Одбојкарите на Струмица Никоб го слават 19.шампионски трофеј, - Канал 5

Други спортови

Одбојкарите на Струмица Никоб го слават 19.шампионски трофеј,

Одбојкарите на Струмица Никоб го слават 19. шампионски трофеј, а тренерот Ричлиев на секој од нив се потпишува.

Одбојкарите на Струмица Никоб го слават 19.шампионски трофеј,

Одбојкарите на Струмица Никоб и во штотуку завршеното првенство уште еднаш потврдија дека се неприкосновени во македонската одбојка. Годинава го ставија 19-от печат на шампионските и куп титулите, а тренерот Кирил Ричлиев на секоја од нив се потпишува - на пет како играч и на 14 како тренер.

Со вкупно 27 победи, 19 во регуларниот дел и 5 во плеј-офот и само еден пораз, струмичани докажаа дека се квалитетен тим кој постигнува извонредни резултати на домашната одбојкарска сцена. Секој натпревар го одиграа одлично, со многу малку грешки и доминација на теренот. Заслужена и убедлива победа беше запишано после секој натпревар на одбојкарите на Струмица Никоб.

Само во последните десет години струмичките одбојкари освоија 8 двојни круни и секоја сезона докажуваат дека на далеку познатата струмичка школа, која влече корени од 1947 година, останува недостижна за конкурентите.

-Оваа сезона за прв пат учествувавме во Лигата на шампионите. Во реванш натпреварот против холандскиот Динамо победивме со 3:1 во сетови, но го загубивме златниот сет и не се пласиравме во наредното коло. Продолживме во Купот на ЦЕВ, каде имавме двомеч со хрватскиот претставник Мурса од Осиек. Дома бевме поразени со 3:2, а на гостувањето со 3:1. Сметам дека одигравме одлични четири меѓународни натпревари и многу успешно ја презентиравме македонската одбојка и градот Струмица, а со тоа и познатата одбојкарска школа на Струмица, вели Ричлиев.

Со одбраната на двојната титула струмичани повторно ќе учествуваат во шампионската лига.

- Мошне значајно е што покрај стандардните првотимци успеавме да промовираме повеќе млади таленти, кои во наредната сезона ќе ги покажат на дело своите квалитети. Се уште не се знае костурот за екипата за наредната сезона, но сигурно ќе имаме конкурентен тим, кој со успех ќе игра на два фронта - во Европа и во домашното првенство, смета стратегот на струмичани.

Одбојка почнал да игра во 1978 година заедно со брат му Васе во ОК „Струмица“, првиот македонски одбојкарски шампион и поранешен член на елитното југословенско одбојкарско друштво. По завршувањето на Факултетот за физичка култура, покрај активното играње, почнува со работа со најмладите категории одбојкари во Струмица, а еден период имаше и сопствена одбојкарска школа.

Тајните на одбојката ги пренесе на многу генерации. Од школата на Ричлиев излегоа многу поранешни и сегашни репрезентативци и интернационалци. Како и сега, и порано во македонската одбојкарска репрезентација настапуваат десетина негови одбојкари.

Неколку години беше тренер на репрезентацијата и му беше прв соработник на старо-новиот селектор Јошко Миленковски, како и селектор на младинската репрезентација.

Досега само на два пати, на кус период, заминувал од Струмица-еднаш како тренер на Косово и втор пат во Италија.

Двете деца на Кирил Ричлиев, синот Александар и ќерката Софија, продолжија по неговите стапки. Синот до пред две години настапуваше за ОК „Струмица“, а сега ја дели правдата на одбојкарските натпревари, додека ќерката успешно гради интернационална кариера, а моментно настапува во ОК „Брда“ од Сплит.

Рекордните шампионски и куп титули на сениорите успешно ги следат и помладите категории одбојкари. Младинците се третопласирани, кадетите се шампиони, а пионерите ќе играат финале и се очекува да запишат уште една шампионска титула во богатата клупска историја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Венс заминува на преговори во Швајцарија, тврди дека нема докази за затворање на Ормутскиот теснец

Американскиот потпретседател Џ.Д. Венс изјави за Фокс њуз дека Ормутскиот теснец останува целосно отворен, и покрај тврдењата на Иран за спротивното.

Венс заминува на преговори во Швајцарија, тврди дека нема докази за затворање на Ормутскиот теснец

„Не гледаме докази дека Иранците го затвораат Ормутскиот теснец“, рече Венс. „Всушност, вчера низ него поминаа 16 милиони барели нафта. Значи, јасно е дека бродовите се движат“, додаде тој.

