Иако ја поздрави заложбата на власта за борба опротив корупцијата и владеењето на правото, Гир, како што рече, разрешувањето на овие две тела ќе предизвика сериозна загриженост.
-Разрешувањето на Судскиот Совет и Советот на јавните обвинители направено на невообичаен начин, ќе претставува мешање во независноста на судството и ќе предизвика сериозна загриженост. Истото важи и за идејата за поделба на Академијата на судии и јавни обвинители, институција за која сметаме дека треба да служи како гаранција за меритократија и непристасност во судството. – Дејвид Гир – Амбасадор на ЕУ во РМ
Гир ја преснесе порака на конференцијата која ја организираше Судскиот совет посветена на резултатите од имплементацијата на препораките на оценската мисија на ЕУ по минатата турбулентна година во советот. Американската амбасадорка Анџела Агелер се согласи со холандскиот амбасадор дека довербата во судството е шокантно ниска и очекува Судскиот совет да даде отпор на политичките притисоци.
-Пораката е јасна и не се менува – работете ја работата којашто треба да ја работите, следете го законот, работете за луѓето, дајте отпор на политички притисоци, заштитете го својот интегритет и прифатете ја транспарентноста. Напорната работа веќе започна и гледаме напредок. – Анџела Агелер – Амбасадор на САД во РМ
-Овие настани предизвикаа наша суспензија на МАТРА проектот, меѓутоа беше и причина за Оценската мисија испратена од ЕУ. Исто така сметам дека суспендирањето на проектот ни даде повеќе резултати од тоа само кога би продолжиле со спроведување на проектот. – Дирк Јан Коп – Амбасадор на Холандија во РМ
Дамева останува на ставот дека разрешувањето на целиот Совет би бил погрешен чекор кој ќе резултира со вакум период со опасност од застарување на дисциплинските постапки. Здржението на судии пак инсистира на консултации пред да се донесе било какво решение.
-Не ја поддржувам тезата за колективна одговорност. Сепак мојот личен став е треба да има индивидуална одговорност и таа индивидуална одговорност треба да биде точно детектирана и санкционирана. Секоја одговорност има име и презиме, нека се детектира и секој нека си сноси индивидуална санкција за нешто ако сторил противзаконски, го нарушил и интегритетот на Судскиот совет. – Весна Дамева – Претседател на Судски совет
Се она што се заговара во правец на реформи во судскиот систем, треба да се извршува согласно некаква консултација со овие судски власти. Се поинаку би значело непочитување на судската власт, се поинаку би значело сузбивање на судската власт. – Иван Џолев – Претседател на Основен Кривичен суд
Судскиот совет по ланските скандали доби препораки од Брисел од кои како што денеска информираа, најголемиот дел се спроведени и се однесуваат на образложување на одлуките и дисциплинските постапки.
Сепак, ВМРО-ДПМНЕ во изборната програма најави план за негово распуштање, а избор на членови во иднина единствено од судската фела.