Здравје

Одбележан Денот на менталното здравје: Немој „да прегориш“

На плоштадот „Македонија“ во Скопје денеска беше одбележан Светскиот ден на менталното здравје. Настанот беше во организација на Универзитетската клиника за психијатрија, со цел подигнување на свеста за важноста на менталното здравје.

Како што беше кажано, во нашава држава има пораст на лицата со нарушено ментално здравје, а најавени беа и низа активности со цел да се подигне свеста на оваа тема.

Директорката на Клиниката за психијатрија, Славица Арсова, во изјава за медиуми, рече дека за менталното здравје треба да се зборува на отворено, а не зад затворени врати. Затоа, тие денеска одлучиле да зборуваат за менталното здравје на плоштадот.

Таа подвлече дека менталното здравје не е луксуз, туку потреба и право на секоја индивидуа. Колку телесно, човек треба да биде и ментално здрав. Арсова појасни дека ментално здравје значи не само отсуство од некаква болест, туку да се чувствуваш радосен, среќен, пријатен. Оваа година, темата е врзана за менталното здравје и работното место, каде во текот на работната недела, луѓето најмногу го поминуваат нивното време.

- Постои синдром на прегорување, токму тоа и го велиме денес - „да не дозволиме да прегориме“, подвлече Арсова.

Директорката рече дека се собрани за да се подигне јавната свест околу тоа колку многу е важно на работа, условите во кои работиме, да бидат добри, меѓучовечките односи да се поддржувачки, да се работи тимски, а тоа подразбира еден колега на друг да му помага. На помлади, постари, како што посочи таа, небитно. Бидејќи, здрави луѓе - здраво општество. И обратно, болни луѓе - болно општество.

На новинарско прашање, таа одговори дека со години наназад се бележи пораст на луѓе со нарушено ментално здравје.

- Тоа е повеќефакторски, се разбира. Не можеме да кажеме дека се должи само на еден фактор. Односно, ние имаме зголемен број пациенти години наназад. Но, тоа не мора да значи дека луѓето се поболни, туку може да значи дека луѓето се поинформирани, односно дека еве, овие сите работи што ги правиме, се доволно добро или поподигната е јавната свесност, дека треба да се грижиме и за нашата психолошка состојба, не само за телесното здравје, бидејќи едното од другото не можеме да го одвоиме, нагласи Арсова.

На настанот присуствуваше и министерот за здравство Арбен Таравари, кој најави повеќе активности во програмата на Министерството за идната година, што ќе биле координирани со Клиниката за психијатрија.

- Порано менталното здравје беше некако табу за граѓаните. Меѓутоа, денеска е секојдневие и се соочуваме и навистина, целта е, не само индивидуално, туку и колективно освестување на луѓето за ваквите проблеми што се почести и повеќе луѓето ги пријавуваат кај институциите што се компетентни за тоа, изјави министерот.

Тој нагласи дека веќе има инвестиции во Клиниката за психијатрија, се работело за нови фасада, кров, врати, прозорци, внатрешно уредување, дијагностички методи, со што ќе се овозможело во оваа клиника, „што е терцијарна установа и најкомпетентна во државата за менталното здравје“, да им пружа сѐ подобри здравствени услуги на пациентите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Водител ја праша Шакира за Пике, а нејзиниот одговор стана хит: Таа не се двоумеше ниту миг

Светската музичка ѕвезда, мегапопуларната колумбиска пејачка Шакира гостуваше во шпанската емисија „La Revuelta“, каде што се пошегува со водителот Давид Бронкано за нивните љубовни искуства.

Разговорот бил одбележан и со нејзината приказна за тоа зошто зборува каталонски со своите синови во Мајами, како и со необичното интервју што траеше помалку од 20 минути.

За време на разговорот, Шакира откри дека понекогаш зборува каталонски со своите синови Милан и Саша додека се во Мајами, за да не можат другите да ги разберат.

„Зборувам каталонски бидејќи моите синови се Каталонци. Во Мајами разговарам со нив на каталонски кога не сакаме другите да нè разберат“, објасни пејачката.

Таа додаде дека нејзините синови често меѓусебно зборуваат англиски, додека таа се обидува да комуницира со нив на шпански и на каталонски.

Бронкано ја изненади Шакира кога покажал дека и самиот зборува каталонски.

Пејачката го прашала дали го научил јазикот поради врската со девојка од Каталонија, а водителот потврди дека имал партнерка од таму.

„И двајцата поминавме низ истото“, се пошегувал Бронкано, алудирајќи на врската на Шакира со поранешниот фудбалер Жерар Пике.

Пејачката секако не му останала должна. „Па, не сум баш сигурна дали е истото“, одговорила Шакира низ смеа, не навлегувајќи понатаму во приказната за нејзиниот поранешен партнер.

Посетата беше необична и поради начинот на кој беше организирана. Наместо во вообичаеното студио на емисијата, Бронкано разговараше со Шакира во комплексот „Макондо парк“ во Мадрид, каде што пејачката одржува серија концерти во рамките на турнејата „Las Mujeres Ya No Lloran“.

Според шпанските медиуми, посетата била договорена во последен момент, само еден ден претходно. Водителот и неговата екипа пристигнале на локацијата, но бидејќи Шакира доцнела, тие чекале речиси еден час.

Истовремено, Бронкано морал да фати лет поради лични обврски, поради што за разговорот останале само петнаесет минути. И покрај брзањето, тие сепак успеале да разговараат за нејзините деца, љубовта, концертите и секојдневниот живот.

Тагови: Шакира

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Маж влезе во оградениот простор со тигри, животното го растргна на парчиња!

Неидентификуван маж, кој скокнал во ограден простор со тигри во „Јоркшир вајлдлајф парк“ во северна Англија, починал од здобиените повреди, по нападот од животното.

На социјалните мрежи се појави видео од инцидент што се случи денес претходно во парк за диви животни во Велика Британија.

Имено, мажот – чиј идентитет не е соопштен и кој скокнал во оградениот простор со тигри во паркот „Yorkshire Wildlife Park“ во северна Англија – починал откако се здобил со тешки повреди.

„Екипите за итна помош излегоа на местото на настанот, но мажот, и покрај напорите на медицинскиот персонал, почина на самото место“, се наведува во соопштението на полицијата.

Тигарот не е повреден во оваа трагедија, соопшти полицијата, додавајќи дека семејството на загинатиот е известено. По инцидентот, паркот беше евакуиран, а тигарот остана во својата ограда. Полицијата апелираше до граѓаните да не ги споделуваат вознемирувачките снимки од инцидентот што кружат на интернет, а на кои се гледа како тигар напаѓа човек. Управата на паркот претходно потврди дека дошло до „сериозен инцидент“ во една од оградите за тигри и наведе дека веднаш биле активирани процедурите за итни случаи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп објави примирје. Зеленски изненаден, но се согласува

Американскиот претседател Доналд Трамп ненадејно објави дека „енергетското примирје“ меѓу Русија и Украина „стапува на сила веднаш“.

„Двете страни се согласија. Не го прекршувајте! Ви благодарам на вниманието. Претседател ДОНАЛД Џ. ТРАМП“, напиша Трамп.

Зеленски е изненаден, но го прифаќа примирјето , Путин молчи.

TRUMP: Announces immediate energy ceasefire between Russia and Ukraine, says both parties agreed and must not break it https://t.co/rUWLuYL6Eh
— Trump Truths (@trumptruthsbot) October 11, 2026

Најавата очигледно го затекна Киев неподготвен; Володимир Зеленски изјави дека објавата на Трамп за него претставува новина, но рече дека Украина би се согласила на договорот доколку и Русија го прифати. Москва сè уште нема дадено коментар за најавата на Трамп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.