено финансирање, се подготвува поврзувањето со Србија, а домашната гасоводна мрежа се оспособува за ставање во функција.

Филипче треба да одговори на едноставно прашање: како државата се откажува од гасификацијата, ако гасоводот со Грција се гради со инвестициски грант и заеми од Европската инвестициска банка и Европската банка за обнова и развој?

Според проектните податоци од 19 октомври, на македонската делница се испорачани 64 километри цевки, заварени се 43, а 18 километри се поставени во ров. Експропријацијата е реализирана во обем од 97 проценти. Тоа се конкретни работи на терен, а не политички најави.

Паралелно се работи на трасата и проектирањето на поврзувањето со Србија. Новите интерконекции создаваат услови за повеќе правци и извори на снабдување. Затоа поврзувањето на буџетските усогласувања со наводна определба за зависност само од руски гас го изоставува токму она што се прави за диверзификација.

Министерството утрово веќе појасни дека изградбата на гасоводи и планираната набавка и складирање природен гас за стратешки резерви се одделни процеси, со различни финансиски и технички предуслови. Обезбедувањето резерви зависи и од достапен складиштен простор и транспортен капацитет. Буџетската промена сама по себе не докажува дека инфраструктурните проекти се напуштаат.

Од претседателот на СДСМ очекуваме одговорна критика, заснована на целосни информации. Издвојувањето бројки, без да се објаснат намената на средствата, одделното финансирање и напредокот на проектите, ја доведува јавноста во заблуда. Политичката пресметка не смее да биде поважна од точното информирање на граѓаните.

Гасификацијата продолжува. Министерството останува отворено за конкретни прашања и проверка на документите и резултатите.

Министерство за енергетика, рударство и минерални суровини

Тагови: Министерство за енергетика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.