Ванс патува за Швајцарија

Ванс денес патува за Швајцарија, каде што започнуваат подготовките за разговори со Иран, потврди американски функционер. Точното време на неговото заминување не беше објавено, а разговорите се доведени во прашање поради тековните судири меѓу израелските сили и Хезболах во Либан, објавија американските медиуми.

Американскиот пратеник Стив Виткоф и Џаред Кушнер, зет на претседателот Доналд Трамп, кои се задолжени за техничките елементи на преговорите, веќе се во Швајцарија.

Ванс: Распоредот е променлив

„Ќе почнеме да ги планираме разговорите кога ќе пристигнат главните претставници на иранската влада, како и на катарската и пакистанската влада“, изјави Венс за Фокс њуз кога беше прашан за неговиот распоред. „Може да се случи уште утре, но ваквите работи секогаш се малку нестабилни.“

Ванс објасни дека неговите планови за патување се промениле во текот на изминатата недела.

Тагови: Венс Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пакистански министер во Иран преговара за финализирање на мировниот договор со САД

Министерот за внатрешни работи на Пакистан, Мохсин Накви, пристигна во Иран за да разговара со иранските лидери за продолжување на преговорите со САД во Швајцарија.

Пакистански министер во Иран преговара за финализирање на мировниот договор со САД

Според провладината иранска новинска агенција Мехр, Накви прво слета во североисточниот град Машхад, каде што се одржува аџилак.

За време на неговата посета, се очекува Накви да се сретне со шефовите на преговарачкиот тим на Иран, претседателот на парламентот, Мохамед Багер Галибаф, и министерот за надворешни работи, Абас Аракчи. Пакистан официјално дејствува како посредник во војната меѓу Иран и САД од април.

60 дена за договор

Вашингтон и Техеран потпишаа рамковен договор претходно оваа недела со кој се повикува на прекин на непријателствата во регионот и враќање на комерцијалниот сообраќај низ Ормутскиот теснец. Се очекува да следат понатамошни разговори за спорни прашања, како што е нуклеарната програма на Иран, во рок од 60 дена.

Првата рунда разговори за можен нуклеарен договор во Швајцарија првично беше закажана за петок, но беше откажана поради обновените борби меѓу израелската војска и проиранската група Хезболах во Либан.

На почетокот на разговорите за рамковниот договор, барањето на Иран беше за значителна помош за реконструкција. Договорот предвидува најмалку 300 милијарди долари како еден вид фонд за реконструкција, но прашањето за финансирање останува нерешено.

Техеран, исто така, бара укинување на банкарските санкции за да може да го врати пристапот до меѓународниот финансиски систем и легално да ја продава својата нафта, својот најважен извор на приход.

Техеран има услови

Иран постојано нагласува дека нема да има конечен договор без да се исполни оваа обврска.

Американскиот претставник Стив Виткоф и иранскиот министер за надворешни работи Абас Аракчи патуваат во Швајцарија на разговори, објави Ројтерс во саботата, цитирајќи го Аксиос.

Потпретседателот на САД, Џ.Д. Венс, ги откажа плановите за патување во Швајцарија на разговори во четврток, поради зголемените тензии во Либан меѓу Израел и Хезболах, милитантна група поддржана од Иран.

Но, откако беше воспоставен прекинот на огнот, Виткоф патува во Швајцарија за да му се придружи на Џаред Кушнер, зетот на претседателот Доналд Трамп, кој веќе е таму, објави Аксиос. Аракчи планира да патува во сабота, додаде тој.

Ројтерс забележува дека прекинот на огнот во Либан се чини дека помогна во напорите за претворање на привремениот договор меѓу САД и Иран во траен регионален договор.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тинејџер прегази 3- годишно девпојче во Визбегово и избега- пронајден е

Пронајден е 19 годишникот кој вчера прегази 3 годишно девојче во Визбегово и избега.

Тинејџер прегази 3- годишно девпојче во Визбегово и избега- пронајден е

Во врска со сообраќајната несреќа случена на 19.06.2026 година околу 19.00 часот во с. Визбегово, скопско, во која патничко возило удрило во детски велосипед управуван од тригодишно девојче од Скопје кое се здоби со тешки телесни повреди констатирани во Комплекс клиники “Мајка Тереза” по што возачот го напуштил местото на настанот, СВР Скопје презеде мерки за расчистување на случајот.

Денеска (20.06.2026), полициски службеници од Одделението за увид на сообраќајни незгоди го пронајдоа возилото и го идентификуваа возачот. Станува збор за патничко моторно возило „фолксваген голф“ со скопски регистарски ознаки управувано од Џ.Б.(19) од скопското село Добрино. Над возилото е извршен преглед и фотографирање, а со возачот е извршен службен разговор. По целосно документирање на случајот ќе биде поднесен соодветен поднесок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер