Олимписки шампион и неговите браќа го обвинуваат таткото за злоставување - Канал 5

Други спортови

Олимписки шампион и неговите браќа го обвинуваат таткото за злоставување

Олимпискиот шампион Јакоб Ингебригцен и неговите браќа Филип и Хенрик го обвинија нивниот татко и поранешен тренер Ѓерт за физичко насилство и малтретирање во колумна објавена во весникот VG.

Олимписки шампион и неговите браќа го обвинуваат таткото за злоставување

Тој ги негирал обвинувањата, но полицијата ќе го земе целиот случај во свои раце.

На Ѓерт неодамна му беше ускратена можноста да биде член на норвешката експедиција на Светското првенство во сала во Глазгов и на Олимписките игри 2024 година во Париз.

- Кога раскинавме со Ѓерт, мислевме дека ќе успееме да ја решиме ситуацијата по мирен пат, без да ги споменеме основните околности. Сега сфаќаме дека тоа не е можно. Оваа работа толку многу се разгоре и имаше толку многу последици што чувствуваме одговорност да ја расчистиме.

Пораснавме со татко кој беше многу агресивен, го контролираше нашето однесување, а во текот на нашето растење употребуваше физичко насилство и закани. Сè уште ја чувствуваме непријатноста и стравот што е во нас уште од детството. Некако го прифативме. Живеевме со него и продолживме во зрелоста. Барем така мислевме.

Но, пред две години повторно се појави истата агресија и физичка казна. Тоа беше последната капка. Пред две години ни беше доста. Во тој момент решивме да раскинеме со татко ми. Тогаш исто така стана невозможно да се продолжи со него како тренер – се вели во колумната.

Ѓерт во својата изјава рече дека како татко има слаби точки, но дека никогаш не ги злоставувал своите деца.

Јакоб Ингебригцен е олимписки шампион од Токио на 1500 метри, а на СП во Јуџин и Будимпешта беше најдобар на 5000, додека на ЕП со 1500 и 5000 беше прв во 2018 година во Берлин и 2022 година во Минхен. Освои и бројни втори и трети места.

Хенрик е поранешен европски шампион на 1500 метри од 2012 година во Хелсинки, додека Филип славеше во истата дисциплина во 2016 година во Амстердам.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Белград попладнево е погребан Ратко Младиќ (ВИДЕО)

Поранешниот командант на војската на Република Српска, Ратко Младиќ, кој од Хашкиот трибунал беше осуден на доживотен затвор, попладнево со воени почести е погребан на топчидерските гробишта во Белград. 

Во Белград попладнево е погребан Ратко Младиќ (ВИДЕО)

Посмртните останки на Младиќ, кој почина на 27 август во Хаг на 85-годишна возраст, претходно беа изложени во црквата „Свети Лука“ во Белград, каде што опело служеше поглаварот на српската православна црква, Порфириј. Младиќ, по желба на семејството е биде погребан до ќерката Ана. Младиќ во 2021 година беше правосилно осуден на доживотен затвор и беше прогласен за виновен за геноцидот во Сребреница и за други воени злосторства.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф: Без дијалог со русија шансите за мир во Украина се многу мали

САД се залагаат за дипломатско решение на војната меѓу Украина и Русија, но без дијалог со Москва шансите за мирно решение се многу мали, изјави американскиот специјален пратеник Стив Виткоф по средбата со украинскиот претседател Зеленски во Киев.

Виткоф: Без дијалог со русија шансите за мир во Украина се многу мали

Бараме дипломатско решение за овој конфликт, а не воен договор. Тоа е она што претседателот Трамп отсекогаш го барал“, рече Виткоф, одговарајќи на прашањето дали Путин е подготвен за трилатерална средба со Зеленски и Трамп. Украинскиот претседател Зеленски изјави дека клучните прашања, вклучително и територијалните, можат да бидат решени само на состанок на највисоко политичко ниво. Виткоф заедно со другиот специјален пратеник кушнер претходно беа на средби со Путин во Москва, но не беше постигнат опиплив напредок.

Тагови: Виткоф

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нов ценовен шок за граѓаните, дизелот од утре ќе биде рекордни 101 денари - а власта не носи мерки

Нов ценовен шок за граѓаните -  од утре за шест денари поскапува дизелот и ќе изнесува рекордни 101 денар за литар. 

СДСМ: Нов ценовен шок за граѓаните, дизелот од утре ќе биде рекордни 101 денари - а власта не носи мерки

Ова поскапување е директен удар врз ионака осиромашените семејните буџети на граѓаните.

Поскапувањето на дизелот значи поскап транспорт, поскапо производство и на крајот – поскапа храна.

Цените на храната веќе се до плафон. Потрошувачката кошничка достигна речиси 90.000 денари со кирија, а платите стагнираат.

Половина од семејниот буџет на македонските граѓани оди за храна и пијалаци. Овој ценовен бран затоа ќе биде уште потежок

Инфацијата од 2,6% што денеска ја измери статистика, за граѓаните не значи поевтин живот.

Цените веќе пораснаа.

СДСМ постојано ја повикуваше власта да преземе мерки и предупредуваше дека еднаш зголемените цени, потоа нема да се вратат назад.

Тоа и се случи - Цените не се вратија назад.

За само две години општото ниво на цените е зголемено за 7 %.

Куповната моќ на граѓаните е трајно намалена.

На граѓаните не им требаат статистиките и проценти од Мицкоски. Нивната статистика е празниот фрижидер и паричник.

Додека Мицкоски се фали со економски бројки, со некаква трета економија, граѓаните плаќаат поскапа храна, поскапи сметки и повисоки трошоци за живот.

Мицкоски и неговата Влада, наместо мерки за граѓаните, трупаат нови долгови, врз грбот на граѓаните.

За само две години создадоа нов долг од околу 4 милијарди. Јавниот долг се движи кон 12 милијарди евра или над 65 % од БДП. Ова не се пари за мерки за граѓаните, ова се пари за криминалните партиски тендери на Мицкоски и неговата ВМРО -ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер